Wp/avk/Aleksandra Xorjevskaya

From Wikimedia Incubator
< Wp‎ | avkWp > avk > Aleksandra Xorjevskaya
Jump to navigation Jump to search
Aleksandra Xorjevskaya
1853-1887
Rossiaf artowasik

Aleksandra Ivanovna Xorjevskaya ( rossiavon Александра Сергеевна Хоржевская ) tiyir rossiaf artowasik. Koe Odesa koe savsafo rossiafo gindaxo bak 1853 kobliyir. Bak 1887 koe Tomsk kser.

Blirizva

Vey oluafa yasa ke Xerson winka, tir nazbeikya ke pilkotik ke Odesa. Yasegon zo gaar ise mbi vayar.

Bak 1872 ko Swiza mallapir, vayatason va selaropa koe kotla ke Zürich. Banlize va Fritsch rijay dem rossiaf vayasik nobar, don tulon Vera Figner is Sofia Bardina.

Viele rossiafe bowere dirgar da rossiaf vayasik va Swiza di bulud ise ko Rossia di dimpid, pune Aleksandra Xorjevskaya bak santoleaksat ke 1874 ko Rossia dimpir.

Bak taneaksat ke 1875 koe Moskva koirubar aze va redusa aba ke Seltevaf Artowas Kotrossiaf grustaks tcoker.

Do Lidya Figner is Olga Lyubatovitc isu Vera berikya koe Moskva galbedupur.

Daditison va tufa mu artowasa tegira, va Aleksandr Tsitsianov artowasik ba 13/07/1875 fudjeson yerumar.

Azon va Moskva bulur aze koe Sakartvela galbedur aze va Kyiv levirubar lize rolayolton gu Vera Glebova blir.

Koe bana widava ba 09/09/1875 do Gesya Gelfman zo soper aze zo koflintar. Ba 14/03/1877 bal Jiz va 50 ke Sankt Peterburg nope pakera va kumsetusa tegira is platera va kevmadara is amuzera va memwedaf sanegaks gu alubda ta poana kobara zo lanzar. Gakera gu divblira ko koe Sibira zo nuner.

Bak santaneaksat ke 1877 ko Tyukalinsk koe Tobolsk winka zo rezgaler. Banlize va Feliks Volxovski kaikion toleon yerumar. Do in bak 1881 ko Tomsk zo arburer.

Bak 1887 banlize kser.

Vuestexa

  • (ru) Хоржевская Александра Сергеевна, Деятели революционного движения в России, М. : Всесоюзное общество политических каторжан и ссыльнопоселенцев, 1927—1934.

Aleksandra Xorjevskaya

Aleksandra Xorjevskaya

 Koblira  1853,
 Odesa, Ukraina
 Awalkera  1887,
 Tomsk, Rossia
 Vedeyot  Rossia
 Tegira  Galbedus artowasik
  Bifa 
  • Seltevaf Artowas Kotrossiaf grustaks
P Parthenon 2.svg  Tuveli icde Izvopa  P Parthenon 2.svg
Aleksandr Tsitsianov (1850-1885), taneaf yerumanik ke Aleksandra Xorjevskaya
Felisk Volxovski (1846-1914), toleaf yerumanik
General Map of Asiatic Russia- Showing an Up-to-Date Division into Provinces and Regions, Maritime Administration of the Maritime Region, and the Routes of Russian Seafarers WDL96.png
Rossiafa artowasikya

Varvara AleksandrovaMaria AnaninaNatalya ArmfeldAlyona ArzamaskayaSofia BardinaFanya BaronEkaterina BartenevaVarvara BatyuckovaAnastasya BitsenkoSofia BogomoletsAnisya BolotinaEkaterina Brecko-BreckovskayaMaria CkolnikLidya EzerskayaRebekka FialkaLidya FignerVera FignerYevgenya FignerGesya GelfmanEmma GoldmanXristina GrinbergRaisa GrossmanSofia Ivanova-BoreycoAleksandra IvanovskayaEvdokia IvanovskayaPraskovya IvanovskayaAleksandra IzmaylovitcMaria KalyujnayaFanni KaplanNatalya KlimovaNatalya Kogan-BernsteinZinaida KonoplyannikovaMaria KovalevskayaElizaveta KovalskayaYulya KrukovskayaMaria KutitonskayaTatyana LebedevaSofia LeschernOlga LyubatovitcVera LyubatovitcFani MoreinisMaria NikiforovaSofia PerovskayaAnna Pribilyova-KorbaAnna RasputinaYevgenya RatnerNeonila SalovaNadejda SigidaNadejda SmirnitskayaMaria SpiridonovaMaria SubbotinaNadejda SubbotinaYevgenya SubbotinaOlga TaratutaLyudmila TerentyevaAnna ToporkovaMaria VetrovaLyudmila VolkensteinAleksandra XorjevskayaAnna YakimovaVera Zasulitc