Wp/arq/هوميروس

From Wikimedia Incubator
< Wp‎ | arq
Wp > arq > هوميروس
هوميروس، حسب نسخة يونانية تع القرن 5 قبل الميلاد، متحف منيك (ألمانيا)

هوميروس شاعر بي اللغة اليونانية تع القرن 8 قبل الميلاد, يعتبر كأب القصيدة المشهورة "الإليادة و الأوديسية" لي هي أساس الادب اليوناني القديم و الحضارة الأوروبية.

ماش معروف بضبط لوكان هوميروس عبد خيالي ولى عاش صح. مكانش يكتب الشعر ديالو، كان اغنيه برك.

قصة حياتو[edit | edit source]

هوميروس يملي في قصايدو، رامبرانت1663، متحف لاهاي (هولند)

على حساب الثرات القديمة[edit | edit source]

اقلوا بلي هوميروس كان أعمى, كيما معظم الشعراء و المداحين اليونانيين القدم. بزاف المدن تعتبر هوميروس من أصلها كيما خيوس في اليونان، و إزمير و كولوفون في الترك. مدولو بزاف الأصول و السلالات مختلفة.

على حساب الابحاث التاريخية[edit | edit source]

بزاف الباحثين اقلوا بلي هوميروس شخص خيالي. أولاً، إسمه ماشي معروف في الثقافة اليونانية القديمة, و غالط بنسبة للقواعد اللغوية اليونانية.

قصايدو[edit | edit source]

يعتبرهوميروس كأب القصيدة "الإليادة و الاوديسية"، و قصيدة "بتركوميوماكيىة" (حرب الجران و الطبات)، مرجيتس (المهبول)، و اناشيد شعرية قصيرة. بصح، أثبث أن معظم هاد القصايد تكتبوا بعد الفترة لي زعما عاش فيها هوميروس .

نقل قصايد هوميروس[edit | edit source]

القصايد تنقلو عبر زمان طويل غير بلهدرة (شفهياً). و في القرن 6 قبل الميلاد، الحاكم اليوناني بيسيستراتوس دشن أول مكتبة عمومية, و هو لي مد الامر باش يتكتبو كل قصايد هوميروس. و صدر قانون يفرض عل كل مداح ولى شاعر لي يعرف قصيدة تع هوميروس و اجوز على مدينة أثينا لازم اسجلها عند الكتاب, و لموهم هكدا تحت إسم "الإليادة و الأوديسية". كتبوهم فوق جلود حيوانية و نباتية (تودرو معظمهم مع الوقت). ومبعد، زنودوتوس (القرن 4 قبل الميلاد) و اريستوفان البيزنطي (القرن 3 قبل الميلاد)، لي كانوا يخدموا في المكتبة الكبيرة تع الاسكندرية، زادوا سڨمو هاد النصوص.

في القرن الثالث بعد الميلاد، الرومانيين نشروا إستعمال الكوداكس و هو أصل الكتاب، و كتبوا "الإليادة و الاوديسية" وفق هاد الشكل الجديد. في 1488, تطبع (الطباعة الحديثة) أول كتاب تع "الإليادة و الاوديسية" في فلورنس (اليطاليا).

لغة هوميروس[edit | edit source]

اللغة اليونانية لي ستعملها هوميروس في القرن 8 قبل الميلاد كانت ديجا قديمة في وقتو, و في القرن 6 قبل الميلاد كي بداو يكتبوها. و كان مخلط فيها بزاف اللهجات. لغة هوميروس كانت خاصة لشعراء، العامة ما كنوش يهدورها.

قصايد بلمعاني[edit | edit source]

اقلوا بلي هوميروس ما كانش يهدر بصراحة ديركت، كان يهدر غير بلمعاني و  مقصودو كان مخبي مور تزواق لغوي و المعاني. مالا بزاف المثقفين و الفلاسفة عبر التاريخ حوسو يفهموا و إفسرو قصايد هوميروس، كيما الفلاسفة اليونانية قبل سقراط، الفيثاغوريين، أفلاطون، إبيقور، أرستو، و مفكرين مسيحيين و مسلمين (الشهرستاني) و عدة اخرين إلى يومينا هدا...

تأيثر قصايد هوميروس على علم التاريخ[edit | edit source]

في العصور القديمة، كان المفكرون تبانلهم حكايات هوميروس حققيقة و يعبروا على حوايج صراو صح (كيما حرب طروادة). و الابحاث التاريخية و الاركيولوجية ثبثت بلي كل قصايد هوميروس حكايات برك، و ما إمثلو لا حضارة و لا مدينة و لا فترة زمنية معينة بل خليط خيالي تع بزاف لحوايج.

المراجع[edit | edit source]