Wp/arq/(إليزي (ولاية

From Wikimedia Incubator
< Wp‎ | arq
Wp > arq > (إليزي (ولاية

إليزي (بالتيفينغ ⵉⵍⵍⵉⵣⵉ) ولاية, و دايرة, و بلدية, جاية في الجنوب الشرقي تع الجزاير.

نصيبو أغلبية سكان الولاية في مدن جانت و إليزي (عاصمة الولاية) وعين امناس. الولاية معروفة بالمنطقة الطبيعية المحمية تع "الطاسيلي ناجر" صنفها اليونيسكوا كتراث عالمي في 1982 على خاطر فيه رسومات و نقوشات تع الانسان ما قبل التاريخ.

ولاية إليزي[edit | edit source]

التسمية[edit | edit source]

إليزي باللوغة الامازيغية معناها

ولاية إليزي كان اسمها (Fort Polignac) في وقت الاستعمار الفرنسي

الموقع[edit | edit source]

ولاية إليزي فيها 284,618 كم2, و هي الولاية الثالثة في المساحة فلجزاير.البعد تعها مالعاصمة 1758.5 كم. عندها 1233 كم حدود مع تونس، ليبيا و المالي.

ترسمت لولاية إثر التقسيم الإداري تع 1984 و يبلغ عدد سكانها 49000 نسمة.

التقسيم الإداري[edit | edit source]

ولاية إليزي فيها 3 دايرات:

  • جانت
  • إليزي
  • عين امناس

-و 6 بلديات:

  • ﺑﺮ ج اﻟﺤﻮاس
  • برج عمار إدريس
  • دبدب
  • جانت
  • إليزي
  • عين امناس

الدمغرافية (عدد السكان)[edit | edit source]

العام 1987 1998 2008
عدد السكان 19698 33960 52333


الجغرافيا[edit | edit source]

التضاريس[edit | edit source]

ولاية إليزي فيها 3 مناطق جغرافية:

  • العرڨ : في الشمال العرڨ الشرقي الكبير، فيه بلدية دبدب و برج عمر دريس. فلوسط كاين عرڨ إيساوان-إيارن، إيساوان-تفرنين و بوراغت. فلجنوب عرڨ أدمر و تيهوداين.
  • الحمادة: حمادة تينهرت فشمال، و الطاسيلي ناجر فلجنوب.
  • السهل (وطاء): سهل أدمر، بين بلدية برج الحواس و جانت.  

الوديان[edit | edit source]

أهم وديان المنطقة هما: لميهرو، دجرات، تفاساست، تارات و تخمالت.

المناخ[edit | edit source]

المناخ تع ولاية إيليزي مناخ صحراوي شايح. النو إجي خطرات، فصيف. شهر جوان هو لحامي لكثر و جانفي هو البارد. مكانش بزاف الريح.

الموارد الطبيعية[edit | edit source]

المنطقة غنية بالڨاز الطبيعي.

في 2012, لقاو منبع جديد وكبير بزاف، وسمو "اين تسيلى"، شراوها ب 57% الشركة الإيرلندية  "بتروسلتيك انترناشيونال، و ب 18% الشركة الطليانية "انل"[1]، و- 25% تع سوناطراك[2].

الزوي[edit | edit source]

  • "الزاوية التيجانية" (إليزي)
  • "الزاوية القادرية" (جانت)
  • "الزاوية السنوسية" (جانت)
  • "زاوية سيدي موسى" (برج عمر إدريس)

التاريخ[edit | edit source]

  • ماقبل التاريخ : الولاية مسكونة من أقدم الزمان, معروفة برسومات و نقوشات حجرية تاريخية
  • عهد "إهن ملن" (كَلْ َٱَهن ملن) (أصحاب الخيمات البيض) : سيطرت قبائل "الإهن ملن" على المنطقة في القرن 11م
  • عهد "إمنان" :تشكل صراع على المنطقة مركزه المذاهب الدينية وطرق الصوفية كالتيجانية والقادرية والسنوسية والشاذلية والرحمونية وغيرها الكثير ورغبة الطوارق في إكتساح أسواق تيمبكتو حيث سيطرو إمنان على الحكم وأصبح اتباع النسب في الملك لأب هذه الفترة وتواصلت حتى القرن 20م, بصح في صراع مستمر مع مترمدي "أوراغن".
  • عهد الإحتلال الفرنسي : من القرن العشرين إلى منتصف القرن الماضي حيث سقطت جانت في 1909 وإهرير1911, بعد مقاومة "أمود أڨ المختار" من قبيلة امنان، و "براهيم أڨ أبكد".

الاقتصاد[edit | edit source]

إستخراج البترول و الڨاز[edit | edit source]

في شمال الولاية كاين منطقة إستخراج البترول و الڨاز, معروفة بإسم "حوض إليزي", خاصتاً في إن أمناس.

الصناعة التقليدية[edit | edit source]

ناس المنطقة عندهم حرفة قديمة في الصياغة بلفضة، خدمة الجلود (صباط، خيمات...)، السيوفة...

السياحة[edit | edit source]

مانطق جانت و الطاسيلي ناجر معروفين فلعالم كلو، وايجيو السياح من كل جهة، بش اشوف الصحرى، الرسومات الصخرية، و الثقافة التارڨية.

شوف تاني[edit | edit source]

  • جانت
  • طاسيلي ناجر
  • إن أمناس

المراجع[edit | edit source]

  1. Elder, Bryce; Neil Hume (28 April 2011). "Petroceltic sells Algerian project stake". Financial Times. Retrieved 20 May 2011
  2. "Petroceltic's INW-2 becomes fourth well to demonstrate commercial flow rates on Isarene permit, Alge". Proactive Investors. 2 February 2010