Wp/ary/خندق ماريانا

From Wikimedia Incubator
< Wp‎ | aryWp > ary > خندق ماريانا
Jump to navigation Jump to search
البلاصة فين جا خندق ماريانا

خندق ماريانا ولا خندق المارياناز[1] كاين فغرب المحيط الهادي على بعد 200 كيلومتر شرق جزر ماريانا؛ هو أعمق خندق فالعالم. الخندق كاين على شكل هلال ؤالطول ديالو شي 2 550 كلم والعرض ديالو شي 69 كلم. أكبر عمق معروف فهاد الخندق كيبلغ 10 984 ميترو (± 25 ميترو) فاللافان الجنوبي ديال واحد الوادي داير بحال شي شقة فالطبقة ديال هاد الخندق ؤهاد الشقة معروفة بسمية تشالنجر ديپ.[2] ولكن كاينين شي قياسات ما تعاودوش تلاقاو فيهم بللي أعمق نقطة فالخندق هي 11 034 ميترو.[3] إلى بغينا نديرو شي مقارنة: إلى حطينا جبل إڤرست فهاد الخندق، القمة ديالو غادي تبقا مازال جوج كيلومتر تحت البحر.[ملحوظة 1]

فالقاع ديال خندق ماريانا عمود الما فالفوڭ كيطبق الضغط ديال 1 086 بار، يعني 1 071 مرة كتر من الضغط الجوي القياسي فالمستوى ديال البحر. فهاد الضغط، الكثافة ديال الما مرتافعة بنسبة %4،96. الحرارة فالتحت كتراوح مابين °1 حتال °4 سيليسيوس.[6]

ملحوظات

  1. العمق ديال خندق ماريانا هو 10 994 م،.[4] بينما الطول ديال جبل إڤرست هو 8 848 م.[5] الفرق بيناتهم هو 2 146 م، ولا على الأقل ماشي أقل من 2 104 م إلى حسبنا ديك 42 م ديال الشك فالقياسات.

المراجع

  1. "NGA GeoNames Search". National Geospatial Agency. تطّالع عليه بتاريخ 29 February 2016.
  2. "So, How Deep Is the Mariana Trench?" (PDF). Center for Coastal & Ocean Mapping-Joint Hydrographic Center (CCOM/JHC), Chase Ocean Engineering Laboratory of the University of New Hampshire. 5 March 2014. تطّالع عليه بتاريخ 20 May 2014.
  3. "Mariana Trench". Encyclopædia Britannica. Encyclopædia Britannica.
  4. "Scientists map Mariana Trench, deepest known section of ocean in the world". The Telegraph. Telegraph Media Group. 7 December 2011. تطّالع عليه بتاريخ 23 June 2018.
  5. "Official height for Everest set". BBC News. 8 April 2010. تطّالع عليه بتاريخ 24 June 2018.
  6. infoplease.com – The Temperature in the Mariana Trench, read 13 May 2012