Wp/avk/Ballena vedeyaf biragerd

From Wikimedia Incubator
< Wp‎ | avkWp > avk > Ballena vedeyaf biragerd
Jump to navigation Jump to search

Ballena vedeyaf biragerd ( espanavon Parque nacional marino Ballena ) koe Puntarenas winka kene pacifikafa krimta ke Costarika.

Bat vedeyaf gerd tir welmaf gu 1.10 km² moe siday is 53.75 km² ke minda. Kan kexi ( n° 19441-MIRENEM ) ba 14/12/1989 zo kizeyer.

Gerd va worara ke megenol bak sinafa lamara ta nazbalkera mal fentafa bira ke lentef alpoz van grocela ke Costarika wali santoleaksat is balemeaksat gikazawar, is volson mal fentafa bira ke geef alpoz van Costarika wali pereaksat is santaneaksat.

Nelkafi ki ke gerd koe biraf ind kle tigir voxen inafo konendaxo vas enk dem piludanya ( tulon Ballena is Bahía Uvita is Piñuelas ) ruldar.

Lozolonafa sidayafa sumpasaca tir zaxoda wale krimta is pistafa ewalama sobesapana remi ontinaf kraytacek vox tisa xonyo ta nuyafa estobara bak omaf kraytacek kiren raporka va ringucanya ta dizvera va kabay noved.

Vuestexa[edit]

Ballena vedeyaf biragerd
Vedeyaf gerd
Wiks va Ballena vedeyaf biragerd
DEBALA
Patecta Costarika   Flag of Costa Rica.svg     
Winka Puntarenas
Maneka OOjs UI icon mapPin-progressive.svg 9°05′31″ L-, 83°43′56″ R-
Welma 53.55 km²
RISTULA
Ord Vedeyaf gerd
UICN loma II : Vedeyaf gerd
UICN otuk 30595 
Redusa evla 14/12/1989