Wp/arq/منتخب لجزايري تاع لبالو

لمنتخب لجزايري تاع لبالو

لمنتخب لجزايري تاع لبالو ختار لاعبين دزيريين لي يمثلو لبلاد في لمسابقات الدولية للبالو.

لعب لمنتخب لوطني لماتش لول في 6 جانفي 1963 ضد بلغاريا، وغلب لماتش بهدفين لواحد. وبعد ما ستقلت لبلاد في 1962، لعب لمنتخب لجزايري تصفيات مؤهلة لنهائيات كاس العالم في عام 1970. ودات أول لقب كوب دافريك في 1990.و فان حصلت على أفضل نتيجة ​​في 2011، و احتلت لمركز رابع في لمسابقة. في كاس لعالم دزاير تأهلت لربع مرات عام 1982، 1986، 2010 و 2014 في البرازيل، دزاير تأهلت للمرة اللولة في تاريخها لدور 16، وهي الدولة ساتة لي وصلت لهذا لمستوى في لافريك.

لجزايريين يستقبلو في ستاد 5 جويلية 1962، يرفد 85،000 مقعدا جاي في دزاير لعاصمة. دزاير كملت عام 2014 في المركز 18 على حساب تصنيف لفيفا و لولة في لكاف . عينو مدرب للمنتخب الوطني في 26 جوان 2016 ، و استقال ميلوفان رايفاتش في 11 أكتوبر 2016

تاريخ تاعو

منتخب جبهة التحرير الوطني (1958-1962)

لمنتخب لواطاني تاع لفالان ج ت و 1974

في عام 1957 كي بدا لحرب في دزاير قبل ثلاث سنين، لمؤيدين للاستقلال جبهة التحرير الوطني لي مقبل سجلو قضية استقلال دزاير في برنامج الأمم لمتحدة باه يأسو منتخب وطني تاع لبالو و هي لوكازيو باش تبان مسألة الدزيري للعالم، خاصةً بزاف لاعبين زايدين في دزاير مطورين على لمستوى لعالي كيما مصطفى زيتوني، اللي لعب فان مع منتخب تاع فرنسا شوية لماتش، كيما رشيد مخلوفي. ثم قنع محمد بومزراق بلمعاونة تاع شخصيات من عالم البالو باش يأسو منتخب غير شرعي لجبهة التحرير لوطني لي جاي لمقر تاعو في تونس، وكاين في صفوفو بزاف لاعبين دزيريين ساكنين في فرانسا،اللي خلاو لفرق تواعهم مثل بزاف لاعبين من موناكو لي هوما بوبكر، بن طيفور، بخلوفي، زيتوني و شابري. وكان دور هاذ لمنتخب قبل قاع نفسي باش يبينو متروبوليس لفرنسية بلي مام اللاعبين لمحترفين شاركو في هذي لحالة، حتى تتخلى على وضعهم. سلطات لفرنسية تحصلو بسهولة على حظر هاذ لمنتخب مل لفيفا.مالغري منعوهم على اللعب، فريق جبهة التحرير لوطني سينيا دورة عالمية حوالي ثمانيين لقاء، في أوروبا وآسيا وأفريقيا. هاذ ليماتش باينة بلي تستغل على نطاق واسع عن طريق دعاية المؤيدة للاستقلال. لماتش لول تاع هاذ لفريق لعب ضد تونس في تونس، في 1 جوان 1957. هذي دزاير ماهيش مستقلة ف الماتش، بصح هي من لي قالو مستقلة، و هاذ لماتش عادينو من مرحلة الاستعمار المستمر. دزاير تحت اسم جبهة التحرير الوطني ربحت الماتش بنتيجة (4-1). عدد لمباريات لي لعبت من قبل هاذ لفريق يختلف وفقا للمصادر، بالنسبة لعمل ميشيل نايت شلال، لعبت 83 لقاء و بالنسبة لجوغنال بالو افريقيا قالو لعبت 58 ماتش.

هاذ التشكيل اللي واقعيا منذ استقلال دزاير في 1962، باش يخلو بلاصة للمنتخب لجزايري تاع لبالو، و باينة مقبل بلي يديكلارو بزاف لاعبين يعيطولهم باه يخطاروهم للمنتخب الوطني ، مثل اللاعبين الثمانية لي خطاروهم لمنتخب جبهة التحرير الوطني لي تشكلت في عام 1963.

• 28 فيفري 1963 : 4-0 ضد تشيكوسلوفاكي • 01 جانفي 1964 : 2-0 ضد ألمانيا • 04 نوفمبر 1964 : 2-2 ضد الاتحاد السوفياتي • 17 جوان 1965 : 0-3 ضد البرازيل

شباب تاع لمنتخب لجزايري (1962-1974)

بن بله معا ڀولي و ڤارينتشا

بعد ما ستقلت لبلاد، تأست لفيدرالية لجزايرية للبالو في عام 1962. رتابطت بالفيفا في عام 1964 و عضو في الكاف في نفس لعام. وقبل من ذاك، خطارو يلعبو لماتش لول برئاسة قادر فيرود ضد بلغاريا، لماتش ربحوه 2 - 1 ، لاخاترش دخول لاعب فريق جبهة التحرير الوطني الي هو مصطفى زيتوني. هذا كان لماتش لول و تالي على راس الاختيار لجزايرية، من مارس 1963 بدلوه ب حمو حكاش فذاك لوقت، وهذا التالي شاف ليكيب خسرت فلماتش لوحيد معاه بهدفين لصفر ضد تشيكوسلوفاكيا ، قبل ما يبدلوه ب سماعين خباطو فل ماتش لجاي، ربح مام ايكيب تاع تشيكوسلوفاكيا بربعْ بيات ا زيرو . ليكيب منبعد تلعب دو ماتش كونتر لمصاروة و دارت دو ماتش نيل . في كلش، التشكيلة لعبت حداعش نماتش مع ليزادفارسار لي قولناهم مقبل و زيدلهم تونس و يوغوسلافيا و المجر.

نهار اللول من عام 1964، لجزاير، غلبت بفضل اللاعبين المحترفين بهدفين لصفر فريق ألمانيا لقوي ب هانز تيلكوسكي، أوفه زيلر، هيلموت هالر، كارل هاينز شنايدر، بلاد لي كافحت الماتش النهائي لكاس العالم 1966 ضد إنجلترا. لجزاير غلبت الماتش ضد ألمانيا الغربية بقيادة إسماعيل خباطو بهدفين لصفر بفضل هدفين ليماركاهم أحمد اوجاني (نادي لانس) وماهي خنان (ستاد رين)، و فان عبد الرحمن بوبكر الي قلع بيناتي . محاربي الصحراء لعبو مرة وحداخرة دو ماتش متسلسلين ضد منتخب مصر، لي عتارفت بالخسارة بهدف واحد لصفر، و نيل هدفين لي كل واحد منهم، لعبو فان ماتش ضد بلغاريا، او واحداخر ضد الاتحاد السوفياتي. الصح في هاذ العام هو مشاركة المنتخب الجزايري في الماتش الرسمي اللول (ماتش أميكال أويكلو) على جال دورة الألعاب الافريقية عام 1965 ضد تونس، وغلبوه الماتش بهدف واحد مقابل لا شيء ، و دارو ماتش نيل صفر لصفر في الروتور، لي سمحتلهم باه يوصلو للأول مسابقة رسمية ليها، وهذا بتوجيه من جوار قديم في "حداعش الاستقلال "عبد الرحمن ابرير.

والجزاير شاركت منذ عام 1965 في التصفيات المؤهلة لنهائيات كأس العالم، مي قاع المنتخبات الافريقية ديكلاراو للطعن في عدد الأماكن المخصصة لأفريقيا لكاس العالم للبالو، بصح الفيفا تعطي بلاصة وحدة برك بين آسيا وأفريقيا. التشكيلة الجزايرية فرحت كي تلعب ماتش أميكال واحداخر في عام 1965 ضد البرازيل في 17 جوان 1965 في وهران، خسرو الماتش بثلاث أهداف مقابل لا شيء ، قبل ما تطير برازافيل المسابقة اللولة منافستها الرسمية ، لي هي فان الطبعة اللولة من الألعاب الأفريقية ، المنتخب راه رايح ينافس في سبع ايام قبل أقل من خمس مباريات ، واللي سمحتلها باه توصل ل لافينال لهاذي المسابقة ، لافينال خسراتو كونتر كوتي فوار ومنبعد كانت تحرر في ليتور لي فاتو في مدغشقر والكونغو ومالي ... العام اللي موراه نشوفو المنتخب الجزايري يلعب ماتش أميكال واحد برك .

في عام 1967، الجزاير تلعب لي تور لوالة لتصفيات المؤهلة لكأس الأمم الأفريقية ،نجحت في التأهل بالمرشد تاعها حسان لالماس لكأس الأمم الأفريقية للبالو في عام 1968 بعد ما تخلصت من مالي، وفولتا العليا (بوركينا فاسو) ، المنتخب نجح هاذ الانجاز تحت قيادة المدرب الأجنبي الأول لقيادة التشكيلة الجزايرية، لوسيان لوديك . في نفس العام، سيتادير، في عام 1967، الجزاير تلعب تصفيات لولة للالعاب الاولمبية في المكسيك عام 1968 وهذا ضد ليبيا ، رغم ذلك تفشل في الدور التأهيلي المقبل ضد غينيا، بويسك خسرت 6-5 في مجموع المباريات ، ومتلعبش دروك الالعاب الاولمبية اللولة من مشاركة اللولة الفاصلة لها.

دايمن تحت قيادة المدرب لوسيان لوديك، الجزاير، تشارك إذن للمرة اللولة في مسابقة دولية، أي كأس إفريقيا للأمم ف ديبي دو لاني 1968. ومع ذلك، ما بداتش مليح، لاقيباش خسرت لماتش لوَل كونتر كوتي فوار بثلاث أهداف مقابل لا شيء ، مي ردت بلخف على بلاد وحدوخرة، وربحو بأربع أهداف مقابل لا شيء كونتر أوغندا بفضل ثلاثية تاريخية لحسان لالماس. لماتش تالي تاع الديوك لعب في 16 جانفي 1968 كونتر إثيوبيا، البلاد المنظمة لهاذ النهائيات لكأس الأمم الأفريقية. الجزاير تخسر هاذ الماتش بثلاث أهداف مقابل واحد ، وطيح من التور اللول من هاذ المسابقة. مع ثلاث نقاط في ثلاث مباريات اللي لعبت في ربع ايام، والمنتخب الجزايري خرج في حالة مليحة للمشاركة اللولة في المسابقة القارية العليا. و في نفس العام، الجزاير تشارك للمرة اللول في التصفيات المؤهلة لكأس العالم طبعة 1970، بعد ما علنو المقاعد الاساسية للمنتخبات الأفريقية في طبعة 1966. مي محاربي الصحراء فشلو في التأهل ضد تونس بعد ما دارو النيل صفر لصفر في تونس، ولكن خسرو في بلادهم بهدفين لواحد.

في عام 1969، الجزاير نجحت في التخلص من المغرب آلي روتور مي فشلو في التور المقبل ضد بطل افريقيا مرتين في ذاك الوقت، لي كان هو مصر، في التأهل للمرحلة النهائية الثانية لكأس الأمم الأفريقية للبالو، كانت هاذي فترة جفاف طويلة للتشكيلة الجزايرة، لاقيباش ما شاركتش في أي مسابقة رسمية لكبار السن خلال أعوام 1970. في عام 1972، المنتخب الجزايري مالعبش غير دو ماتش محسوبين للتصفيات المؤهلة لكأس الأمم الأفريقية للبالو في عام 1972، وعلى جال البيت لي ماركاتو المروك في دزاير، لجزاير رايحة تكون خاصة للمرة الزاوجة على التوالي للمشاركة في كأس الأمم الأفريقية ، بويسك خسرو بثلاث أهداف لصفر في المروك . في العام لي موراه، غلبت الجزاير مرة واحدة برك من خمسة لي ماتش ، بويسك دارت تروا ماتش نيل كونتر ليبيا، ماطا و مالي، وخسرت ضد مالي. ومديبي تاع لعام 1972، لمنتخب لجزايري شارك في الطبعة اللولة من كاس فلسطين، جا زاوَج فلمجموعة ورا سوريا، بعد ثلاث انتصارات و خسارة وحدة في دور المجموعات ، مي يقصوها منصف النهائي ضد العراق، وتغلب ماتش تحديد المركز الثالث ضد سوريا، ومنها، يطلع لمنصة التتويج فلمسابقة، و راه رايح يلعب تصفيات كاس العالم للبالو 1974 ضد غينيا، بصح يقصوه مالغري غلب بفارق طفيف في دزاير بهدف لصفر، بويسك خسر بخمس اهداف لواحد في ماتش الروتور في غينيا.

مورا الغلبة، النيل و الخسارة، لجزاير طاحت بلخف من الالعاب الافريقية عام 1973 في مرحلة المجموعات. لجزاير رايحة تنافس فان في نفس العام كاس فلسطين و يكملو فل مركز الثالث. مي الحدث المسجل في هاذ العام هو يوم 17 اوت 1973، في ليبيا، لجزاير سجلت أكبر فوز في تاريخها كونتر جنوب اليمن، بنتيجة خمستاعش بيت لواحد بسداسية نصرالدين عكلي. في عام 1974، محاربي الصحرا لعبو غير رَبع مباريات ودية برك، على جال كي ما يشاركوش بي في كاس العالم للبالو 1974 ني في كاس امم افريقيا للبالو عام 1974.

جينارسيون ذهبية (1975-1990)

في لعام لي موراه، لمنتخب لجزايري ملعب حتى ماتش، وهو حاجة بيزار لمنتخب اول وهذا يرجع لحقيقة أنو لجزاير كانت توجد في روحها باش تنظم واحد من اكبر اتجمعات ارياضية لإقليمية وهي ألعاب لبحر لبيض لمتوسط لنسختها اسابعة، ومن بعد لحماسة اشعبية تحولت للمنتخب لأولمبي لي كان يقودو لاعب سابق في ليكيپ تاع جبهة اتحريررشيد مخلوفي لي اونترينا  لجزائر في لافينال كونتر  فرنسا، وي لمنتخب لجزايري قهر فرنسا وغلبها 3-2 وداو الكاس، ومن بعد هذا السيكسي لي دارو رجع لمدرب نتاع لمنتخب لول للخضر ،هذا الماتش كان فرصة للسلطات لجزايرية باه تخرج من لقوقعة نتاع لقوة لاستعمارية اسابقة، والرايس في هذيك لفترة هواري بومدين (الله يرحمو ) كان ڨال بلي رايحين نكوپيو اتيليفيزيو اذا غلبت فرنسا باش منسمعوش لمارسياز، وبعد هذا لعب لمنتخب لجزايري تاع لبالو ماتش اميكال كونتر شيفيلد يونايتد (ايكيپ من لانڨليز )لي تلعب في وهرن و كمل الماتش 2-1 في هذا الماتش لي سيپورتار تاع دزاير غناو لاول مرة غنية وان تو ثري فيفا لالجير لي ولات من بعد نشيد وطني للمنتخب لجزايري و كان هاد ارمز تاني رمز للرد على رمز المراركة ان دو طروا فيف لو روا كان هاد ارد من لجزايريين بسبب ازمة اصحرا لغربية ،في عام 1976 بدا لمنتخب لجزايري لمنافسة بطريقة مليحة ،فالحقيقة ،كانت مجموعة لمنتخب تتكون من شبان خرجو غالبين في العاب لبحر لبيض لمتوسط عام 1975,بصح فالماتش التالي فالعام هذاك في 21 افريل 1976,في مدينة كوتبوي في جمهورية نتاع لالمان الديمقراطية ،لجزاير خسرة لخسارة لكبيرة في تاريخها كونتر ليكيپ نتاع جمهورية لالمان الديمقراطية بنتيجة خمس بيات لصفر ،بصح من مورا ما خرجت ليبيا من الپرومي تور لجزاير خسرت كونتر تونس وماكليفاتش لكاس العالم,وفالعام هذاك كان عام فاشل لكامل الرياضيين الجزايريين في كامل الرياضات ، وكامل الفرق لي كانت مشاركة فالمنافسات خسرت بسبة نقص لهياكل ،كامل هذا لاهتمام بالرياضة لجزايرية كان بسبب لكتلة لجزايرية لي كانت وحدة من لي پرانسيپ نتاع لاشتراكية ،وبسبة هواية الرياضة لجزايرية ،وبالزيادة على هذا كانت اول مرة يعزف فيها النشيد لوطني لجزايري بعد لاستقلال و كان هذا ڨدام الرايس نتاع الجمهورية وكان هذا في لافينال نتاع لاكوپ لي كانت بين الجياسكا شبيبة القبائل و نصر حسين داي الناد،الرايس لي كان في هذيك الفترة هو هواري بومدين الله يرحمو لي قرر انو يطبق لاصلاح الرياضي باش يقدم لي زيكيپ الاولى نتاع دزاير للجمعية لوطنية ،وكانت هاذي لي زيكيپ لي زادوها تمد لمنتخب لجزايري بلعابين جدد. في عام 1978,لمنتخب لجزايري ملعب حتى ماتش و خلى ليسپاس للمنتخب الاولمپي لي شارك فالالعاب الافريقية 1978,لي غلب فيها لمنتخب لاولمپي لي كان مسير بالطاقم الفني نتاع لمنتخب لاول لي غلب منتخب نيجيريا بهدف لصفر . في عام 1979,لمنتخب لجزايري لعب ماتش واحد كونتر بولونيا ،بعد هذا ،النص لكبير من لاعبي نتاع لمنتخب راحو يلعبو مع لمنتخب لاولمپي في العاب لبحر لبيض لمتوسط في1979 بصح مقدروش يحافظو على اللقب نتاعهم و خسرو في الدومي فينال كونتر يوغوسلافيا .

مقال مفصل على لمنتخب لجزايري نتاع البالو في لاكوپ دافريك فعام 1980

لجزاير في هاذي النسخة نتاع الكان كانت تأهلت لاول مرة من عام 1968.بعدما دارت النيل مع غانا زيرو زيرو ،و غلبت المروك آن أ زيرو وزادت غلبة غينيا طروا بيت آ دو (3-2).من مورا هذا و في الدومي فينال تلاقت مع مصر و غلبتها بلي پيناتي و من بعد في لافينال تلاقات مع نيجيريا و غلبتها و كان ومازال هاذ الاداء هو ثان افضل لعب لعبو لمنتخب لجزايري نتاع البالو في لاكوپ دافريك الى حد الان .

تقرير مفصل على لمنتخب لجزايري نتاع البالو فالالعاب الاولمپية في 1980

في نفس العام لجزاير شاركت في اولى الالعاب الاولمپية , وهاد لمرة فان خرجو من لمنافسة ڨدام يوغوسلافيا بصح فالدور الربع نهائي بعدما كانو تاهلو من دور لمجموعات بخمس نقاط من مجموعة كانت تضم جمهورية المانيا الديمقراطية ،سوريا و سپانيا .

تقرير مفصل للفريق لجزايري نتاع البالو في كاس افريقيا للامم في 1982

في العام لي قبلو في عام 1981, كانت لجزاير تاهلت تاهلت للنهائيات بسهولة لنسخة كاس افريقيا 1982 بعدما غلبت منتخب پوركينا فاسو بسبع بيات مقابل زيرو . لجزاير بدات عام 1982 بكاس افريقيا للامم و كاليفات للدومي فينال بعدما خرجت من لمجموعة لي كانت فيها بالعلامة الكاملة تسع نقاط من اصل تسعة.بصح بعدما كاليفات لدومي فينال تلاقات مع غانا وين راح الماتش هذاك للوقت الاضافي و خسرة لجزاير لماتش هذاك و زادت من موراها خسرت مباراة تحديد المركز الثالث كونطر زامبيا وبقات لجزاير فالمركز الرابع.

تقرير مفصل عن مشاركة لفريق لجزايري نتاع لبالو في كاس لعالم 1982

نبداو بالتشكيلة لي شاركت فالمباراة التاريخية كونطر المانيا الغربية لي غلب فيها لمنتخب لجزاير المانيا لغربية بسكور دو بيت مقابل بيت واحد . التشكيلة : جمال زيدان ،رابح ماجر،شعبان مرزقان،وقائد لفريق علي فرڨاني، صالح عصاد ،ولحارس مهدي اسرباح،نوردين قريشي،فوزي منصوري،لخضر بلومي ،محمود ڨندوز،ولعاب لكبير مصطفى دحلب .

بعدما شاركت لجزاير في نهائي كاس افريقيا للامم 1980,تاهلت لكاس لعالم 1982بعدما غلبت سيراليون،السودان،النيجر و نيجيريا وهذا خلى لجزاير تشارك في نسخة كاس لعالم 1982للمرة لاولى في تاريخها. من بين اللعابين لي اهلو لجزاير لكاس لعالم لاول مرة في تاريخها رابح ماجر ،مصطفى دحلب ،صالح عصاد و المتالق في هذيك الفترة لخضر بلومي لي كان هو صاحب لبالون دور نتاع لافريك في عام 1981.

في هاذي الدورة لي كانت في سپانيا كانت اول دورة يشارك فيها لمنتخب لجزايري نتاع لبالو في كاس لعالم بدات لمنافسات و لفريق لجزايري نتاع لبالو لعب اول ماتش ليه في كاس لعالم لي كان كونطر لالمان لغرببة قبل ما يبدى لماتش كامل لي كانو رايحين يتفرجو لهاد لماتش كانو يقولو بيلي لالمان لغربية رايحة تغلب لجزاير بنتيجة كبيرة ،بصح كي كمل لماتش كانت الريزيلطا لصالح لمنتخب لجزايري بهدفين لهدف ،من بعد هاذ الماتش لجزاير لعبت لماتش الزاوج كونطر لمجر وين خسرت بدو بيت مقابل زيرو ،فالماتش الثالث لي كان ماتش صعيب بزاف كونطر تشيلي غلبت لجزاير بصعوبة منتخب تشيلي بثلث بيات مقابل دو بيت ،بصح كامل هذا التعب نتاع لمنتخب لجزايري راح بلاش بسبة ماتش لالمان لغربية كونطر لمجر لي تسمى ماتش لعار بسبة لمؤامرة لي لعبوها هاد لي دو زيكپ وهي انو لمجر تخلي لالمان تغلب بنتيجة هدف مقابل زيرو و هذا لي سرى في هاد لماتش بعد عشر دقايق لعب اللعاب نتاع لالمان لغربية هروبزش ماركا لبيت لاول و لمجر مادارت حتى فرصة باش تماركي و لا تهاجم و خلاص ماتش لعار بنتيجة هدف مقابل زيرو وتاهل لمنتخبان نتاع لوروپ مع بعض ،بعد هاد لماتش لجماهير كامل لي شافت ماتش لعار خاب ضنها و كرهت لمنتخب نتاع لالمان لغربية ومنتخب لمجر وكامل ناس لي شافت لماتش نتاقدت لعابين نتاع لمنتخبين في زوج حتى الشعب نتاع لالمان لغربية انتقد لمنتخب نتاعو و لمجلة نتاع لالمان لغربية كيكر سپورت كتبت في الصحف نتاوعها بلي منقدروش نعطو اي نجمة لاي لعاب من لعابين نتاع لمنتخب لانهم ملعبوش ماتش كونطر لمجر في خيخون،وبعد ماتش لعار هاذا لفيفا قررت باش يتلعبوا كامل لي ماتش التوالا نتاع لپرومي تور في نهار واحد و في ساعة وحدة باش يتفاداو الطرافيك في لي ماتش و يتفاداو التلاعب بنتائج نتاع لي ماتش.