Wp/ary/الصفحة اللّولا

From Wikimedia Incubator
< Wp‎ | aryWp > ary > الصفحة اللّولا
Jump to navigation Jump to search
Wikipedia-logo-v2-ary.png

مرحبا بيكم ف ويكيبيديا بالدارجة، مشروع تشاركي باش نتجو موسوعة حرة، مجانية، ومتكاملة. هادا موقع اختباري باش نشوفو الجاهزية ديال الموسوعة والإقبال عليها، دابا وصلنا لـ +810 مقالة. الهدف ديالنا نوصلو لـ 1000 مقالة باش إولي عند الموسوعة الموقع ديالها الخاص. آش كاتسنا؛ أي واحد إقدر إكتب شي مقالة، إوسعها، إكتب شوية ولا بزاف. زورو صفحة صفحة المساعدة باش تلاقاو معلومات على كيفية التعديل وحاجات أخرى.


المحتوى ديال ويكيبيديا منشور تحت رخصة جنو للوثائق الحرة، الشي اللي كايعني بأنه حر فإعادة الاستعمال.

لبرلمان ميزان الكلام دّوزان
لبرلمان ميزان الكلام دّوزان

مقالة مختارة

Planets2013.svg

النظام الشمسي أولا المجموعة الشمسية هو النظام اللي مربوط مع بعضياتو بفعل الجاذبية واللي كيتكون من الشمس ؤالأجسام اللي كيدورو عليها سوى بشكل مباشر سوى بشكل غير مباشر. هاد الأجسام كيتسماو بالأجرام السماوية ؤمن بين الأجرام اللي كيدورو على الشمس بشكل مباشر كنتلاقاو، أكبرهم الكواكب التمنية، ؤالباقي كلهم أجرام صغيرة؛ الكواكب القزامية وأجرام صغيرة ديال النظام الشمسي. من بين الأجرام اللي كدور على الشمس بشكل غير مباشر كنتلاقاو الأقمار اللي جوج منهم كبر من أصغر كوكب؛ عطارد.

النظام الشمسي تكون 4.6 مليار عام هادي، بواسطة انهيار جاذبي ديال واحد السحابة جزيئة عملاقة بين النجمية. الغالبية العظمى ديال كتلة النظام كاينة فالشمس، والكتلة اللي بقات الأغلبية ديالها كاينة فالمشتري. الكواكب الدخلانية الصغيرة الربعة، عطارد، الزهرة، الأرض، والمريخ، كلهم كواكب أرضية، يعني أنهم كيتكونو من الصخر والمعادن بشكل أولي. الكواكب الخرجانية الربعة هوما كواكب عملاقة ؤكلهم الكتلة ديالهم فعليا كبر من الكتلة ديال الكواكب الأرضية. أكبر وحدين، المشتري وزحل، هوما عمالقة غازية، يعني كيتكونو أساسيا من الهيدروجين ؤالهيليوم. أما أبعد وحدين، أورانوس ونپتون هوما عمالقة جليدية كيتكونو من مواد بنقط انصهار عالية نسبيا إلى قارناهم بالهيدروجين والهيليوم، كيتسماو مواد متطايرة، بحال الما، الأمونيا والميثان. كامل الكواكب التمنية عندهم تقريبا مدارات دائرية كاينة على قرص مسطح تخيلي كيتسمى مسار.

← كمل(ي) القراية …

مقالة جيدة

Atheism - The Noun Project.svg

الإلحاد هو، فالمعنى العام، غياب الإعتقاد بوجود الآلهة. وفي تعريف أقل انتشارا كنتلاقاو باللي الإلحاد هو رفض الإعتقاد بوجود الآلهة. وبمعنى قريب نقدرو نڭولو؛ الإلحاد هو الرأي اللي كيڭول باللي الآلهة ما كاينينش. الإلحاد هو الضد ديال الألوهية، اللي، فالمعنى العام، كتعني الإعتقاد بوجود إله واحد على الأقل.

فاللغة العربية ؤحسب لسان العرب، الإلحاد هو «المَيْلُ عن القصْد، ولحَدَ إِليه بلسانه: مال. […] وأَصل الإِلحادِ: المَيْلُ والعُدول عن الشيء» أما فأغلب لغات العالم ؤحسب علم أصول الكلمات، فالكلمة جاية من الجدر اليوناني "ἄθεος" (أتِيُوس) اللي كيرجع التاريخ ديالو للقرن الخامس قبل الميلاد ؤكيعني "بلا إله" أولا "بلا آلهة". فالقديم، الكلمة كان عندها بزافت الاستعمالات بحال عبارة تنقيصية كتڭال على هادوك اللي كانو ما كيآمنوش بالآلهة اللي الأغلب ديال المجتمع كان كيعبدهم، هادوك اللي تخلاو عليهم الآلهة، ولا هادوك اللي ما عندهومش حتى التزام باش يآمنو بالآلهة. الكلمة لصقات واحد الفئة ديال المجتمع داروها الدينيين الأرثودكس فيها كامل هادوك اللي ما كانوش كيشاركو المعتقدات الدينية ديالهم. فلونڭلي الكلمة "atheism" ما ضهراتش حتال القرن ستاعش. مع انتشار الفكر الحر، الحركة الشكوكية، ؤالتزايد اللي تبعهم فنقد الدين ولات الكلمة ضاهرة على السطح. أول وحدين غادي يعرّفو على نفوسهم بكلمة "athiest" (ملحد) عاشو فالقرن تمنتاعش خلال عصر التنوير. تميزات الثورة الفرنسية بـ"الإلحاد غير المسبوق" ديالها، وشهدات أول حركة سياسية كبيرة فالتاريخ كدافع على السمو ديال عقل الإنسان.

← كمل(ي) القراية …

صورة مختارة


Toubkal, high atlas mountains.jpg

جبل توبقال فالمغريب؛ أعلى قمة جبلية فالعالم العربي.
تصوير: Amine IKEN