Wp/avk/Boris Jitkov

From Wikimedia Incubator
< Wp‎ | avkWp > avk > Boris Jitkov
Jump to navigation Jump to search
Boris Jitkov
1882-1938
Sovietaf rossiavaf suterotik

Boris Stepanovitch Jitkov ( rossiavon Борис Степанович Житков ) tir rossiavaf suterotik. Koe Novgorod bak 1882 koblir aze bak 1938 koe Moskva awalker. Sanegara va inaf nelkaf grabom, i Viktor Vavitc berpot, gan sovietaf urayasik bak 1941 zo kalpouyur. Bat berpot bak 1999 gire zo kosmayar ; wetce tan grabomap ke rossiavaf suteroteem ke XX-eafa decemda re zo torigir.

Tanizva[edit]

Boris Jitkov tir vey Yud gruadikafa yasa. Gadikye va solokseropa taver isen gadikya tir lexusik. Mil yik va solokseropa is razopa is totavegedura vayar. Koyar ise va tamava kan tota exuler. Bak 1905 va redusa lospa kev progrom dilfura paker nume va aora epur. Radimi Santaneaksatafa Artowara, gorar da va razopa is rabazovdara dene dodelafa kotla di taver. Oxam moni balemda vanpir suterotik, sanegason va kiewatcapaf berpot ta jotikeem. Rossiaf bemik va inyona koyaranega isu kuda grupecked.

Wali 1929 is 1934 va Viktor Vavitc grot suter, ektun gu Artowara ke 1905. Goxe, 1934 tir tanda viele sutesik va redusa nuyuca drasud ise va warzafa seltevafa geltreva anton govesisked. Berpot bak 1941 arti barda radimi awalkera ke sutesik oxam zo sanegamar, voxe waroldon zo kalpour nume zo vilar. Sovietaf urayasik malyed da bata neva tir volxariaf is mefavlaf berpot.

Lan rubiasik jiligas va vodapa ke neva va konak tulok laxuvider enide ina me parmon di griawir. Viele bak 1999 gire zo kosmar aze koe Rossia zo sanegar, gu Bli is bali ke Vasili Grosman zo doluner, i gu banar berpot djugriawisiyin gan sovietafa rictaga.

Boris Jitkov

Boris Jitkov

 Blira 1882-1938
 Ava Rossiava
 Suterind Berpot
  Suterot 
Bookshelf icon (red and blue).svg  Tuveli icde Suteroteem  Bookshelf icon (red and blue).svg