Wp/ary/فيليكس موغا

From Wikimedia Incubator
< Wp‎ | aryWp > ary > فيليكس موغا
Jump to navigation Jump to search

فيليكس موغا هو واحد الظابط فرانساوي اللي خدم فبزاف ديال المناطق فالأطلس الكبير أو سوس أوحتى الأطلس الصغير فلمغريب فلوقيتة لي كان فيها لمغريب مستعمر. من بعد ما تقاعد أو خدا المغرب الإستقلال ديالو ،اتًختار موغا باش إتوسًط للوزينات أو المناجم ديال فرنسا أو إجيب ليهم لي بغا يخدم من الناس ديال هاد البلايص حيت كانت عندو تجرية كبيرة فيها.

موغا مشهور بزاف عند المغاربة خصوصا الأمازيغ أو الشلوح حيت هو اللي كان كيدي ناس للخاريج باش إخدمو. الطريقة لي تيدير هي أنه كيمشي مع مراتو أو الناس لي كيعاونوه أوكيقصدو شي قرية من القرى ديال المغرب من بعد ما كيعلم الشيخ ديال القبيلة أو السلطة. الشيخ كيعلم ناس القبيلة أو كيتفقو على شي نهار. ملًي كيجي موغا كيلقى الناس شادين الصف أو معريين على الصدر ديالهم. كيبدا موغا يقلبهم واحد واحد. لي طبع ليه على صدرو بالخضر راه كيدوز للمرحلة لي من بعدها, أو لي طبع ليه بالحمر كيرجع لدارو. الناس لي عندهوم الكاشي لخضر كيمشيو عند الطبيب باش إدوز ليهم أو إشوف واش نيت أقدرو إخدمو أولا لا. اللي نجح فيهم كياخذ الباسبور ديالو أو كيمشي ياخدم، يا إما فالمناجم أولا لوزينات ديال فرانسا على حساب فين كاين النقص .

لولادة ديالو

تولد ف1891 م ففرنسا و تمًا كبر و قرا حتا تخرًج من المعهد الحربي. من بعد ألتاحق بالجيش لفرانساوي و بقا تيترقًا حتى ولى ظابط على بزاف ديال مناطق المغرب (الأطلس الكبير أو سوس والأطلس الصغير و حتى واد نون).

لموت ديالو

توفى فليكس موغا فعام 1982 فبلادو فرانسا.

المراجع

مقالة على فيليكس موغا

مقالة أخرى عليه فهيسبرس