Wp/ary/ويكيپيديا:ميزان الكلام

From Wikimedia Incubator
< Wp‎ | aryWp > ary > ويكيپيديا:ميزان الكلام
Jump to navigation Jump to search

هاد صفحة مخصصة للنقاش على كل المسائل المتعلقة باللغة وطرق الكتابة في الموسوعة الوليدة. الهدف هو نفكرو مجموعين في المعايرة، (Standardisation) ماشي السبان :).

كيف ما كاتعرفو كاملين، هاد التحدي الجميل ديال بناء لغة كايتكلمو بيها الملايين ديال الناس بلا ما تكون عندها أي مؤسسة أكاديمية يمكن يكون صعيب وساهل فنفس الوقت. ساهل حيت ماكاين أحسن من الحرية وبنادم يكتب وهو مرتاح بلا ما يكون مقيد أو مربوط بخلالات لغوية أرثوذوكسية وجامدة وهي الحاجة اللي تقدر تخلينا نبدعو ونستاغلو الجماليات والتويشيات الزوينة اللي كاينة في اللسان المغربي المعاصر باختلاف المناطق والروافد الثقافية. وصعيب حيت أي تقنين مبالغ فيه يمكن يخلينا نعاودو نفس الأرثوذوكسية اللغوية ونخلقو لغة محنطة أخرى.

الحاجة المهمة هي أن كل واحد فالدراري والدريات اللي مشاركين وناشطين فهاد المشروع الجميل ياخد راحتو ويزعم يشارك فالقواعد والنقاشات اللغوية، لأنه للأسف كاين غياب مؤسساتي وسبات أكاديمي فهاد المجال. نتمنى من المحررين قبل ما يديرو تحويلات أو تغييرات تعبيرية فالمقالات يجيو يناقشوها هنا باش نبنيو شوية بشوية سياسات مرنة وفعالة ونستافدو من بعضياتنا. تحية للجميع.Tifratin (talk) 11:24, 6 January 2020 (UTC)

إشارة للزملاء: Mohamed.mdb ,Sadiqui, Anass Sedrati, Reda Benkhadra, Rachid Ourkia, Ayoub El Wardi

لكلمات

كلمة مقابل بالدارجة شرح
Main page صفحا لولا
Read قرا
Edit بدل
View history شوف تاريخ
Sandbox ملعب واساخ ؟ :)

Tifratin راه بديت بترجمة شي كلمات اللي زدتي --Reda benkhadra (talk) 23:14, 8 January 2020 (UTC)

Reda benkhadra مزيان با رضا، الله يعطيك الصحة.Tifratin (talk) 23:18, 8 January 2020 (UTC)

تركيب ديال لجمل

مقالات لجماعات

تحية طيبة للأصدقاء. بالنسبة للحرْكة الجاية ديال الجماعات، هادي نوبة مراكش آسفي، كيف ما تافقنا، نخدمو مجموعين على الصياغة ديال مثال واحد، ومنها حديث ومغزل، نديرو إخراج نهائي لمقالات الجماعات من جهة ومن جهة أخرى نتناقشو تفاصيل الصياغة والربط بين الجمل ويلا كانو شي بدائل للمصطلحات مرحبا. اللايخليكوم، ما تقيسوش المثال اللي فالصندوق واللي عندو شي ملاحظات يكتبها في الأسفل، ويلا تافقنا على شي قاعدة تزاد فشي فقرة منفصلة وتكون نواة للسياسات اللغوية.Tifratin (talk) 23:59, 23 January 2020 (UTC)

إشارة للزملاء: Mohamed.mdb ,Tifratin, Anass Sedrati, Reda Benkhadra, Rachid Ourkia, Ayoub El Wardi

ميتال لمقالة

آيت ورير، جماعة ترابية حضرية كاينة ف إقليم آيت ورير، جهة مراكش آسفي، ساكنين فيها 39108 واحد، على حسب لإحصاء لعام د 2014. [1]

تعليم
  • نسبة لأمية (نّاس لّي ما كايعرفوش يقراو ولا يكتبو) : 28,1%
  • نسبة سّكان لّي قاريين فوق تّانوي (تانوي و جامعة): 15,4%
قتيصاد
  • نسبة نّاس نّشيطين (لّي يقدرو يخدمو): 44,3%
  • نسبة لبطالة (نّاس لّي ما خدامينش و تايقلبو على خدمة): 14,3%
  • نسبة نّاس لّي خدامين ف دّولة (ولا لعاطلين لّي سبق ليهوم خدمو): 13,8%
  • نسبة نّاس لّي خدامين ف لقطاع لخاص (ولا لعاطلين لّي سبق ليهوم خدمو):53,7%
لمصادر
  1. RGPH 2014 - Site HCP
ملاحظات
متافق معاك أسي Tifratin، غير كنقتارح هادشي:
  1. نزيدو شوية فالمحتوى (على حسب المعلومات المتوفرة) وعلاش لا نصيغوهم على شكل فقرة. حيت ماشي المهم شحال من مقالة غادي نكتبو ولكن المهم هو حجم المحتوى والمراجع، شوفو هاد النقاش فين واحد من اللجنة ديال اللغات فويكيميديا كيشرح هادشي، ؤشوفو متلا عاوتاني ويكيپيديا كوتاڤا عندهم 6700 مقالة ولاكين باقين فالإنكيوباتور حيت الأغلبية ديال هاد المقالات صغار.
  2. نزيدو روابط للأقاليم ؤالجهات (هنا مثلا نديرو إقليم آيت ورير ؤمراكش آسفي) ؤشي تصنيف مناسب.
  3. بالنسبة لقواعد الكتبة كنشوف نستعملو للعطف حرف "ؤ" (o) ولا "و" (w) عوض "أو" اللي كتشبه ل"أَوْ" (aw) فالعربية غادي تشكل حيرة بالنسبة للقارئ. بالنسبة ل"في" كنقتارح نردوها "ف" كيفما كنطقوها وتكون لاصقها بحالها بحال حرف العطف مع الكلمة اللي تابعاها.

المهم هادو غير اقتراحات شخصية ؤالأهم نتوصلو لاتفاق.--SADIQUI (talk) 19:27, 24 January 2020 (UTC)

شكرا بزاف خويا SADIQUI على الاقتراحات الجميلة. بالنسبة للروابط ديال الأقاليم والجهات، كرفصوني شوية فالتوليد الآلي للمقالات وقلت مع راسي أنه يمكن يتزادو بشي بوت من بعد. يلا قدرتي تعاوني في برمجة أذكى لهاد عملية التوليد غادي تكون مزيانة بزاف. التصنيف راه كانزيدو فكل عملية لصق.

بالنسبة للقواعد، هادا هو النقاش اللي خاصنا نبداوه. أنا كانميل لاستعمال "و" و نخليو الخوا بينها والكلمة المعطوفة. عندك الحق فالقضية ديال "أو"، ماخاصهاش تستعمل فالعطف حيت غادي تخلط مع "أو" ديال الشرح أو الاختيار (بحال كيف ما كاين الفوق). را درت التحيين الفوق على حسب هاد القاعدة. شوية بشوية نبنيو قواعد، ف انتظار باقي الزملاء (هانا بديت نطبقهوم ههه).Tifratin (talk) 00:04, 25 January 2020 (UTC)

Anass Sedrati, Reda Benkhadra,SADIQUI, Rachid Ourkia را زدت لملاحظات ديالكوم. غادي نبدا توليد لمقالات على حسب هاد صّيغة. ب نّسبة ل تّصاور، نزيدوهوم يدويا على حسب جّهد.Tifratin (talk) 23:57, 25 January 2020 (UTC)

شكل ديال لكتابة

ملاحظة سريعة

بالنسبة للكاف اللي فوقها تلاتة النقاطي لاحظت بللي كاينين فيها جوج حروفا كيتشابهو بحال اللي كيبين الجدول اللي فلتحت:

الحرف معزول اللول الوسط اللخر
1 ڭ ڭـ ـڭـ ـڭ
2 ݣ ݣـ ـݣـ ـݣ
3 گ گـ ‍ـ‍گ‍ـ ـگ‍

من المهم نتافقوا على واحد فيهم حيت هادشي غادي يشكل فارق فنتائج البحث على المقالات. أنا كنقتارح الحرف 1 حيت مشتق من الكاف العربية (ك) أما التاني مشتق من الكاف الفارسية (ک)، شوفو هاد المقالة.--SADIQUI (talk) 16:09, 17 January 2020 (UTC)

إشارة للزملاء: Mohamed.mdb ,Tifratin, Anass Sedrati, Reda Benkhadra, Rachid Ourkia, Ayoub El Wardi

سمحليا خويا SADIQUI على التعطيلة فالإجابة. واخا درتي نفس الشكل ديال الكتابة :)، متفق معاك، أنا مع استعمال الصيغة بثلاثة نقط. Tifratin (talk) 13:27, 22 January 2020 (UTC)

السي الصديقي (SADIQUI). إلا لاحضتي راه لحروف بجوج بحال بحال كيبانو، لفرق لّي كاين هو ملي كاتكتب بلكود (حاول تعدّل وغادي يبانليك). راه زدت فطابلو ختيار تالت هو ديال لكاف بشرطا حيت حتا هو متداول بزاف. نّقاش دابا هو واش غادي نعتامدو لكاف ب3 د نقط ولا شرطا. --Reda benkhadra (talk) 01:03, 29 January 2020 (UTC)

السلام عليكم، أولا بغيت نقول ليكم بلي تانفضل الحرف اللول ببساطة حيت هو أكثر واحد معروف.. Ayoub El Wardi (talk) 20:08, 29 January 2020 (UTC)

ملاحظة

واحد لملاحظة عل تا لمربوطة (ة)، واش ضروري تكتب وخا مكتقراش. (هاد لميساج خلاه 105.67.2.159 فـ9 يونيو 2020 معا 16:42)

حجرة ب حجرة تحمل لكتابة ب قواعدها

إشارة للزملاء: Mohamed.mdb ,SADIQUI, Anass Sedrati, Reda Benkhadra, Rachid Ourkia, Ayoub El Wardi, ‎,‎Kannzam,Ibtissam RAHMOUNI,

لوصل بين لكلمات

لوصل بين لكلمات
  • ديال: لبراد ديال جارتنا لباتول مازالا فيه ريحة الشيبا.
  • د: لكروصة د بوشعيب ولد مينة فرشخها لقايد.
  • تاع: شريت تقاشر تاع لقطن.
  • متاع: كاين تّوب متاع لمغريب و كاينين تّوابات متاع شّينوا.
  • نتاع: لمونتاخاب نتاع بوتسوانا تقصا من كاس إفريقيا.
قواعد مقتارحة

حروف رّبط و لوصل خاص يفصل بيناتهوم خوا ف لكتابة ما عدا لحالات لّي فيهوم نّسبة : متلا، ديالي، ديالو، ديالهوم.

تعليقات

لجر

لجر
  • ف: "وش بيك يا لي ما رينا لك ف لبكا امثيلا"
  • في: مصطفى كان يخدم في لاگار (كاتقال ف شّرق و لّهجات لعروبية ديال سايس و لغرب).  "طلبت لّيل يطول يطول * راحتي في ضي نجومو * بغيت نبقا سهران"
  • ل: "لمحبوب لّي نريد گاس ل طاطا" - "تبات باكية ل حبابك وعداك"
  • من: "قلبي ملسوع وايلي من حر التيهان"
  • على: "حجة على هل دّعوى ما نصغا كلام لايم"
  • عل: "جاد ب لغنايم و ب لورد و زّهر عل لطيار نّاشدا صبيهان"
  • كيف:
  • بحال:
قواعد مقتارحة

حروف لجر خاص يفصل بيناتهوم خوا ف لكتابة ما عدا لحالات لّي فيهوم نّسبة : متلا، مني، منو، منهوم.


تعليقات

لعطف

لعطف

فلحالا إلا كانو جوج حوايج كيتربطو كانستعملو لحروف تّالية:

  • و: لمغريب و دّزاير
  • أو: لمغريب أو دّزاير
  • ؤ: لمغريب ؤ دّزاير
قواعد مقتارحة
  • حروف لعطف خاص يفصل بيناتهوم خوا ف لكتابة


تعليقات
  • بنِّسبة ل لخيار تّاني بغيت نشير لواحد لقضية هي بلي غادي تتغالط لينا (أو) ديال لإختيار و (أو) ديال الربط Ayoub El Wardi (talk) 20:15, 29 January 2020 (UTC)
  • شكرا Ayoub El Wardi على ل قتيراح ديالك. متافق معاك في أن "أو" غادي تخلق التباس مع لختيار، واخا ف داريجة، على حسب لعلم ديالي، كانستعملو "ولا" ف لختيار. على لعموم، ؤ عندها نفس رّنة ديال "أو" ويمكن لينا نخليوها بوحدها.Tifratin (talk) 22:56, 29 January 2020 (UTC)

نكرة و لمعرفة

نكرة و لمعرفة

نّكرة هي لحالة لّي كاتكون فيها لكلمة عامة و ماشي مخصصة لشي واحد ولا شي حاجة بحال: بلاد، كتاب.

لمعرفة هي لحالة لّي لكلمة كاتكون فيها مخصصة و ماشي عامة بحال: لكتاب د محمد شكري، لبلاد د روماريو، ضّالا د لعيمارة.

تّعريف:

  • تّعريف لقمري: هاد تّعريف كيكون ب حرف لام واحد: لمغريب، لمريخ…
    • يمكن يتستعمل تّعريف لقمري على طّريقة د لّهجة شّمالية لمغريبية ب زّيادة ديال شّدة ف لحرف لّول: مّغرب، مّريخ
  • تّعريف شّمسي: تايكون ب زّيادة ديال شّدة ف لّول ديال لكلمة: شّجرة، ضّالا، جّبن.
    • نّكرة ف دّاريجا كاتبقا فيها لكلمة على لحالة ديالها: مغريب، مريخ...


تعليقات
  • مزيان تكون هاد صّيغة، لّي غادي تخلي لّغة عملية ب معنى أن كل حرف كايتكتب تايتنطق، و هادشي لّي غادي يسرع لكتابة، وتبقا مع طريقة لكتابة العربية بالألف واللام، يعني يتعايشو الطرق بجوج.Tifratin (talk) 23:14, 28 January 2020 (UTC)
  • خاص نعتمدو فورما د أي حاجة تكتب تتقرا يعني بلاما نكتبو أليف وللام بحال لعربية. (هاد لميساج خلاه 105.67.2.159 فـ9 يونيو 2020 معا 16:17)