Wp/avk/Anisya Bolotina

From Wikimedia Incubator
< Wp‎ | avkWp > avk > Anisya Bolotina
Jump to navigation Jump to search
Anisya Bolotina
1865-1939
Rossiaf artowasik

Anisya Davidovna Bolotina ( rossiavon Анисья Давыдовна Болотина ) tiyir rossiaf artowasik. Koe Mstislaw ke Magilyov bowexo ke savsafo rossiafo gindaxo is refa Belarusa bak 1865 kobliyir. Bak 1939 koe London koe Britana awalkeyer.

Blirizva

Anisya Bolotina tir vey yudafa glastafa yasa ke Mstislaw koe Magilyov winka. Mali rumeugal va yamba gruter. Koe Moskva va lingeropa is balumaropa is vegeduropa vayar.

Bak vayarugal gan artowas rieteem zo zoer nume va Narodnaya Volya grustaks vilter. Bak 1885 va rubiara va pouna virda koe birgotafe rubiaxe paker.

Ba 31/03/1886 moi rankera gan ardial zo soper. Ko Butirka flint zo arburer. Ba 16/07/1887 ko ronefa Sibira ta anyustadafa gakera ristulon zo rezgaler. Divblixo koe Kolima utca banugale ruptesa va Yakutsk ristulaxo. Ba 22/03/1889 va ervokirafa acagira ke yon divblinik ke Yakutsk paker. Bakanon zo flugar aze zo koflintar.

Ba 13/06/1889 gan sayakaf erkey ke Yakutsk gu zelara va nuyuca is parmafa poana kobara zo lanzar. Kadimion restali gu divblira is sanalubdafa poana kobara zo ikaplekur. Anisya Bolotina va gakera koe flint ke Vilyuy taneon kotaskir aze ko ayikyaf flint ke xalta ke Kara koe Ust-Karsk ba 26/03/1890 zo arburer. Ba 17/04/1891 inafa gakera gu bareaca zo kastar. Bak 1893 den nuyafi soli koe Kaday zo dostegar.

Ba 22/02/1895, ina ko divblinikafa loma rictana gu blira koe Sibira arti anyustda ke kotaskiyina gakera is pakafa dimsulara va rokeem zo kosuter .

Batvielu koe Tcita enintenon ronosoker. Bak saneaksat ke 1897 va Tcita van Cklov koe Magilyov winka koe europafa Rossia bulur lize enintenon gan ardial di gonoblir.

Bak teveaksat ke 1898 ko divexo lajumallakir. Kan gindafi kexi ba 21/10/1905 zo emnagar. Azon koe Antwerpen koe Belga blir aze ko London koe Britana koirubar. Dene gaderopafa divlamasikafa anameda mu Seltevafo Artowaso Pako sayudar. Koe London bak 1939 awalker.

Vuestexeem

Anisya Bolotina

Anisya Bolotina

 Koblira  1865,
 Mstislaw, Magilyov winka, Belarusa
 Awalkera  1939,
 London, Britana
 Vedeyot  Rossia
 Tegira  Galbedus artowasik is yambik
  Bifa 
P Parthenon 2.svg  Tuveli icde Izvopa  P Parthenon 2.svg
Xe ke Kara xalta, 1891
General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiafa artowasikya

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc