Wp/ary/الصفحة الرئيسية

From Wikimedia Incubator
< Wp‎ | ary(Redirected from Wp/ary/Main Page)
Wp > ary > الصفحة الرئيسية
Jump to navigation Jump to search
مرحبا بكم في ويكيبيديا بالدارجة، مشروع تشاركي باش نتجو موسوعة حرة، مجانية، ومتكاملة. هادا موقع اختباري باش نشوفو الجاهزية ديال الموسوعة والإقبال عليها، دابا وصلنا لـ118 مقالة. الهدف ديالنا نوصلو لـ 1000 مقالة باش إولي عند الموسوعة الموقع ديالها الخاص. آش كاتسنا؛ أي واحد إقدر إكتب شي مقالة، إوسعها، إكتب شوية ولا بزاف. زورو صفحة صفحة المساعدة باش تلاقاو معلومات على كيفية التعديل وحاجات أخرى.

المحتوى ديال ويكيبيديا منشور تحت رخصة جنو للوثائق الحرة، الشي اللي كايعني بأنه حر فإعادة الاستعمال.

مقالة مختارة

Vincent van Gogh - Self-Portrait - Google Art Project (454045).jpg

ڤينسنت ويليام ڤان ڭوخالهولندية: Vincent Willem van Gogh؛ 30 مارس 1853 – 29 يوليوز 1890) رسام هولندي كاينتامي لتيار ما بعد الانطباعية، وهو واحد من أكثر الشخصيات شهرة وتأثيرا في الفن الغربي. غير فخلال عقد تقريبا استاطع انتج 2100 عمل فني، من بينهم 860 لوحة زيتية، والأغلبية ديالهم كيرجعو لعامين الأخيرة من حياتو. تنوعات الأعمال ديالو من بين مناظر طبيعية، أساليب الحياة، بورتريهات، وبورتريهات ذاتية، وتميزات بالألوان الغامقة، الطلاء المندافع، الحركي، والتعبيري واللي ساهمات فبناء الفن الحديث. ڤان ڭوخ ماكانش ناجح على المستوى التجاري، والانتحار ديالو فعمر 37 جا من مورا سنوات من المرض العقلي والفقر.

ترعرع ڤان ڭوخ في أسرة من الطبقة المتوسطة العليا، وكان جِدّي، هادئ، وعميق التفكير. ملي كان شاب، كان كيخدم تاجر فني، وكان كيسافر بزاف، ولكن ملي حولوه للندن تصاب بالاكتئاب. من بعد لقى راحتو فالدِين ودوز الوقت مبشر بروتستانتي في جنوب بلجيكا، ومع ذلك انجارفات حالتو الصحية وتصاب هاد المرة بالعزلة قبل ما يقرر باش إبدا يرسم فعام 1881، ورجع للديار ديالو مع والديه. دعمو شقيقو الصغير "ثيو" ماديا، وكانو كيتراسلو بيناتهم بالرسائل لمدة طويلة وفي الكثير من الأوقات. الأعمال ديالو المبكرة كانت معظمها كتصور أساليب الحياة ديال الفلاحين والعمال البسطاء، وكانت كتحتوي على القليل من الآثار ديال الألوان الزاهية اللي ميزات أعمالو اللاحقة. في عام 1886، انتاقل لباريس فين تلاقا مع أعضاء من الطليعية بحال إميل برنارد وبول ڭوڭان واللي كانو كينتاقدو التحسس ديال الناس من التيار الانطباعي. مع تطور العمل ديالو، استاطع ابتاكر مقاربة جديدة لمواضيع "أساليب الحياة" و"المناظر الطبيعية" المحلية. ولات لوحاتو أكثر إشراقا من حيث الألوان خصوصا ملي بدا كايطبق أسلوب طورو خلال إقامتو في أرل في جنوب فرنسا في عام 1888. خلال هاد الفترة، وسع من موضوعاتو باش تشمل أشجار الزيتون وحقول القمح وعباد الشمس.

(كمل لقراية…)

مقالة جيدة

Albrecht Dürer, Selbstbildnis mit 26 Jahren (Prado, Madrid).jpg

ألبرخت دورر (بالألمانية: Albrecht Dürer؛ 21 ماي 1471 - 6 أبريل 1528) رسام، صانع طباعة، ومُنَظِّر كاينتامي لعصر النهضة الألمانية. تزاد في نورمبرڭ، دورر أسس للسمعة والتأثير ديالو عبر أوروبا فالوقت اللي مازالا فالعشرينات من عمرو نتيجة لجودة نقوشاتو الخشبية. كان فاتصال مع أكبر الفنانين الإيطاليين فالعصر ديالو، بما فيهم رفائيل، جيوفاني بيليني، وليوناردو دا فينتشي، وابتداء من 1512 كان كيّاخد الدعم من عند الإمبراطور ماكسيميليان الأول. تم تشييع دورر فالكنيستين اللوثرية والأسقفية بجوج.

كتشمل مجموعة أعمال دورر الواسعة: النقوش، أسلوبو المفضل في طبعاتو الأخيرة، الأعمال الفنية فالكنائس (Altarpieces)، بورتريهات، بورتريهات ذاتية، لوحات مائية وكُتُب. النقوش الخشبية بحال اللي في سلسلة أبوكاليبس (1498) كتّميز بطابع قوطي أكثر من بقية أعمالو. من بين أشهر نقوشاتو كنتلاقاو: الفارس، الموت والشيطان (1513)، القديس جيروم فالمكتب ديالو (1514)، وميلانكوليا (1514) اللي كانت موضوع كبير للتحليل والتفسير. ألوانو المائية كتميزو كواحد من أوائل الفنانين الأوروبيين اللي تناولو موضوع التصوير الطبيعي فأعمالهم الفنية، وفي نفس الوقت أعمالو الخشبية الطموحة دارت ثورة في الإمكانات والوزن ديال هاد المجال.

(كمل لقراية…)

صورة مختارة

Півострів.jpg

شبه جزيرة في محمية نوڤي سڤيت، جمهورية القرم ذاتية الحكم.