Wp/avk/Areldafa bra (suterot)

From Wikimedia Incubator
< Wp‎ | avkWp > avk > Areldafa bra (suterot)
Jump to navigation Jump to search
Areldafa bra


Areldafa bra tir tan toloy zolonaf berpot ke María Luisa Bombal, sanegayan bak 1935.

Koe Areldafa bra berpotamak, valey rupama manon vergumveltkirafa, balemoya ara tid : AalEl árbol ) is TronkeemTrenzas ) is BirgaLo secreto ) is Warzaf ewaleemLas islas nuevas ), dositasa va bat berpot.

Areldafa bra

Pwadena gan dalaf korekik, Areldafa bra tir izva ke yikya sure kureyena gu tane kosayikye, i gu kosayik dikis va gluyapa ke namira va taneafa kurenya levion awalkeyesa arti oxam baroy kurenaf aksat. Bata toleafa kurenya poanon gan kurenye, va bana taneafa ware torigina wetce kotunik gonoriwer. Lanmielon bal jonvielera koe widava, va stivawese diveikye ko rendafa mona dositar. Banvielu va bantanye dun trakur ; to namira va bana mielafa skedegara di pomatar da inya va sitafa blira di tcizar.

Inafa renara va diveikye tir pofa maneke va kranavera is gracera lapter, isen ant trakura va blira turogindenar, i trakura da ine krulder ise koe lana alava ke tamava dile modovar. Lanviele ina va ine koe direm vanlapis az mevukison kaiklanis dace rokosmar. Voxen viele va bata savsafa skedegara pu kurenye movur, pune bantel kalir da ina antafa va mona meviele mielon al bulur ise bal bat mielcek rotir al ulirsir nume va tacedik al wir.

Viele nope folvaf goaspil ke ksera ke ikaberikya ko widava dimpir, pune va mona ke skedegara weti sanda aneyar, voxe viele trasir pune ayikya koeon blisa kalir da inaf pilkotikye weti loon sanalubda awalkeyer ise tiyir wiiskafe. Radimi batcoba me kser kire vofar da mancoba co tir kipeaca ba inafa klaa, nume va kurenik radimfir, roedason va meseramaf is namiksiskaf guazugal edje bra va coba anameon titicker, dace relvason va darekeugal.

Aal

Aal berpotam va tela lojotafa berikya ke teva konakilar, i va Brígida torigina gan gadikye gu akoydik, is kureyena gu tan inaf nik. Voxen dace koe kurera, ina va pokolena gildara me trasir ise va blira do kurenik kevnaler ant kire ko birtafa wuka ke klok gelber, i ke klokara divmodana kev rebava ke mawa gan gama ke dapota kabduon tigisa. Viele aal zo balier, pune Brígida mea bravana gan gameem pester lebafa koe olkoba dere lebafa . Nume do kurenik mea rozavzagir nume bulur.

Dere rupel

Areldafa bra
XANTO
Vergumvelt La última niebla
Sutesik María Luisa Bombal
Ava Espanava
Suterotinda Berpot
Evla 1935
betara teza
Bookshelf icon (red and blue).svg  Tuveli icde Suteroteem  Bookshelf icon (red and blue).svg