Wp/ary/المغريب

From Wikimedia Incubator
< Wp‎ | aryWp > ary > المغريب
Jump to navigation Jump to search
لمملكة د لمغريب
بلأمازيغية: ⵜⴰⴳⵍⴷⵉⵜ ⵏ ⵍⵎⵖⵔⵉⴱ
Flag of Morocco.svg
Coat of arms of Morocco.svg
Morocco WS-included (orthographic projection).svg
العاصمة الرباط
المساحة 710.850 كم²
عدد السكان 36.472.000 (2019)
الناتج الداخلي الخام (بـ$) 122,46 مليار
مؤشر التنمية البشرية 0.676 (متوسط)
التوقيت GMT+1
كود الأنترنت .ma

لمغريبلأمازيغية: ⵜⴰⴳⵍⴷⵉⵜ ⵏ ⵍⵎⵖⵔⵉⴱ - تاڭلديت ن لمغريب) هي واحد لبلاد فالشمال لغربي د إفريقيا. تيحدًها من الشمال لبحر لبيض لمتوسط والصبليون، من لغرب لمحيط لأطلسي، من الشرق الجزائر، ومن لجنوب موريطانيا. لعاصمة د لمغريب هي الرباط. لمساحة د لبلاد هي 710.850 كم²، و تيسكنو فيها 36.5 مليون د الناس على حساب التقديرات د 2019[1].

اللغات الرسمية د لمغريب هوما لعربية ولأمازيغية, ولفلوس اللي تيتخدًمو سيتمهم درهم لمغريبي. لماليك ديال لمغريب ديال دابا سميتو محمد ساديس، و رئيس لحوكومة هو سعد الدين لعثماني. لمغريب مقسوم إداريا على 12 لجيهة على حساب دوستور د 2011.

تاريخ

قبل تاريخ

المنطقة اللي هي دابا المغريب كانت مسكونة من العصر الحجري القديم، ف شي وقت مابين 190.000 و 90.000 ق.م. كاينة دراسة جديدة اللي تقدر تبين بيلا المغريب كان مسكون قبل هاد التاريخ من بعد ما تكتاشفو مستحتات ديال الهومو ساپيينس حدا الضفة ديال المحيط الأطلسي ف جبل إيغود اللي التاريخ ديالهوم كيرجع ل قبل 315.000 ق.م. الشي اللي كيجعل هاد المستحتة هي أقدم مستحتة ديال الهومو ساپيينس ف العالم. ف العصر الحجري القديم العلوي، المنطقة ديال المغرب كانت كاتشبه الساڤانا فعوض القحولة اللي المغريب ولا معروف بيها دابا. الحقبة العاترية جات من وراها التقافة الإيبيروموريسية اللي كاتعرف واحد الجانب كبير د التشابهات مع التقافات الإيبيرية حيتاش كاينة تشابهات ملحوضة على مستوى الهياكل.

ف العصر الحجري الجديد، جاو صيادا و رعاة و ستاقرّو ف الساڤانا ديال المنطقة. التقافة ديالهوم زدهرات حتى بدات المنطقة كاتيبس من مور عام 5000 ق.م بسباب التغيرات د المناخ. المناطق الساحلية ديال المنطقة د المغريب ف البدو ديال العصر الحجري الجديد كانت كاتشتارك ف التقافة ديال الفخار مع المنطقة ديال البحر البيض المتوسط. الحفريات الأركيولوجية بينات بيلا التدجين د البقر و الزراعة د الغلة بجوجهم وقعو ف داك العصر. ف العصر النحاسي، التقافة الجرسية كانت وصلات للشمال د المغريب.

تاريخ لقديم

المجي ديال الفينيقيين للسواحل المغربية أدّى لقرون ديال الحكم الأجنبي ف الشمال د المغريب. التجار الفينيقيين ختارقو المنطقة الغربية ديال البحر البيض المتوسط قبل القرن 8 ق.م و من وراها ب شوية بناو مستودعات ديال الملحة ف السواحل و الوديان د المغريب. من بين أهم المستوطنات اللولة ديال الفينيقيين كانت كاينة ف شالة، ليكسوس و موگادور.

جات الحضارة القرطاجية قبل القرن 5 ق.م و وسّعت السيطرة ديالها ف شمال إفريقيا. قرطاج طورات علاقات تجارية مع القبايل الأمازيغية، و خلصات ليهم خلصة سنوية باش تحافض على التعاون ديالهوم ف الستغلال د المواد الأولية.

من القرن 3 ق.م، موريطانيا كانت مملكة قبَلية أمازيغية على الضفة المتوسطية ديال المغريب، أقدم ملك معروف ديال موريطانيا كان هو بوكوس اللول، اللي حكم من 110 ق.م حتى ل 81 ق.م، الملوك الأمازيغيين ما كانوش كيسيطرو بزاف على السواحل، الشي اللي سهّل الدخلة ديال الرومان. ف اللول، موريطانيا كانت كليّان ديال الإمبراطورية الرومانية ف عام 33 ق.م، و من بعد ولات مقاطعة تابعة للرومان ب شكل مكمول ملي الإمبراطور كاليگولا عدم بطليموس، آخر ملك ديال موريطانيا، ف عام 40 ميلادية

روما سيطرات على الأراضي الموريطانية، اللي ما كانتش محددة مزيان، ب اتفاقيات و معاهدات مع القبايل الأصلية فعوض ما يكون غزو عسكري و وسّعات النفود ديالها غير ل دوك المناطق اللي كانت كاتعتبرهوم مفيدين للاقتصاد ديالها أو اللي ما كانوش كيتطلبو بزاف د الناس للحماية. هاد المنطقة ولات جزء من الإمبراطورية الرومانية و ولات سميتها موريطانيا الطنجية و خدات طنجيس (طانجا دابا) ك عاصمة ليها. ف الوقت ديال الحكم د الإمبراطور الروماني أگسطوس، الحكام ديال موريطانيا الطنجية كانو كيحكمو حتى المناطق ف الجنوب ديال ڤولوبيليس (وليلي دابا)، بلحاق الحكم الحقيقي ديال الرومان كان حد سالا كولونيا (سلا دابا). شي د المؤرخين كيآمنو بيلا الإمبراطورية الرومانية وصلات حتى لآنفا (الدار البيضا دابا)

تاريخ لمتوسط

تاريخ جديد

السياسة و لمؤسسات

النظام د لحكم

الدستور ولمؤسسات

الراية والنشيد لوطني

التقسيم لإداري

لجغرافيا

لمناخ

لحياة لبرية

لمجتمع

اللغات

الناس

لأديان

لقتيصاد

لمغريب من الدول لي نامية ولي عندها اقتصاد حر واتفاقيات ديال التبادل الحر مع بزاف ديال البلدان بحال ميريكان واوروبا وتركيا والأردن وتونس والإمارات. هاد الإتفاقيات مع الموقع الإستراتيجي ديال البلاد تيعاونها باش ايكون عندها استثمارات كبار وكثار.

الناتج الداخلي الخام ديال المغرب كان داز 61 مليار دولار فعام 2006 لي تيعني 2000 دولار للواحد فالعام.

صادرات ديال المغرب ف 2006

كان عند لمغرب ف 2007 مبادلات بزاف مع أوروبا مبعدها اسيا ومبعدها ميريكان وعاد إفريقيا.

لخدمات

اهم قطاع ديال الخدمات فالمغرب هو السياحة لي جابت شي 60 مليار دولار ف 2007 لي جا فيها 7 ديال لمليون ونص مليون سائح. مراطش جات لولا ومبعدا أكادير. على حساب الإحصائيات ديال السياح المتقاعدين فالمغرب تصدر اللائحة مع تونس سنة 2011.[2]

صناعة

قطاع الصناعة فالمغرب عندو 28% ديال الناتج الداخلي الخام. الصناعات لي تيتميز بها هي لي صناعات الغذائية والكيماوية لي المغرب تيتعبر اهم مصنع فإفريقيا مبعد جنوب إفريقيا. كاينا أيضا الصناعة الصيدلية لي تتغطي 90% من الطلب المحلي.

لمغرب عندو مصفاة المحمدية لي هي من الأكبر فإفريقيا شل لي تيعطيه صناعة بتروكيمياوية مزيانة.

صناعة النسيج معروفة فالمغرب لي هو أول مصدر للإتحاد الأوروبي.

مؤخرا بدا لمغرب فصناعة السيارات مبعد مادار اتفاقيات مع شركات عالمية بحال رونو نيسان.

فلاحة

ثمار ديال شجرة ديال أركان لي كاينا غير فالمغرب مابين الصويرة وأكادير

عن لمغرب بزاف ديال التيساع باش ايدير الفلاحة تقريبا 3 مرات مساحة ديال بلجيكا. هاد الفلاحة تتنتج خصوصا القمح والشعير والذرة والقطاني والجلبانا والعدس واللوبيا. كاينا حتا الفلاحة ديال الفواكه والزيتون وحتا تربية الماشية.

لمعادن

تران عامر بالفوسفاط من خريبكة للميناء ديال الدارلبيضا

كاين بزاف ديال المعادن فالمغرب بحال الحديد والكوبالت والنحاس والزنك والفضة ولكن اهمها هو الفوسفاط لي لمغريب هو ثالث فالعالم من ناحية الانتاج منبعد ميريكان والصين والاول فالعالم من ناحية المخزون.

طاقة

لمغرب ما تاينتجش بزاف ديال الطاقة غير شي 5% من داكشي لي تايحتاج وتيستور الباقي.
بدا لمغرب تيستتمر فالطاقة المتجددة بحال الطاقة الشمسية وديال الريح.

التقافة

لموسيقا

مواقع اليونيسكو د الترات لعالمي

قصر آيت بن حدو

لمغريب فيه 9 ديال المواقع اللي معترف بيها عند منظمة اليونيسكو ديال التراث العالمي فالتصنيف الثقافي. اللول كان فعام 1981 و لخر كان عام 2012. لمواقع مرتبة بحال هكدا[3]:

  • لمدينة لقديمة ديال فاس (1981)
  • لمدينة لقديمة ديال مراكش (1985)
  • قصر آيت بن حدو (1987)
  • لمدينة لقديمة ديال مكناس (1996)
  • لمدينة القديمة ديال تطوان (تطًاون - 1997)
  • لموقع لأثري ديال وليلي (1997)
  • لمدينة لقديمة ديال الصويرة (اللي كانت معروفة بموكادور( (2001)
  • لمدينة لبرطقيزية ديال مزاكان (الجديدة) (2004)
  • لمدينة ديال الرباط (2012)

كاين مواقع اخرى اللي حطها لمغريب فلائحة رمزية اللي كترشحها تكون معترف بها من اليونيسكو و اللي هي:

  • مولاي دريس زرهون (1995)
  • مدينة تازة و الجامع لكبير (1995)
  • جامع ديال تنميل (1995)
  • مدينة ليكسوس (1995)
  • لكور (1995)
  • مغارة تافوغالت (1995)
  • لمنتزه الطبيعي ديال طلاسمطان (1995)
  • منطقة اجكال (1998)
  • بحيرة خنيفس (1998)
  • لمنتزه الوطني ديال الداخلة (1998)
  • واحة فيكيك (2011)
  • الدارلبيضا (2013)
  • مجموعة ديال واحات تيغمرت, لمنطقةالصحراوية ديال واد نون (2016)

الرياضة

لمصادر