Wp/avk/Alyona Arzamaskaya

From Wikimedia Incubator
< Wp‎ | avkWp > avk > Alyona Arzamaskaya
Jump to navigation Jump to search

Alyona Arzamaskaya ( ? - 1670 )

Alyona Arzamaskaya tir nuyafa tawadayikya. Tcumiver nume div xida otcer lize blir, bro ayikye va int di vager.

Bal Exurapa ke Tawadayikeem koe Volga gola ke Rossia gadena gan Stenka Razin, Alyona wetce kazakaf okilik ( ataman ) lyumar. Ba 1670 do 600 dositik va Temnikov levrotir. Viele widava gan ervolia ke Tsarik zo dimolgalicur, ina di zo gralomer.

Gu tilbu is diwura is vagera baskon gu ayikye zo koridar nume gu xonuka di zo lanzar. Moe teyak blison zo anteyar.

Blirizva

Ina koe kazakikafa wida poke Arzamas kobliyir. Bak jotugal do guazafe tawadayikye poanon zo kureyer voxe fure di vanpiyir nyobrafa. Vanpiyir tucpastik koe Nikolavski ayikyafe tucpastaxe poke Arzamas. Deneon grurabeliyir ise gruraselayar.

Bak 1669 viele exura ke Stepan Razin tenuweyer, Alyona va tucpastaxe bulur aze va tcumivik kevlanir. Va blay dem 300 ik 400 korik lajukatanar azen sin va Temnikov widava koe Mordva tawavo kallanir. Bak 1670 bat blay dositon gu tel ke Fyodor Sidorov va milk ke Leonti Caysukov bowesik va Arzamas surter. Radimion, ina va milk dem 700 korik ko Arzamas az Catsk gader aze ko Temnikov dimlanir. Alyona va widava remi toloy aksat bam bower. Inaf ervomilk tir dem loon 2000 vintesik.

Ba 30/10/1670, ervolia ke Alyona gan gindaf milk zo dilfur aze zo cener. Alyona koe Temnikov gan Dolgorukov redakik zo gralomer. Zo naker aze gu teyxonukera wetce dubiesik is tilbuik uculen gu diwura zo lanzar.

Dere rupec

→ Rossiafa artowasikya

Ronoksudana klita

Sanegafa liwomba : Alyona Arzamaskaya, exusik

Alyona Arzamaskaya
Defaut avk.png
 Blira ? - 1670
 Vedeyot Rossia


P Parthenon 2.svg  Tuveli icde Izvopa  P Parthenon 2.svg
General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiafa artowasikya

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc