Wp/ary/الدارجة

From Wikimedia Incubator
< Wp‎ | ary(Redirected from Wp/ary/الداريجا)
Wp > ary > الدارجة
Jump to navigation Jump to search
  الدارجة  
لبلاد لمغريب
لمنطقة لمغريب
عدد اللي كيهضرو بيها 25 مليون فلمغريب
الترتيب فلعالم
لعائلة اللغوية
- اللغات لأفرو آسياوية
- اللغات السامية
- اللغات السامية لوسطانية
- الدارجة
(Sir l: SIL - أفراري)
لوضع الرسمية ولكود د اللغة
لغة رسمية
كاتقرر فيها
إزو 639-1
إزو 639-2 ary
إزو/ديس
639-3
ary (en)
سال KYL
متال
متال "السلام لاباس, بيخير؟ هاني؟ كلشي مزيان؟"

لخريطة اللغوية ديال لمغريب, وفيه اللهجات ديال الدارجة ولأمازيغية

لخريطة اللغوية ديال الشمال د لمغريب: لمناطق اللي كايهضرو اللهجات قبل الهلالية بلحجري (اللهجة الجبلية) والزًرق (المدينية القديمة والقروية).

مغربي من لمدينة د سلا كايهضر بالدارجة.


اللغة لمغريبية أولا الدارجة لمغريبية، هي وحدا من اللغات اللي كايهدرو بيها لمغاربة. الدارجة د لمغريب قريبة بزاف للدارجة د لجزائر, و كاتشبه شوية تا للدارجة ديال تونس. الدارجة د لمغريب عندها تركيب لغوي جاي من لأمازيغية, و لكلمات من لأمازيغية و لعربية. فالتاريخ ديالها تأثرات ببزاف د اللغات منها البرتغالية والفرانساوية والصبليونية.

فالدستور د لمغريب, اللغة لعربية هي الرسمية, ولكن ماكاينش وضوح واش هي لعربية لفصحى ولا الدارجة. لفصحى كاتخدًم فشي حوايج رسمية بحال الخطب الدينية ولوراق د لإدارات ولأخبار د التلفازة. الدارجة تاتخدًم فلحياة ليومية، وكاتستعمل بزاف فالبرامج الترفيهية ديال التلفازة والسينيما والاشهارات.

كاين بزاف ديال اللهجات فالدارجة, و كلهم تيفهمو بعضياتهم مزيان. اللهجات ديال الدار البيضا والرباط وفاس هوما للي معروفين بزاف، وكايتستعملو فوسائل لإعلام كثر من لاخرين بحال ديال طنجة ووجدة.

الدارجة هي اللغة لأم ديال مابين 50 تال 75 فالمية ديال لمغاربة. اللغة لأم لاخرا اللي كاينا هي اللغة لأمازيغية. بزاف ديال الناس اللي اللغة لأم ديالهم هي لأمازيغية تعلمو الدارجة من بعد و تيعرفو يهضرو بيها.

اللهجات[edit]

تكونات اللوغة المغربية من بزاف ديال اللهجات للي جاو من جوج ديال المجموعات مختالفين وراثيا اللي هما: لقبل هلالية ولهلالية.

اللهجات قبل الهلالية[edit]

اللهجات لقبل هلالية جاو كنتيجة ديال التعريب ديال لمغريب فالمراحيل للولا ديالو، ما بين لقرن سبعة و لقرن طناش ، كثيرشي فلمدن لمهمة ولمراسي والزاوايا وحتى الطرقان التجارية الرئيسية. غالبا كانقسمو هاد اللهجات لثلاثة ديال التقسيمات وهوما: اللهجة القديمة ديال المدينة واللهجة الجبلية والمدينية واليهودية المغريبية. لمغاربة اللي تيهضرو الدارجة اللاهلالية عندهم بزاف ديال اللهجات:

  • اللهجات المدينية القديمة ديال فاس والرباط وسلا وتازة ونطوان وشفشاون وطنجة واصيلة والعرايش والقصر الكبير ومكناس ومراكش.
  • اللهجات الجبلية فالجنوب والغرب ديال الريف نقدرو نقسموهوم لجوج ديال تقسيمات: اللهجات الشمالية اللي كايهضرو بيهوم الناس اللي اصلهوم من قبايل مصمودة وغمارة واللهجات الجنوبية اللي كايهضرو بيهوم الناس اللي اصلهوم من قبايل زناتة وصنهاجة.
  • اللهجات القروية ديال زرهون وصفرو والقبايل لي قريبة ليهوم بحال زراهنة بالنيسبة لزرهون وقشتالة وبهاليل ويازغة بالنيسبة لصفرو اللي هوما داكشي اللي بقا من اللهجات قبل الهلالية اللي كانو كايهضرو بيهوم قبل القرت ثناعشر.
  • اليهودية المغريبية تقريبا قربات تنقارض ولكن كاينين بزاف ديال الكتوبا تكتبو بيها.

اللهجات الهلالية[edit]

اللهجات الهلالية أولا العروبية جاو للمغريب من بعد ما استقرات مجموعة ديال لقبايل لهلالية ولمعقيلية فلغرب ديال لمغريب ملي جابهوم لملك لأمازيغي يعقوب المنصور فوقت لموحدين.

اللهجات لهلالية للي كاينا فالمغرب كاينتاميو للمجموعة لمعقيلية اللي ممكن اتًقسم لثلاثة ديال لمناطق رئيسية: لغرب ديال لمغريب وهيا دكالة وعبدة وتادلة والشاوية ولغرب وزعير والسراغنة، والشرق ديالو للي هيا منطقة الشرق ووجدة، والغرب ديال الجزاير وسط وغرب وهران، والجنوب اللي هيا الصحراء وموريطانيا. غير هو لحسانية غالبا كاتعتبر لغة منفاصلة على اللغة لمغريبية.

التخليطات المدينية الجديدة اللي هي اللهجات اللي كاتجي ملي كايتخلطو جوج د اللهجات، تا هوما مبنيين على اللهجات الهلالية وعندهوم خصائص ديال اللهجات الهلالية.

لكلمات[edit]

لأصل[edit]

كاتمييز اللغة المغريبية بتكوينها اللي جاي من اللوغة الامازيغية. من بعد الغزو العربي بقاو بزاف ديال الناس كايهضرو بالامازيغية. وفالفترة ديال التعريب بزاف ديال الامازيغ ولاو كايهضرو جوج لوغات لأجيال قبل ما يخليو لوغتهوم ويبداو يخدًمو لعربية بوحدها، ولكن بقاو مثأترين باللوغة الامازيغية هاد الثأثير لي كاتزايد من الشرق للغرب ديال المغرب، اللي خلا اللوغة المغريبية تأتر بزاف بالأمازيغية كثر من لاخرين.

اللهجات د لمدن لقدام تأترات بالصبليونية علاوداش سكنو فيها بزاف د الناس ديال الاندلوس والموريسكيين اللي كانو كايهضرو بالصبليونية

لمصادر[edit]