Wp/avk/Anadir (kuksa)

From Wikimedia Incubator
< Wp‎ | avkWp > avk > Anadir (kuksa)
Jump to navigation Jump to search
Anadir
bost
Anadyr.png
KIRA
Abrotce 1 146 km-
Kuksaxo   191 000 km²
Bost Anadir
Celack 1 000 m³/v-
SALT
Klita Anadir azekexa
Artexo Bering Bira
Kovoapa   Tanyurer, Belaya-Yurumkuveem, Tcineyveem, Mayn, Yablon, Eropol
TAWAVO
Patecta Rossia

Anadir ( rossiavon Ана́дырь ) tir bost valentrone Sibira koe Tcukotka Winka ke Rossia.

Abrotcafa gu 1146 km-, dem bostxo vas 191 000 km² is celack vas 1 000 m³/v-. Va Bering Bira ke Pacifika Welfa ton abrotcafa reca kadasa Anadir ceda konir.

Tawavopa[edit]

Klita ke bost koe Anadir azekexa tigir. Inaf salt taneon geronnir aze kal Anadir ceda ke Bering bira ronnir.

Bostxo tir ruga kulafa gu ruxafa apta ise tir dem mata sanelia.

Remi lerdoy aksat, gola tir noldanafa isen voa tid tapanafa. Edje lava tir nuyafa, pune kipi ke bost tir rototani.

Anadirsk widava, i rictulaxo ke Tcukotka utca, kene reca ke bost tigir.

Lavopa[edit]

Vertuma ke Anadir bost tir azekafa noldakorafa. Laumay bak teveaksat bak bicugal. Cel va 4980 m³/v- koe Snejnoye zomer. Azon mali toza ke idulugal tuomar. Vugafa vwa tir vas 23.3 m³/v- bak balemeaksat.

AKSATEAF CELACK ( m³/v- )
Lavopafa recela : Sneznoye
( Patavayana giva remi 30-da )

Kovoa[edit]

Nelkafa kovoa ke Anadir tid :

Kotavaf yolt Kirilavaf yolt
Abrotce
( km- )
Kuksaxo ( km² ) Domega
Tanyurer Танюрер 482 18 500 Taltefa
Belaya-Yurumkuveem Бе́лая Юрумкувеем 487 44 700 Taltefa
Tcineyveem Чинейвеем 252 4 400 Taltefa
Mayn Майн 475 36 800 Ronefa
Yablon Яблон - - Ronefa
Eropol Еропол 261 10 700 Ronefa
Ubiyenka Убиенка 193 3 070 Ronefa
Reca ke Anadir bost is Anadirsk widava

Izva[edit]

Bak 1648 Semyon Dejnyov va artexo ke Anadir bost artlapiyir radimida va krimta totason kenelapiyir. Va folkam ( ostrog ) ke titis Anadirsk banlize kolnayar. Bak 1649 vaticlapiyir aze va fentugalafo pemaxo poke noeltafa Markovo widavama exoneyer.

Remi direfa decemda, Anadir bost di tiyir tela keldacka mal Arktika Welfa kal Kamtcatka.

Bak 18-eafa decemda, gan Dmitri Laptev naelaf vestasik zo pimtayar.

Dere rupel[edit]

Vexala dem voapa ke Rossia

LocationRussia.png
Bost ke Rossia
AlazeyaAmurAnabarAnadirDniproDonIndigirkaKamtcatkaKolimaKubanLenaMezenNadimNarvaNevaNyemenObOlenyokOnegaOxotaPenjinaPetcoraPurPyasinaSevernaya DvinaTaymirTazTerekUdaUralVolgaXatangaYana Yenisey