Wp/ary/شيفرة مورس

From Wikimedia Incubator
< Wp‎ | aryWp > ary > شيفرة مورس
Jump to navigation Jump to search
المخطط ديال شيفرة مورس 26 حرف ؤ10 الأرقام.[1]

شيفرة مورس هي طريقة فالاتصال عن بعد ديال تشفير رموز النصوص على شكل تتابعات قياسية ديال جوجت الإشارات المختالفة؛ كتسمى نقاطي وشرطات ولا نقاطي وشراطي.[2][3] تسمات شيفرة مورس بسمية سامويل مورس، المخترع ديال التلڭراف.

شيفرة مورس الدولية كدير التشفير ديال الحروفا الستة والعشرين ديال لونڭلي من A حتال Z، شي حروفا خرين، الأرقام العربية ؤمجموعة صغيرة ديال علامات الترقيم والإشارات الإجرائية (prosigns)، ما كاينش الفرق ما بين الحروفا الكبار والحروفا الصغار.[1] أي رمز فشيفرة مورس كيتصاوب بنقاطي وشراطي متابعين. النقطة هي الوحدة الأولية ديال قياس الوقت فمراسلات شيفرة مورس. المُدَّة ديال شرطة وحدة هو تلاتة الأضعاف المُدَّة ديال نقطة وحدة. كلٌ نقطة وشرطة فالرموز كتبعها فترة ديال انقطاع الإشارة كتسمى إصپاص، كتساوي المُدَّة ديالها المُدَّة ديال نقطة وحدة. الحروفا ديال نفس الكلمة كيكونو مفرقين بإصپاص كتساوي المُدَّة ديالها المُدَّة ديال تلاتة النقاطي، ؤالكلمات كيكونو مفرقين ما بيناتهم بإصپاص كتساوي المُدَّة ديالها المُدَّة ديال سبعة النقاطي.[1] باش تزاد الفاعلية ديال التشفير، تصممات شيفرة مورس باش تكون المدة ديال أي رمز هي تقريبا العكس ديال تردد التواتر ديالو فنصوص اللغة الإنجليزية. هاكا، الحرف الأكثر استعمالا فلونڭلي؛ الحرف "E"، عندو أقصر مدة: نقطة وحدة. حيت العناصر ديال شيفرة مورس محددين على حسب التناسب ؤماشي على حسب مدد زمنية محددة، الشيفرة عادة كتوصل بمعدل أعلى من داكشي اللي قادر عليه المستلم باش إحيد ليه التشفير. معدل الإرسال ديال شيفرة مورس (السرعة) كتحدد بمجوعات فكل دقيقة، عادة كيڭولو ليها شحال من كلمة فالدقيقة.[4]

شيفرة مورس عادة كتسيفط بطريقة شعل–طفي ديال شي وسيط حامل للمعلومة بحال التيار الكهربائي، موجات الراديو، الضوء المرئي، ولا موجات الصوت.[5][6] التيار ولا الموجة تيكونو حاضرين في فترة الوقت ديال النقطة والشرطة، ؤتيكونو غايبين فالوقت اللي تيكون مابين النقاطي والشراطي.[7][8]

شيفرة مورس إمكن ليها تميموريزا، ؤتيكون إرسال شيفرة مورس بطريقة كتكون مفهومة للإنسان، بحال موجات الصوت ولا الضوء المرئي، ؤيمكن أي واحد مدرب وعندو المهارة يترجمها مباشرة.[9][10]

حيت بزافت اللغات من غير لونڭلي كتستعمل حروفا خرين بلا هادوك الحروف الـ26 الرومانية، تم تطوير حروفا خرين ديال مورس لهاد الغاية.[11]

SOS، إشارة الطوارئ المعيارية هي إشارة إجرائية فشيفرة مورس.

فالطوارئ، يمكن لشيفرة مورس تجينيرا بطرق مرتاجلة بحال تبقا تشعل وطفي فالضو، تبقا ضرب فشي حاجا ولا دير الصوت بالبوق ولا الصفارة، وهاكا كتولي وحدة من أبسط ؤأكثر طرق التواصل عن بعد تنويعا. إشارة المحاين الأكثر انتشارا هي SOS - تلاتة النقاطي، تلاتة الشراطي، ؤتلاتة النقاطي - راها معروفة دوليا بالتوافق.

التطور والتاريخ

الفاعلية

شيفرة مورس الدولية

الطيران

هواة الراديو

استعمالات خرى

تطبيقات لعامة الناس

شيفرة مورس كتكنولوجيا مساعدة

التمثيل، التوقيت ؤالسرعات

الإرسال

شيفرة الكابل

التوقيت

التمثيل المحكي

السرعة بالكلمات فالدقيقة

سرعة فرانسوورث

العرض البديل ديال الرموز المعتادة فشيفرة مورس الدولية

مشاكل حصيلة الربط

طرق التعلم

طرق التذكر

الحروفا، الأرقام، علامات الترقيم، الإشارات الإجرائية والتباينات

الإشارات الإجرائية

تمثيلات الرموز

الحروفا اللي ماشي لاتينية

تباينات ما معتاداش

برامج فك التشفير

شوف حتى

المراجع

  1. 1.0 1.1 1.2 "International Morse code Recommendation ITU-R M.1677-1". itu.int. International Telecommunication Union. October 2009. مؤرشف من الأصل في 6 November 2012. تطّالع عليه بتاريخ 23 December 2011.
  2. F. S. Beechey, Electro-Telegraphy, London: E. & F. N. Spon, 1876, p. 71
  3. F. J. Camm, Radio Engineer's Pocket Book, 2nd ed., Chemical Publishing Co., 1941, p. 72
  4. Headquarters, Department of the Army, TM 11-459, International Morse Code (Instructions), Washington, D.C.: U.S.G.P.O., 1968 pp. 7-8
  5. W.H. Preece, J. Sivewright, Telegraphy, London: Longmans, Green and Co., 1891, p. 40
  6. U.S. Army, FM 24-5, Signal Communication, 1939, pp. 83, 101-108, 227
  7. W. L. Everitt, Communication Engineering, 2nd ed. New York: McGraw-Hill, 1937, p. 6
  8. Editors and Engineers, The "Radio" Handbook, Los Angeles: Editors and Engineers, 1942, p. 180
  9. Headquarters, Department of the Army, TM 11-459, International Morse Code (Instructions), Washington, D.C.: U.S.G.P.O., 1968, pp. 6-7
  10. U. S. Navy, Bureau of Naval Personnel, Radioman 3 & 2, Washington, D.C.: U.S.G.P.O., 1957, pp. 105-111
  11. War Department, TM 11-459, Instructions for Learning International Morse Characters, 1943, pp. 52, 68-72