Wp/avk/Akatuy xalta

From Wikimedia Incubator
< Wp‎ | avkWp > avk > Akatuy xalta
Jump to navigation Jump to search

Akatuy xalta ( rossiavon : Akatuyskaya katorjnaya tyurma, Акатуйская каторжная тюрьма ) tiyir tana tcema ke xaltaf bolkap ke Nertcinsk koe Aleksandrovo-Zavodski utca ke Zabaikala winka koe Sibira ke gindafo Rossia.

Bak 1885 George Kennan amerikik va xalta worayar ise stragayar : « Koe Sibira mekaro xo antiafo is gabentafo is cugeke jovleyeno gan Lorik loon dam Kara is loeke to Akatuy noldanaf is bumapaf krant krulder. »

Ba redura is rami yona taneafa sanda, xalta ke Akatuy nelkon tiyir ta gomilayas lanzanik isu dubieyes. Xaltafa vertuma tiyir febapafa. Lanzanik ta kawodafa divoksera va dig is dilgava kobayad.

Azon, xalta va jontik lanzanik nope polskafa exura ke 1863-1864 ise dere vanpiyir gaderopikafa xalta.

Akatuy, zovdaks ke 1885

Moi grirunkara va xalta ke Kara bak 1889 nope Kara folva is dofa ksera ke konak daginik, Akatuy zo divlaumasiyir. Warzafe xe zo veguduyud aze va 110 daginik arbureyen kou Kara vedgobeyed. Akatuy di vanpiyir tel dalaf gaderopikaf flint koe ronefa Sibira. Bak 1919, 225 korik tiyid flintaf.

Bak 1911, xalta ke Akatuy gu ayikyaf flint zo artazukayar. Kotgrupafa lanzanikya dum Maria Spiridonova is Fanni Kaplan koeon zo dagiyid.

Artowasikya koxaltayana

Wali 1890 is 1917, jontik artowasik koeon zo koflintayad, don yona artowasikya :

Artowasikya koxaltayana koe Akatuy
Rossiaf yolt Yolt Ewava Katcalaks
1 Анастасия Алексеевна Биценко Anastasya Bitsenko
2 Мари́я Ма́рковна Шко́льник Maria Ckolnik
3 Лидия Павловна Езерская Lidya Ezerskaya
4 Ревекка Моисеевна Фиалка Rebekka Fialka
5 Праско́вья Семёновна Ивано́вская Praskovya Ivanovskaya
6 Александра Адольфовна Измайлович Aleksandra Izmaylovitc
7 Фанни Ефимовна Каплан Fanni Kaplan
8 Мари́я Алекса́ндровна Спиридо́нова Maria Spiridonova
9 Анна Васильевна Якимова Anna Yakimova

Dere rupec

Vuestexa

  • (en) Kennan, George. Siberia and the Exile System. London, James R. Osgood, McIlvaine & Co., 1891
  • (ru) Akatuy xaltaxo, internetxo
  • (ru) Akatuy xaltaxo isu Maltsev : jontik afigasuteks va gaderopikaf daginik

Akatuy xalta
Wiks va Akatuy xalta, 1891
Ugal is xo
Evla 1832-1917
Patecta   Flag of Russia.svg Rossia
Debala Akatuy, Tcita gola,
Flag of Zabaykalsky Krai.svg Zabaikala
Korobik
Maria Spiridonova, Aleksandra Izmaylovitc, Fanni Kaplan
betara teza
P Parthenon 2.svg  Tuveli icde Izvopa  P Parthenon 2.svg
Kolanixo va Akatuy xalta, afigasuteks ke 1907