Wp/ary/ويكيبيديا

From Wikimedia Incubator
< Wp‎ | aryWp > ary > ويكيبيديا
Jump to navigation Jump to search
اللوغو ديال ويكيبيديا

ويكيبيديا (بلينڭليزيا: Wikipedia) هي واحد الموسوعة حرة فالانترنت الهذف ديالها هي تخلي أي واحد إصاوب ويعدل المقالات. ويكيبيديا هي اكبر واشهر موقع ديال المعلومات فالأنترنت. وجا فالرتبة الخامسة من بين المواقع المعروفة.وهو واحد المشروع ديال مؤسسة ويكيميديا.

بدا الموقع ديال ويكيبيديا ف 15 يناير 2001 ولي بداوه هما جيمي ويلز ولاري سانجر. وسانجر هو لي سماه وسميتو كاتكون من كلمة ويكي وكلمة إنسكلوبيديا بمعنى موسوعة. وملي بدات بدات غير بلونجلي، ولكن بزربة بانو نسخ اخرين بلغات خرين لي كانو مختلفين فالمحتوى وطريقة الكتبة ديالهم. دابا كاينين شي 290 ويكيبيديا، ويكيبيديا ديال لونكلي هيا الكبيرة فيهم وفيها كثر من 5 دلمليون مقال. وفالمجموع ويكيبيديا كاملة فيها شي 40 مليون مقال وف299 لغة. وفتاريخ ديال فبراير 2014 ويكبيديا كاتشاف شي 18 مليار مرة وتقريبا 500 مليون فيزيت كل شهر.

فمارس 2017 ويكيبيديا فيها كثر من 40 ألف مقال واعر بمعنى مكتوبين مزيان كيتسماو بالمقالات المخيرة والمقالات .المزيانة لي كاتهضر على مواضيع حيوية. ف 2005 نشرات مجلة ناتشر واحد ريفيو كاتقارن فيه مابين 42 مقال ديال سيونس من موسوعة بريتانيكا وبينها وبين موسوعة ويكيبيديا، ولقات بلي الدقة ديال لمقالات ويكيبيديا قريب لدقة ديال بريتانيكا. مجلة مكازين تاهيا قالت بلي السياسة ديال ويكيبيديا أنها تخلي أي واحد يكتب فيها ردات ويكيبيديا أكبر وربما أفضل موسوعة فالعالم. وهي شهادة على الرؤية ديال جيمي ويلز

التاريخ[edit]