Wp/arq/نيفادا

From Wikimedia Incubator
< Wp‎ | arq
Wp > arq > نيفادا

نيفادا[edit | edit source]

هيا مدينة جايا فالغرب تاع لماريكان يعيطولها لولاية تاع لفضة ولا لمريمية .لعاصمة تاعها هيا "كرسون سيتي" , كاين حدها م الجنوب الغربي كاليفورنيا ومالشمال اوريغون وايداهو.ومن الشرق يوتا ,اريزونا.

اصل الكلمة[edit | edit source]

اسم نيفادا جاي من سلسلة جبال سيرا نيفادااللي هي تاني سلسلة جبال ف سبانيا ومعناها الانثوي المغطية بالثلج

تاريخ تاعها[edit | edit source]

السكان اللوالا تاع نيفادا هوماالهنوداتاع المريكان , ف اللول كانو النورماد البدويين والصيادين اللي يعسو باش يصيدو وياكلو وخيرو تاني التوت والجدور تاوعو ,الثقافة تاعهم هادا واش بقا منها كيما النقش على الحجر .كانو يعيشوعلى برا ف الطبيعة على طرف الويدان كيما على الواد القاحل الكبير يصيدو ويفلحو الاراضي الراوية ويصنعو الحصاير والكسوة م الصفصاف في بلايص كيما ف الشمال تاع البلاد و ف الشمال ا لغربي وف الجنوب تاني .كيما بايوتس بلاصا معروفة. نيفادا ولات امبراطورية كبيرة في سبانيا ف الجيهة تاع هوت كليفورني . في 1821 كي كملت الحرب تاع المكسيك واستقلت ولات حاجة كبيرةفي هادي الدولةاجديدةوولات ارض كبيرة. ف التالي تاع الحرب تاع المكسيكمع المريكان في عام1848 زيرت المريكان على المكسيك باش تخلي الاراضي تاعها حتى ولات تاعها في الجيهة تاع يوتا.

في 2 مارس 1861 فصلو نيفادا على يوتا ومبعد دات اسمها تاع دروك الي هو جاي من كلمة سيبيرانيفادا2. وفي اكتوبر ولات تابعة لاريزونا ومبعد ولات ولاية السادسةوثلاثين تاع المريكان . في عام 1866 صابو السكان تاع نيفادا الدهب والفضة وف البداية تاع القرن العشرين ولات المعادن ثروة غالية ف هاد البلاد كيما النحاس والليتيوم والمولينيوم وعلجال هاد المعادن تطورت الالعاب ف الثلاثينات ودارولها تاسيس ف 1905 ومبعد ولات العاصمة تاع الالعاب .

جغرافيا تاعها[edit | edit source]

المساحة الكاملة تاع نيفادا هي 353,286 كيلومتر مربع والسكان تاعها في عام 2010 كانو 551,7000,2 . العاصمة تاعها هي كارسون سيتي .

الموقع تاعها والخصائص[edit | edit source]

نيفادا جاية ف الغرب تاع المريكان ف بلاصا مش ساحلية داخل القارة ماهيش جاية حد المحيط الهادي . كاين حداها 5 ولايات اللي هوما اوريغون وكاليفورنيا م الغرب و ايداهو م الجيهة الشمالية ويوتا م الجيهة الشرقية واريزونا ف الجيهة الجنوبية .

المناخ اللي فيها[edit | edit source]

المناخ تاعها سخون ف الصيف فيها طبيعة قاحلة نقدرو نقولو شبه قاحلة لخاطرش فيها الجبال العاليين اللي يصدو الهوا والرطوبة مفيهاش بزاف الشتا بصح ف الشتا فيهاالشتا والبرد وكاين بلايص تطيح فيهم الشتا بزاف كيما البلايص العاليين وسيرتو اللي جايين قدام البحر .

الويدان فيها[edit | edit source]

كاين واد معروف ف نيفادا هوهمبولدت طولو 480 كيلومتر يتملا بالما تاع الثلوج اللي ف الجبال سيرتو في فصل الربيع وكاين تاني ويدان صغار كيما ووكر طولها 272 كيلومتر .هادو الويدان عندهم فايدة كبيرة بزاف باسكو هاد البلاد مفيهاش امطار ومنها تتكل الناس عل الماء في حياتهم اليومية وشغتلاتهم كيما الفلاحة.

الاقتصاد تاعها[edit | edit source]

تخرج نيفادا ف العام بزاف انتاجات اللي معروفة بيهم كيما الدهب الفضة النحاس الجبس الباريت الرملة وهادو الصوالح كانو يطلبوهم عليها بزاف دول باسكو هي ناشطة بزاف فيهم وتاني عل حساب السكان والعدد تاعهم وتاني الواد تاع البني كيما الحجر والرملة وكانت هي الاولى ف العالم ف هاد المواد . هادو هوما الوماد المعروفة ف الصناعة تاع نيفادا وتاني مواد الغدائية وكامل .

الثقافة تاعها[edit | edit source]

نيفادا معروفة بالمتاحف كيماتاع الفنون اللي جاي في لاس فيغاس وكاين متحف نيون ويعيطولها مقبرة نيون تاني ومعروفة تاني باالادب وين عندها بزاف كتوبا كبار سيرتو في سان فرانسيسكو كاين بزاف كتاب معروفين كيما ديفيد. فيها المهراجانات كيا تاع رعاة البقر اللي يهدر على حياتهم عندهمتاني السينيما اللي جاية في لاس فيغاس الافلام عندهم بزاف كيما كازينو اللي الفو مارتن سكورسيزي. وينشطو تان ف الرياضة ف المدينات الكبار سيرتو في لاس فيغاس وين يلعبو البالو والبوكس والهوكي.

لمراجع[edit | edit source]