Wp/avk/Areni (arula)

From Wikimedia Incubator
< Wp‎ | avkWp > avk > Areni (arula)
Jump to navigation Jump to search

Areni arula tir betsava tice Arpa kuksa poke Areni wida ke Vayots Dzor utca koe Xayastana. Mila arula tir rawopafo joxaxo lize savsavafa vukuda az milsarefo vorafo xuvasiko zo kosmayad.

Vukuda ke Areni[edit]

Areni-1 vukuda

Kosmara[edit]

Debak mali 2008 zo joxar ise va konaka abdiizvafa muka. Loon katcalaf kosmaks tiyir tel va tanoya vukuda guazafa gu konaka decitda. [1].

Areni-1 vukuda tir leltafa vukuda guazafa gu 5500 tanda.

Mila vukuda ton donaf sok batvielu tir tel loon savsaf kosmaks. Inafa klaa tir lofa gu konaka decemda kapbure vukudeem ke Ötzi abdiizvaf inseik trasiyin koe Alp rodega. Soe averdeem evlon gu 10 000 tanda koe Oregon soka ke Tanarasokeem al zo kosmayar. Kosmara gan walvedeyafi soli gadeni gan Vedeyaf Opaf Cultim ke Xayastana [2] zo skuyur.

Vukuda ludevon ice ivamufa kela titsuyafa gu 45 cm- is dem anamkola vas 44 ik 48 cm- trovgon tigiyir. Leve empayana trocadayafa ekeda sareon gu Lutugal tigiyir. [3] Empayana furutsa is yona deaxolnola pokeon dere zo kosmayad.

Drunara[edit]

Vukuda ba kosmara tiyir riwe spafa. Trakut da mana burkafa videranya tir nope fent is metisa abda koe Areni arula, is dere tigira ke vafa bada kum namulologola tegiyisa wetce tugilavaxa. Sarmapa dem videwenyeyesa denta isu olyuba oku kolote koe debak dere zo trasiyid. [4] Vukuda tiyir dem werdki voxe rawopik me gruped kase yorda tiyir ta nendoyera va idulota ke nuga ok videra va tazukack ke vukuda. Cualeem dere zo nendoyeyer. Vukuda koe Izvatcilaxe ke Xayastana zo wonar. [5].

Tuvorara[edit]

Joxara va miluntxo ta tuvorara al koafizad, i va miluntxo guazafo gu 6100 tanda [6], dem geakifo xuvasiko is kuritcaf blet is anameon centedorga is vanxomenafa vora, is dere tawoldaki is dace tanoya bilaga isu ulirekeda [7].

Vuestexa[edit]

  1. Shereen Dindar, « World's Oldest Leather Shoe Found—Stunningly Preserved », National Post, Canada,‎ 9 teveaksat ke 2010
  2. Bruce Bower, « Ancient shoe steps out of cave and into limelight », Science News,‎ 3 pereaksat ke 2010
  3. Ron Pinhasi, Boris Gasparian, Gregory Areshian, Diana Zardaryan, Alexia Smith, Guy Bar-Oz et Thomas Higham, « First Direct Evidence of Chalcolithic Footwear from the Near Eastern Highlands », PloS ONE,‎ 9 juin 2010
  4. « What's Older Than the Pyramids and Smells Worse Than a Mummy? », Fox News, 9 teveaksat ke 2010
  5. Nanore Barsoumian, « Armenian Shoe on Display », The Armenian weekly,‎ 12 pereaksat ke 2010
  6. National Geographic, Oldest wine press
  7. Kosmaks koe Arena-1 debak AFP

Areni
Wiks va rawopaxo ke arula
DEBALA
Debala Areni, Vayots Dzor
Xayastana   Flag of Armenia.svg
Maneka 39°43′53″L-, 45°12′13″R-
KIRA
Ord -
Sidopugal -
Ayafe sare Lutugal, Iyekotugal
Ontine ke kolanixo m-
Grupene abrotce 40 m-


Kolanixo ke arula
Kelda van kolanixo
Wiks male arula
Debak bak 2012