Jump to content

Wp/arq/مقروط

From Wikimedia Incubator
< Wp‎ | arq
Wp > arq > مقروط

المقروط، يسمّوه تاني مقروض، و هوّا ڤاطو جزائري و شعبي يصنعوه بزّاف فل الجزائر، تونس [1]تونس و شي ولايات تاع لمرّوك ، بصّح معروف ثانيك في ليبيا و مالطا .

مقروض تونسي بالتّمر

أسم وحداخر : مقروط

لأصل تاعو : تونس،

نّوع تاعو : حلويات الأغالبة

تسربية تاعو : بارد

لاستهلاك

[edit | edit source]

البلادات لّي معروفة عندهم هاذ الحلوة هوما الجازاير، و تونس. بصّح البلادات لي حذاهم يعّرفوه تاني، كيما في غرب ليبيا لي هيّا پلاصة متأثّرة بزّاف بل عوايد تاع التوّانسا، و تاني وجدة و تيطوان فل حدود تاع المرّوك معا الجازاير، لي دخّلوه ليها المهاجرين الجازايريّين، و في فاس بلا شك دخّلوه ليها التوانسا تاع لقيراوان، فل عهد التاسع. المقروط رجع ضركا معروف حتّا في بلادات أوروبّا لّي يعيشو فيها الجازيريين و لا توانسا المهاجرين، كيما فرانسا ولابالجيك

كيفاش ينصنع

[edit | edit source]

المقروط ينصنّع من طبقات، طبقة تاع العجينة لّي فيها السميد تاع الڤمح اليابس و طبقة تاع عجينة التّمر و خطرات دڤلة نور و مين ذاك الكرموس ولا الّلوز .امبعد نرولوهم و نقسّموهم على شكل مقروطات ولا موثلّثات ومبعد نقلوه في زيّت نباتي، و مبعد نغطسوه في سّيرو تاع السكّر و القارص معا لقشور تاع الشّينة، و معا التالي نسربوه بارد.

تسميّات تاع لمقروط

[edit | edit source]
  • المرّوك : مقروط كيما يسمّوه فل جازاير (وجدة معروفة بدّارجة لجازايرية).

نواع المقروط

[edit | edit source]

لجازاير

[edit | edit source]

المقروط لجازايري يقلوه ولا يطيّبوه فل كوشة كيما في الشّرق ، هذا النّوع تاع لڤاطو اصلو من لجنوب الشّرقي تاع لبلاد، ياكلوه في كامل لبلادو نصيبو بزّاف لنواع لي يختلفو علا حساب لمناطق ، نصيبوه بتّمر و سّميد ف صحرا لجازايرية ، القرفة و النّجمة في وهرن ، بلّوز و سكّر ڤلاصي ف دزاير ، لجازاير هيّا لي عندها بزّاف لنواع فل لمغرب لعربي ، و لمهمّين كثر هوما :

  • مقروط التّمر :اصله من الصحرا و مصنوع ب السّميد و التمَر و القرفة و مازهر ، و مغطوس فل عسل، و ينقلا ف زّيت و لا يطيّبوه فل كوشة.
  • مقروط العسل :اصلو من سّطيف والدزيريين يصنّعوه بالسّميد والّلوز مطحون و القرفة و مازهر.
  • مقروط الّلوز :ولا مقروط مسكّر مصنوع بالّلوز مطحون رڤيڤ وسكّر رطب ،سّميد و قشور القارص و مازهر.
  • مقروط الكوشة :اصلو من قسنطينة معروف بزّاف في الشّرق ، مصنوع بالسّميد و التّمر يطيبوه فل كوشة و يعتبر المقروط الاصلي.
  • مقروط وهراني مصنوع بالسّميد و العقاقير.
  • مقروط الدڤيڤ :اصلو من سوق اهراس يصنّعوه بالفرينة.
  • مقروط مدور:هو مقروط عصري و يجي مدور و العقدة مصنوعة بالزبدة و التمر.
  • مقيرط:اصلو من تلمسان مصنوع بالبيض و الكوكاو و لجلجلان محمّص يطيّبوه و مبعد يغطسوه فالعسيلة.
  • مقروط بالكرموس:العقدة مصنوعة بالعجينة تاع الكرموس.
  • مقروط مالح:اصلو من ليبيا و يصنعوه تاني في تبسة مصنوع بالبطاطا و العقاقير و العقدة تكون بالجاج والطومّاطيش و مرمّد بالجلجلان.

Template:Message galerie

  • مقروط الصابلي:يصنعوه بالسميد و الفارينة و الزبدة و الخمارة تاع القاطو ونحشوه بالتمر ولا باللوز ولا بالكاوكاو ويطيب في الكوشة ,ومبعد يتعسل.
  • مقروط الرولو:يديرو فيه السميد و الفارينة و الزبدة غامولي,و البيض و الحليب و يحلو العجينة و يزيدو فوقها التمر ومبعد يرولوه,ويقطعوه,يقلوه, ويعسلوه.

تونس

[edit | edit source]

المقروط في تونس عندو بزّاف ليغوسات ، يندار بتّمر ولا تقليديا بلكرموس . هاذ التنوّع لكبير نلقاوه بسبّة التأثير تاع لحضارات لي فاتت علا تونس كيما لوندال ، لبزنطيين و لفنقيين لي أسّسو قرطاج و رومانيّين . المقروط ، دار الشّهرة لمدينةلقيروان التونسيّة لي دارت أول مهرجان وطني تاع لمقروط في 30ماي 2008 [3] .

تشوف تاني

[edit | edit source]

لمقالات لي عندها علاقة

[edit | edit source]

ملاحظات و مراجع

[edit | edit source]
  1. «  https://web.archive.org/web/20200523142538/http://tuniscop.com/index.php/categorie/harrer-el-wakt/jaw-romdhan/l-origine-du-makroud-mkaroud-el-fatairya_0/ » [archive], sur Tuniscope (consulté le 4 août 2013).
  2. Dziriya, « https://web.archive.org/web/20170322014652/http://www.dziriya.net/photos/diaporama.php?p=114&l=16» [archive] (consulté le 2 septembre 2014).
  3. Foued Allani, «  », La Presse Magazine,‎ 27 mai 2008, p. 2-7 (lire en ligne [archive] [PDF]).