Wp/avk/Alphonse Allais

From Wikimedia Incubator
< Wp‎ | avkWp > avk > Alphonse Allais
Jump to navigation Jump to search
Alphonse Allais
1854-1905
Francavaf suterotik

Alphonse Allais tir francaf felasutesik is suterotik is brusik. Ba 20/10/1854 koe Honfleur ( Normanda gola ) koblir aze ba 28/10/1905 koe Paris mulufter.

Nazbeik ke selaxopik, Alphonse Allais va gadikyefa joya taneon radimefir. Voxen inafa silpafa anda va mana exava katijir : batdume ko Paris mallapir enide di vayar. Kalion, nobara ke yikye kunte ravera va ugal mokereled. Tulon gu Charles Cros nik va ksevafigasuteropa yawar aze va feleba lomegar.

Bam va yona ferimafa negama, tulon pu Gil Blas fela isu Le Journal, sutelar. Va batyona remi 1890 sanda ko larma lospar, i ko tulon À se tordre larma azu Vive la vie azu Amours, délices et orgues.

Isti Belle Époque sare, Alphonse Allais va foktafa is metarkasa sutera nuleckesa va glastedikeem voner. Inafa jekura va solovuca vey Captain Cap- koredik tulon viwazewer. Alphonse Allais va jontika holorime ezla ( kot blok va dokotuca ke sokuda tadler ) is yona nega waljoana gan tenukera ennumetikisa va arak ke rupa dere suter. Voxen kake foktafa sutera, Allais va lana rotatrakureva icde tamava muxar.

Bak 1905 golde rizafa riyura mulufter, darevielon abdikaliyison, nuve.

Ozwaks[edit]

Alphonse Allais nope jontik inaf ozwaks dere zo grupecker.

Kalkotavayan suterot[edit]

  • Yon ozwaks ke Alphonse AllaisCitations d'Alphonse Allais ), kalkot- 2012 gan Angela Wagner, Wikikrenteem dotay, banliz
Alphonse Allais

Alphonse Allais

 Blira 1854-1905
 Ava Francava
 Suterind Bruca, Ozwaks
  Suterot 

Bracak

  • À se tordre (1891)
  • Vive la vie ! (1892)
  • Pas de bile! (1893)
  • Le parapluie de l´escouade (1893)
  • Rose et vert Pomme (1894)
  • Deux et deux font cinq (1895)
  • On n'est pas des bœufs (1896)
  • Le bec en l´air (1897)
  • Amours, délices et orgues (1898)
  • Pour cause de fin de bail (1899)
  • Ne nous frappons pas (1900)
  • Le Captain Cap. (1902)
Bookshelf icon (red and blue).svg  Tuveli icde Suteroteem  Bookshelf icon (red and blue).svg