سمع لهاد لمقال

Wp/ary/الفيمينيزم

From Wikimedia Incubator
< Wp‎ | aryWp > ary > الفيمينيزم
Jump to navigation Jump to search
واحد من الرموز د النسوية
مظاهرة د النسويات فميريكان ف 1912

النسوية ولا لفيمينيزم، هي واحد لكلمة اللي بانت فلقرن 19[1]، وتاتجمع خليط د الأفكار اللي تاتلخًص ف الدفاع على لحقوق د العيالات.

لكلمة ديال فيمينيست ولا نسوي تتقال على الراجل ولا لمرا اللي تيكافحو باش المرا يكونو عندها نفس الحقوق فلمجتمع بلا ميتفرق بينها وبين الراجل على اساس الجنس ديالهم. حقوق بحال الحق ف الاجهاض ولا الحق فلورت قد قد مع الرجل هي أمثلة د حقوق اللي تشهر بها هاد الفكر و اللي ناداو بيه شي نسويين ونسويات. ولكن كاين حقوق اخرى اللي بفضل هاد النوع من الافكار بدلات الشكل د مجتمعات و السياسات د بلدان، بحال الحق فالتصويت و اللي باقي نسا كتار فالعالم محرومين منو تال ليوم.

من الحقوق اللي تيناضلو عليها الفيمينيست ولا النسويين و النسويات فالعالم كاين:

  • الحق فالتعليم
  • الحق فالشغل
  • الحق ف صالير ولا اجر متساو مع الراجل اذا تساواو بجوج ف القدرات و الكفاءات
  • الحق فلعطلة مورا لولادة

الفيمينيست تيناضلو حتا ضد التحرش و العنف الاسري، الاغتصاب، وڭاع انواع العنف ضد المرا.

كاين بزاف د الأنواع ديال النسوية بحال النسوية المسيحية اللي تطالب بحق المرأة ف قيادة الكنيسة ولا النسوية اللادينية, اللي تتعتبر باللي الدين هو السبب فظلم المرا وأشكال اخرى، اللي تاتقول كلها باللي الهدف ديالها هو يتحيًدو ڭاع أنواع الحڭرة اللي تيتمارسو على المرا.

لمصادر[edit]

  1. Early Feminist Themes in French Utopian Socialism: The St.-Simonians and Fourier