Wp/ary/أندورا

From Wikimedia Incubator
< Wp‎ | aryWp > ary > أندورا
Jump to navigation Jump to search
مديرية أندورا
بلكاطالانية: Principat d'Andorra
Coat of arms of Andorra.svg
Flag of Andorra.svg
Location Andorra Europe.png
لعاصمة أندورا لقديمة
لمساحة 467.63 كم²
عدد سكان 77,281 (2016)[1]
ناتج داخلي لخام (بـ$) 3.249 مليار
مؤشر تنمية لبشرية 0.858 (طالع)[2]
التوقيت GMT+1 (الشتوا)
GMT+2 (الصيف)
كود لأنترنت .ad

أندورا، ولا رسميا مديرية أندورا، هي بلاد ماعندهاش بحر جات فشرق جبال لپيريني فجنوب شرق أوروبا و هي محدودة بفرانسا و صبانيا. عايش فيها تقريبان فيها 80 ألف واحد و لعاصمة ديالها هي أندورا لقديمة. كايحكمها مقيم عام صبليوني أو رئيس ديال فرانسا، و لحوكومة هي ديموقراطية برلمانية.[3]

أندورا هي دولة لاباس عليها بسباب سياحة أساسا؛ كايزورها سنويا 10.2 مليون سائح.

أندورا ماداخلاش فلإتحاد لأوروبي، و واخا هاكاك كاتخدم لأورو.[4]

لوغة رسمية هي لكاطالانية و فنفس لوقت كاتستعمل صبليونية، لفرانساوية، و لبرتغالية.

تاريخ

قبل تاريخ

تاريخ لقديم

تاريخ لمتوسط

تاريخ لجديد

سياسة و لمؤسسات

نيضام د لحكم

دستور ولمؤسسات

راية ونشيد لوطني

تقسيم لإداري

لجغرافيا

لمناخ

لحياة لبرية

لمجتمع

لوغات

ناس

ديانات

لقتيصاد

تقافة

لموسيقا

مواقع ليونيسكو د ترات لعالامي

رياضة

أندورا معروفة برياضات ديال شتوة، عندها أراضي كبيرة ديال هبطات د سكي ف جبال لپيريني (3100 هكتار و350 كلم ديال لهبطات) و جوج ديال محطات د سكي، ڭراندڤاليرا هو أكبر واحد منهم و لي مشهور كتر. رياضات خرين كيتعلبو فأندورا بحال لكورة، ريڭبي، لباسكيط، ولهوكي بجراير.

بنسبة لهوكي بجراير، أندورا موالفة تلعب فلبوطولة د ؤروپا وكاس لعالم. فـ2011، نضمات أندورا لفاينال أيت د بوطولة د ؤروپا د لفراقي.

فكورة لبلاد متلة ب لمونتاخاب د أندورا د كورة. لفرقة ربحات أول ماتش رسمي ديالها فـ13 أكتوبر 2004 ضد مقدونيا فتصفيات د كاس لعالام، و أول ماتش ربحاتو فتصفيات د كاس ؤروپا كان فـ11 أكتوبر 2019 ضد مولدوڤا.[5] لكورة فأندورا مكلفة بيها لجاميعة لأندورية د كورة لي تأسسات فـ1994، لي كاتنضم لمسابقات د كورة (پريميرا ديڤيزيون، كاس دوستور، و سوپيركوپا) و لفوتصال. أندورا دخلات ليويفا ولفيفا فنفس لعالم، فـ1996. إف سي أندورا، لي كاين فأندورا لقديمة وتأسس فـ1942، كيلعب فشومپيونات د صبانيا.

ريڭبي هي رياضة شعبية فأندورا، حيت مأترة بزاف بشعبية ديالها ف لجنوب د فرانصا. لمونتاخاب د أندورا د ريڭبي، لي مسميين عليه إلس إزاردس، كيشارك فنيڤو دولي فريڭبي د سبعة وريڭبي د خمسطاس.[6] ڤي پي سي أندورا 15، لي هي فرقة د ريڭبي فأندورا لقديمة، كاتلعب ف لبوطولة د فرانصا.

شعبية ديال لباسكيط طلعات ف أندورا فتسعينات، ملي فرقة من أندورا بي سي أندورا طلعات لقيسم لول د صبانيا.[7] مور 18 لعام لفرقة عاود رجعات لنفس نيڤو فـ2014.[8]

رياضات خرين كيتلعبو ف أندورا، بحال پيكالات، لڤولي، جودو، لكورة د ؤسطراليا، لهوند، لعومان، جيمناستيك، تينيس، و لماطر. فـ2012، أندورا قادات أول فرقة ديالها د لكريكيت ولعبات ماتش فبلادها ضد فرقة من هولاندا، لي هو أول ماتش ملعوب فتاريخ أندورا فعلو ديال 1300 ميترو.[9]


أندورا شاركات لمرة لولا ف لعاب لؤلمپية فـ1976، من داك لعام ولبلاد ديما مشارك ف لعاب لؤلمپية د شتوة. أندورا كاتشارك حتا ف لعاب ديال لبلدان صغار د ؤروپا، لي نضماتهم جوج د لمرات فـ1991 و 2005.

لمصادر

  1. esa.un.org
  2. hdr.undp.org
  3. cia.gov
  4. estadistica.ad
  5. "Andorra end 21 year wait for Euro win". BBC (بنڭليزية). 2019-10-11.
  6. "USA and Andorra improve rating in rankings". irb.com (بنڭليزية). 2014-03-31.
  7. Pablo M. Otero (2012-11-14). "El BC Andorra quiere volver a la Liga más bella". Marca (بصبليونية).
  8. "El River Andorra regresa a la ACB 18 años después". El Mundo (بصبليونية). 2014-03-22.
  9. "Netherlands Based FFOP CC Beats Andorra National Team". Cricket World (بنڭليزية). 2012-09-03.