Wp/arq/(إنقلاب 19 جوان 1965 (جزاير

From Wikimedia Incubator
< Wp‎ | arqWp > arq > (إنقلاب 19 جوان 1965 (جزاير
Jump to navigation Jump to search

لنقلاب تاع 19 جوان 1965 فلجزاير ولاَّ « تَّصحيح ثَّوري » [1] هو عصيان مسلح دارو لْكولونال هواري بومدين وزير الدِّفاع، باش يْنحِي الرَّايس أحمد بن بلَّة ويصبح هو الرَّايس الجْديد للجزاير من 1965 إلى 1978.

رايس أحمد بن بلّة
هواري بومدين

نيك يماك يالي كتبت بالدارجا

واش ل صار[edit | edit source]

لْكلام بتفصيل: "جماعة وجدة" و "أزمة صيف 1962".

بسبب لِستفتاء شّعبي تاع 01 جويلية 1962 ولاَّت دزاير بلاد مستقلَّ.

فلْـ أزمة تاع صيف 1962 ، عاش شَّعب وَحْد صِّراع كبير بزَّاف، وعارض لْحكومة لْمؤقتة للْجمهورية الدزيرية لِّي تْسَنْيات فْـاتِّفاقيات تاع إفيان ولْمكتب سِّياسي لِّي دَارُو أحمد بن بلَّةـ ولي ختم فيه اتِّفاق مع «[[جماعة وجدة. [2] ،و على راسهم هواري بومدين قايَد هيئة لْأركان لْعامة لجيش تاع لحدود، وهي قوة مكونة من خمْس وثلاثِين ألف راجل مجهزين ومنضبطين كِيما يلزم .بْدَ بن بلَّة يفرض ف سلطة تاع ب شويَّة.

ومْع دَّعم لْعسكري تاع لْكولونال بومدين، نظَّم بن بلة إنتخابات لِلْجمعية لْوطنية تَّأسِيّسة في 20 سبتمبر 1962، وهو لِّي تْعين أول رايس لحكومة دزاير .وبعدها بعام ولاَّ أول رايس للجمهورية لجازايرية لمستقلة، بعدما رْبح فلِ ستفتاء تاع 15 سبتمبر 1963 بخمس ملاين وخمس وثمانين ألف ومية وثلاثَ (5085103) صوت. عامين مَمْبعد، بن بلة ماشاف حْتىَ خَطر. وفلخفاء، لكولونال بومدين كان ينشط، وبْصيفتُو كنايب لرايس لحكومة من 1963 ووزير دِّفاع أي معناه قايد لجيش لوطني شعبي،وريث «جيش لحدود» لي ماحْبَسْش تّدعيم و تجهيز تاعو من طرف سُّوفيات. ومن منْصبو سير فَانِي كامل ل قوة لأمنية لعسكرية،وشّرطة سرية لحقَّانِية حكمها قايد لجيش. «ندعمو بن بلة باش يولي مفيد للجازاير،ونهار لي يولي مايرونديش سارفيس ،مايلزمناش غيل ساعتين باش نحِيوَه»،هكذا بومدين ڨَالْ لجماعت. ماكانتش لْجرأة عند بن بلة باش يآتاكي لْكولونال بومدين مباشرة،وعلى ذاك .بد يحوس باش ينقص متأثير تاع جماعة وجدت فلحكومة تاع.وتسبب فلِا ستقالة تاع أحمد مدَّغري لي كان وزير دَّاخلية، وبُوسَ قايد أحمد باش يتنازل على وزارة سياحة.وفتَعديل لْوزاري تاع ديسمبر 1964 ،نقص بزاف مصلاحيات تاع شريف بلقاسم لي كان واحد من أعضاء تاع «جماعة وجدة»،و وزير توجيه لي كان قابض ل معلومات و تربية لوطنية و شبيبة. رايس لْ جمهورية لي هو فاني رايس للْ حكومة ولأمين لْ عام تاع حزب جبهة ٲتحرير ل وطني (FLN)قبض مهام داخلية، ل مالية ولْ إعلام. بن بلة ڶم كامل لمعارضين على سمو،ودار محمد صغير نقاش لي كان وزير صحة تحت لْمراقبة، كي حس بلْ خطر. [3]. بومدين مثل لْ جزاير في مؤتمر رياس لْ حكومات ل عرب بلْ قاهرة في 28 ماي 1965،بن بلة علن بأنو قلع ل بوتفليقة لي كان هو فاني عضو في «جماعة وجدة»،مهام وزير ل شؤون ل خارجية ، وبسرعة بوتفليقة خبر ل كولونال بومدين،وهذ ل أخير رجع على ل فور لل جازايروجتمع مع صحابو «جماعة وجدة» باش يجَمعو ضباط ل لأشاوس تاع مجموعة شَّرق كِمَا (طاهر زبيري ، سعيد عبيد، أحمد دريا، صالح صوفي، عبد لعزيز زرداني).هذو كامل جْتمعو باش ينحّو بن بلة ويديرو نْقلاب عليه، ول عملية نْدارت بعناية كاملة وتامة.

لنقلاب[edit | edit source]

لفيلا جولي وين يسكن رايس دَّولة جايَّة ف نفس لكارطي. لي جايَّة فيه لابارتومو نْتاع لكولونال بومدين، قريبة مْ لفيلا آرتور وين يسكن بوتفليقة وماش بعيدة عل هيئة نْتاع لْ اركان لعامة نْتاع لْ جيش لوكني اشعبي وين درو ثمَّا تفاصيل نتاع لمؤمرة،[4]. ل كولونال بومدين مَدْ لْ مُهِيمة لْ شَّاف نْتاع هيئة، لْ اركان لعامة نْتاع لارمي، و لَ لْكونال طاهر زبيري و لاسيكيريتي ميليتار باش يَلْقيو لْقبض عْلاَ رايس لْجمهورية. بن بلة دَّاوه مَنْ دارو بكري قْبَل ما يخرج ف 19 جوان 1965 علا زوج وْ نُص نْتاع صْبَاح[5]. لكولونال زبيري كان معاه احمد دراية لْ مدير نتاع ل امن و سعيد عبيد، كوموندو نْتاع ناحية لعسكرية لولا نتاع دزاير. زبيري نَوَّض بن بلَّة بْ خشونة و ڤالو : "بَسْمْ لْمجلس نْتاع ثَّورة، عنْدي اَمْر باش نَلقي لْقَبْض عْليك بْ تُهْمة نْتاع خيانة كبيرة"، ڤالهالو ديراكت و ضُبَّاط ثلاثة،

كانو مَدَّارين بيه.

رَّايس رْكَبْ فْ طونوبيل كحْلة و ل دَّاتو لَ بْلاَصة مجهولة. بومدين كان فل كارطي جينيرال يستنا فرجال نْتاوْعو، تيليفون صونة، لكونال زبيري ڤالُّو بلِّي لْ مُوهيمَّة كملت[4]. فلْ فجر لارمي نْتع لكولونال بومدين دا سُّلطة، دزيريين ناضو مْعَا ليشارْ و رْجَالاَ بْ تُوني نتاع لْ كُومْبَا، مَنْتَاشْرين فْ ڤاع نِقاط البلايص نْتاع لعاصيمة. لْحِصَصْ نتع مْوَّلَف ف راديو نتاع دزاير بَدْلُوهَا بَلْ موسيقا لْعسكرية و نَشر نْتاع بلاغات و بيانات بَلْعربية و بَلْفرونسي وَ تْعَاوَدها شعال من مرة. و رايس لي نحاوه وصفوه فيها بلي متْسلَّط و ظالم. علا ثْنَاعَش وْ خَمْسة، لكولونال بومدين بَلَّغْ فْ ميساج تَّنْشر ف رَّاديو بلِّي دارو مجلس ثورة لي يَتحمل ڨاع سُّلُطات. هاذا لِنقلاب جا فْوقت ل يسبق لْ قمة لآفروآسياوية لي كانو رايحين يديروها ف دزاير، و لي كان رَايَح يْشارك فيها لْوَزير لَّوَّل اصِّيني زو اونلي و رَّايس ل مصري ناصر، و لي فيها رايس بن بلة كان رايح يبان واحد م لقيادين لمهيمين نتع ل عالم ثالث. و زيد هاد لنقلاب يجي شهور مورا لتفاق سري بِين بن بلة و لْ افافاس نتاع حسين آيت احمد لي كان داخل ف لِنْشْقاق فَ لْمَعقل نْتاعو فَلْ قْبايل مَلْ 1963. ل كولونال بومدين لي لقُوَّات نْتاوْعُو كانو فْ عام و نُص يعسُّو ل مقاومين و ل معارضين نتاع ل قبايل كان كونتر هاذ ل علاقة و هاد ل كُونْتَاكْت بين بلة و لْ افافاس. من وجهة نظر تِقانية، هاذ لِنقلاب نْدَار ب براعة، بْلاَ صُعوبات ني قْتِيلة. صحافة نْتاع ليطرونجي كانت ممنوع مَ لْوقت لُّي سبق لنقلاب و ل اتصالات نتاع تيليفون تْكُوبَّاوْ 48 ساعة.

لْمُطارَادَة نْتاع جماعة بن بلة و لْياساريين[edit | edit source]

فَ لْيُوم لُّي جا مُور لِنقلاب، بْدَات لمُطارادَة نْتاع جماعة بن بلة و لْمُعارِضين نتاع ل يسار فَ زَّنقات نتاع لعاصيمة ب طريقة مُوسعة و عنيفة ف نفس لوقت. لكاميوات نتاع لارمي بدات دُّور ف طرڨان نْتاع دزاير، ل مُتظاهرين كانو يَمْشو ف طريڨ و يعيطو و يقولو: "بومدين قَتَّالْ"، كانو جْوَايَهْ 2000 و 3000 واحد. رَّاديو كان يْفَوَّت وَ يْعاودْ دعوات لَ لْهُدوء و تهديدات كُونْتر لْ مُتظاهرين. و كانت بزَّاف اعتقالات بَلْ قُوَّة و لي كان منها 50 فرنساوي مَلْ ياساريين لي كانو من جماعة بن بلة[6] . ف قسنطينه لْ اعتقالات و لْ اختفاءات تضاعفت فْ مدَّة نْتاع سمانات. و ف عنابة ، كانو بزَّاف اعتقالات و لِّي ماتو ب لميات. و ف وهرن ا طُّرْڤان كانت معمرة بَلْ مُدرَّعات و دوريات نتاع ل عاسكر، و كانت مظاهرة عفوية ف بلاص دارم لا ماجوريتي كانو طلبة و لاسيكيريتي ميليتار اعْتَاقْلَتْ بزَّاف منهم. رَّايس نتاع ل جمهورية لْجازايرية ڤْعَدْ محْبوس مُودَّة نتاع 15 سنة و ما خْرجش الا ف 30 اكتوبر 1980 تحت لْحُكم نتاع شاذلي بن جديد ، و راح ڤْعَدْ ف لاسويس، و كْرِيَّا حركة نتاع ديموقراطية فل جازاير و تْقرَّب من حسين آيت احمد. رْجَعْ لَ لْجازايرْ ف 27 سبتمبر 1990. بن بلة حْضَر لْ اداء ليمين نتاع بوتفليقة ف 2009 و دعا و ثَمَّن تصالح مْعَا لْ اسلاميين نتاع ل جبهة ل اسلامية ل لانقاذ (لفيس:FIS).

سِينيما[edit | edit source]

يامات مَنْ قْبل، لمُخرج ل ايطالي، جيلو بُونْتِيكُورْفو Gillo Pontecorvo كان يْتُورْنِي فْ واحد ل فيلم على معركة دزير، و كي صر لنقلاب، ليشار نتاع بومدين كنو ديجا منْتاشرين ف طُّرڤان نتاع دزاير. وَاحْد صَّحافي يتفكر قالهم :"حسبتها سينيم وحتى ل أغلبية نتاع دزيريين كانو حاسبين كيما هكَّاك. "كُنَّا موالفين ليشار نتاع بونتيكورفو Pontecorvo بصَّح هاذ لْ خطرة كانو حقَّانِيين نتاع الصح (ماكانوش يتورنو) ". رجالا نتاع ل كولونال بومدين وجهو لَكلام ل سْكَاني و قالولهم:"ما تقلقوش رواحتيكم يا سكان دزاير، هاذي ل معركة نتاع دزاير لي رانا نتورنو فيها، ما تخافوش و ما تتقلقوش"[6].

لِحْتِفال[edit | edit source]

نِّظام نتاع بومدين كْمَل بْشكل مشي رسمي ف ديسمبر 1978 مْعَ لْ موت نتاعو بومدين و حل مجلس نتاع ثَّورة. لْيُوم نتاع 19 جوان كنو يحْتافل بيه ك "يوم وطني" عطلة مدفوعة لْ اجر، وامْن بعدا تنَحَّات ف 2005 مَلْ كلونْدري نتع ل اعياد ل وطنية.

مراجع[edit | edit source]

  1. Ahmed Ben Bella، هَاذي التَّسمية تَنقَال فَلْ خطاب ارَّسمي على لِنْقلاب لِّي صْرَا ضد احمد بن بلة.
  2. État-major général، بلنسبة للمدينة لحدودية لمغربية لي جاية غرب لدزاير, ول كانت تشكل لقاعدة لخلفية« للجيش اثناء حرب تحرير».
  3. ISBN|2-912946-38-7، Michel Martini - Chroniques des années algériennes,Collection, page 512, Escales,.
  4. 4.0 4.1 جُونْ دنيال بن سعيد، «دزاير:«لحكاية نتاع لمؤامرة» ، Nouvel Observateur, نُيميرو 32,‎ 24 جوان 1965 (ISSN 0029-4713
  5. Cite error: Invalid <ref> tag; no text was provided for refs named دزير: لحكاية نتاع لمؤامرة
  6. 6.0 6.1 ڨاي سِيتْبُو Guy Sitbon،"تَّقرير نتاع ڨاي سِيتْبُو"، Nouvel Observateur، نُوميرو 32، 24 جوان 1965، لْباجة 11-22(ISSN 0029-4713) .