Wp/arq/تشينا
فاكهة التشينا[edit | edit source]
التشينا هي نوع من الحمضيات هي فاكية تنتجها شجرة البرتقال اللي هوما اشجار لانواع مختلفة للعايلة تاع السذابياتاو الاشجار الهجينة لهاذا النوع .كاين انواع بزاف منها من بينها اللي جات فالاصل مالنوع تاع الحمضيات الصينية كيما دم السبع والتشينا المرة اللي تنتجها شجرة الرنج هاذي الفاكية تنتكل ومشهورة بزاف بانها غنية بالفيتامين سي .مع انو هاذي الفاكية ما تتقارنش بزاف معا انواع وحداخرى للفاكية والحمضيات بصح هي لفاكية رابعة لي كاين منها بزاف فالعالم.
علم النبات[edit | edit source]
وصفها[edit | edit source]
التشينا هي فاكية[1][2][3][4] تتاكل[5][6] تاع شجرة البرتقال وكيما اسمها
يبينها, لونها تشيني , عندها قشرة خشينة ومهيجة بزاف , تتقسم على شكل ابراج كيما قريبتها المنادارين .التشينا فاكية فيها بزاف لعصير ,حلوة و تنشط و فيها فيتامين سي ,نستعملو هاذي الفاكية باش نصنعو شلاظة الفاكية ,لمعجون ونقدرو تاني نشربو لعصير ديالها .التشينا دم السبع خدات الاسم ديالها ماللون لحمر اللي يغطي كامل ولا جزء ماللحم الدخلاني ديالها هاذا اللون يدوم بوجود الانتوسيانين بحيث انو يبدا التركيب ديالو يبدا عند بعض الانواع كي تمسها موجة تاع برد قاسية .الانتوسيانين اصلو زرق لاكنو يتحول حمر لما يتاحد معا لحموضة تاع التشينا.
نواعها[edit | edit source]
تدخل التشينا معا مجموعة الحمضيات كيما لقارس و البيرغاموت والبابلموس .كيما كاينا انواع بزاف لتشينا من بيناتها :
- رنج[7]
- جافا وحدة ملنواع تاع التشينا لمهمة اللي يتم انتاجها فالشرق الاوسط خصوصي في اسرائيل و في بزاف ملمناطق لي باقية في فلسطين
- مورو دم سبع
- التشينا تاع لمالتاز[8] اللي نصها دم سبع و نصها مالتاز بيض
- التشينا تاع نافال وتاني كاين واشنطن نافال و بنتها بعد التحوال لعفوي واسمها نافال لايت اللي مشهورة بزاف بدوقها[9]
- دم سبع
- تشينة لبرتغال
- فالونس
- سالوستيان فيها بزاف عصير 60%وجي بلا علفة نتحصلو عليها بعدما تتحول لحمضيات اصينية عفويا. نلقاوها فمنطقة بيموسلن كاستيو دولا بلانا في
- فالونسيان
- اومبار سويت ( حلوة لجذوة)
- التشينا الشتوية ولا التشينا رافاييلا
- تاروكو , نصها دم سبع
- فالونسيا لايت مع 55% عصير.
حكايتها[edit | edit source]
التشينا ولا تاني يقولولها لحمضيات الصينية اصلها مالصين ,هاذي لفاكية تخترق زوج طرق كبار فاوروبا . طريق لبحر لبيض لمتوسط اللي تم غرسها فعهد لحروب صليبية (لقرن 11 و لقرن 13 ) بالتشينا لمرة والرنج ,واللي عطاوها لفرس للعرب، هاذي لفاكية انغرست فالاندلس صقلية و الدول لبلنسية وين انتاشرت في لمناطق لي باقيين تاع اوروبا .من جهة وحداخرة ومعا نهاية لقرن 15 ,لملاحين لبرتغاليين كتاشفو التشينا لحلوة فصين وتاني فجزيرة [[ سيلان]] وداوها لاوروبا[10] الشهرة ديالها قضات على التشينا لمرة. حتى النص اللول تاع لقرن 13 التشينا كانت لفاكية تاع لجودة و تاع الطبع حتى انهم كانو فاغلب الاحيان يقدموها هدية تاع النويل و سان نيكولاس في (هولاندا) للولاد الصغار الزراعة ديالها فلقواط بقات لمدة طويلة رمز للقوة عند صحاب لجاه الشي اللي خلاهم يصنعولها بنيان خاص غير بيها واللي يسموه مشتلة التشينا.
اصل لاسم ديالها[edit | edit source]
[[لاسم لمؤنث[11][12][13][14] ارنج يتنطق (اورونج) اسم جا من عند لايطاليين ملاسم لايطالي ارونسيو[15] اصل هاذي لكلمة عند لعرب نارانجا هاذا لاسم نفسو راح عند لفرس، نارانجا بلمعنا نفسو وعلا حساب لقاموس لفرانساوي اللي اسمو الذهب تاع اللغة لفرنساوية لمحوسبة لاسم اللول للفاكية تاع التشينا اللي ظهر هو اصلو انجلو-نورموندي بوم اورنج اللي لقاوه فلكتاب تاع التعليقات اللي يسموه النشيد تاع لاناشيد تاع الكسندر نيكام فعام 1200 هاذي لكلمة فلفرنساوية لقديمة ظهر في كتاب لجراحة تاع هنري دومونديفي فعام 1314 ممبعد ظهرت كلمة اورونج وحدها بلا كلمة بوم فكتاب فرنساوي اسمو لمدبر تاع باليس اللي خرج فعام 1393 .لكلمة لفرانساوية لقديمة بوم اورونج ولات كلمة مطابقة للكلمة الطاليانية لقديمة ميلارونسيو عند لعرب كلمة نارنج اصلها نارنجا فلغة لكاستيو و تاني ارانجيفلغة لبروفستال و بعد ما بقات هاذي لفاكية مدة طويلة فمدينة غون وصلت لمدينة لورونج اللي عطاوها اللاتينيين اسم اغوزيو اللي عطات بدورها اسم اورنجو فلغة لبروفستال واورونج بلفرانساوية .هاذي لفاكية بدات تتوزع انطلاقا ملمينا النهري تاع هاذي لمدينة وين ولا اسمها بوم اورونج وممبعد اورونج و ربما بقا اسمها بين اورونج و ارانجا.[16]
قتصادها[edit | edit source]
الانتاج تاع التشينا[edit | edit source]
الربحة اللي حققها لانتاج تاع التشينا تمثل رقم عالمي وين قدر يلحق حتى زوج ملاير دولار امريكي للمنتجين تاع هاذي لفاكية , لمنتجين اللوالا فلعالم تاع التشينا هوما لبرازيل و لماريكان خصوصي في فلوريدا و باش يقدرو يستهلكو هاذي لفاكية فكامل لشهور تاع لعام و علا هادا فكرو باش يغرسو نوع منها فغير وقتها هاذا لانتاج فلمناطق السخونة قلل ملعدد لاراضي تاع لانتاج فجزء ملمناطق كيما شيلي لاوروغواي جنوب افريقيا و زيلاندا لجديدة . لبيعة فالصيف معروفة بضيق لعرض لميثال تاع لاوروغواي هنايا راهو محدد .لانو فيامات لاستقلال تاع لجازاير , مجموعة ملمنتجين لفرنساويين تاع التشينا قرو باش يهاجرو للاوروغواي باش يعاودو يغرسوها ويديرو محاصيلهم الزراعية لخاصة بهاذي لفاكية و بعد ما بقاو مدة من غير استقرار هاذو لمزارعين لفرانساويين اكتاشفو سوق محلي واللي لقاو فيه صعوبات خاطرش التصدير للمناطق لبعيدة لازم، بصح يحتاج لتنظيم كبير فكامل لماجالات : تعيارات ,شروط لانتاج , مواد لانتاج ,و وسائل النقل لبرية و لبحرية . في 1972 مساعدات اقتصادية تبرمجت فلمخطط اللي يسموه سيتخيكو لاشتراكي فدول لمجاورة تاع مصب واد بلاتا , لاوروغواي و لارجنتين وحطو لعالامة ديالهم حتا 1992 . نويفا بالميكا فلاوروغواي نتجت التشينا و كومبانا فلارجونتين نتجت لقارس هاذو لمدن في زوج ولاو اقطاب فالزراعة و التصدير تاع لحمضيات بحيث انهم وفرو : وزينات خاصين غير باش ينظفو و يعيرو ويخيرو لمحصول تاع التشينا و ممبعد يحملو لمنتوج فالشاحنات لمبردة اللي تنقل هاذي لفاكية فلبابورات تاع السلعة فاللوح ولا فالكرطون .لاماكن تاع التوزيع تعالج معا لعالامات توزيعات كبيرة . اللي يبقا من هاذي لفاكية بعدما يعيروها و يخيروها يستعملوه لتحلية ولا تاني باش يصنعو شلاظة تاع لفاكية. وهاذا لجدول فيه اهم لانتاجات بمالايين لاطنان في 2013.
| الدول | لانتاج | % فلعالم | |
|---|---|---|---|
| 1 | لبرازيل | 17,550 | 24,25% |
| 2 | لماريكان | 7,589 | 10,6% |
| 3 | الصين | 7,305 | 10,2% |
| 4 | لهند | 6,426 | 9% |
| 5 | لميكسيك | 4,410 | 6,2% |
| 6 | ليسبان | 3,394 | 4,7% |
| 7 | مصر | 2,886 | 4% |
| 8 | تركيا | 1,781 | 2,5% |
| 9 | الطاليان | 1,708 | 2,5% |
| 10 | جنوب افريقيا | 1,672 | 2,3% |
| 11 | لباكيستان | 1,505 | 2,1% |
| 12 | اندونيسيا | 1,411 | 2% |
| 13 | ليران | 1,192 | 1,7% |
| 14 | لارجونتين | 0,900 | 1,3% |
| 15 | لجازاير | 0,891 | 1,2% |
| لمجموع | 71,580 | 100% |
ستهلاكها[edit | edit source]
كانت التشينا تاع النويل في عهد الزمان لجميل لبورجوازي ولا تاني بين لحربين خصوصي بلخدامين اللي يخدمو فديار وبلفلاحين في فرنسا التفاح هو لفاكية لمستهلكة بزاف و تدي نسبة (22% فالسوق في 2010) سابقة التشينا اللي خدات(12,3%) مالسوق ولبانان اللي خدا (12,2%).[17]
ستعمالها[edit | edit source]
هاذي لفاكية تنتكل طازجة بصح نقدرو تاني نستعملوها فوصفات بزاف باش نديرو لعصير تاع التشينا اللي يمثل (54% فسوق لعصير تاع لفاكهة ) و تاني نقدرو نصنعو بيها لمعجون ,لحلوة, كيما تاني نقدرو نصنعو بيها بعض لمشروبات لكحولية ولا لبط تاع التشينا.
شوية تاع معلومات غدائية عليها[edit | edit source]
| لقيمة لغدائية ل 100g | |||
|---|---|---|---|
| لما 86,75g | كمية لرماد 0,44g | لالياف 2,4g | لقيمة تاع الطاقة 47Kcal |
| غلوسيد 11,75g | السكر لبسيط 9,35g | لبروتين 940 mg | الليبيدات 120 mg |
| لعناصر الصغيرة | |||
| لبوتاسيوم 181 mg | لكالسيوم 40 mg | لفوسفور mg14 | لمغنزيوم10mg |
| لحديد 100 µg | الزنك 70 µg | النحاس 45 µg | الصوديوم 0 mg |
| لفيتامينات | |||
| لفيتامين سي 53,2 mg | لفيتامين بي1 87 µg | لفيتامين بي 2 40 µg | لفيتامين بي 3 282 µg |
| لفيتامين بي 5 250 µg | لفيتامين بي 6 60 µg | لفيتامين بي 9 0 µg | لفيتامين بي 12 0 µg |
| لفيتامين ا 225UI | الريتينول 0 µg | لفيتامين او 0,18 µg | لفيتامين كا 0 µg |
| لاحماض الدهنية | |||
| لمشبعة 15 mg | لاحادية غير لمشبعة 23 mg | لمركبة غير لمشبعة 25 mg | لكوليسترول 0 mg |
لقشور لمبشورين و لمعجون ولا لكمبوت كي نعملوه معا لقشور تاع التشينا و تتخلط معا لمواد اللي تكون مليحة للنبات يقدرو يعطونا كمية كبيرة مرواسب تاع لموبيدات لحشرية.[18] لقشرة اللي تهاجمها لفطريات ولا لقشرة اللي تتعفن (لعفن اللي يجي دايما لونو زرق) قادر يكون فيها بزاف سموم فطرية .
من خصوصيات التشينا[edit | edit source]
علا حساب وحد الدراسة دارها لانسان علا التشينا بينت انو ريحة تاع الزيت تاع التشينا اللي تنتشر فالهوا[19] قادرة تنقص ملقلق . لقشرة لبرانية تاع التشينا و تاني تاع لقارس وتاع لبابلوموس قادرة تحرر من قوة الضغط عليها ولا ملحك جزيات تاع لفوروكومارين : اللي ينتج كي تتعرض لقشرة تاع التشينا لشمس دايما وبقوة الشي اللي يخليها تحمار بزاف وتتحك و الي هوما نفسهم يشكلو لاجزاء تاع لكومارين وهاذا هو الشي اللي يعطي الريحة تاع زيت التشينا و اللي تخلينا نحسو بالراحة.[20]
تفاح لعمبر[edit | edit source]
التشينا ولا اي نوع ملحمضيات نغرزوها بلحبات تاع لقروفل ونطلوها بلغبرة تاع التوابل هي النسخة النباتية للصيغة اللي تنصنع بلحديد لغالي لمنحوت نلقاو فيها لعمبر ,النبات الثومي ولا لمسك و نسموها "تفاح الريحة",[21] "تفاح لعمبر",[22] لبوموندي,[23] لبوموندغ[24] ولا تاني لبمندغ[25] محمول في كيس معلق فلعنق كانو فلعصر لوسيط يراقبوها ويحموها ملالتهاب و في هاذو ليامات راهم يحطوها تاني فوق لقش تاع الدار باش يزينو بيها وتاني تعطر الدار، ولا تاني يديروها فلمرايات هكا باش تحمي النابخاوات ملعثة.
فالتقويم لجمهوري[edit | edit source]
فالتاريخ لخاص بالشعب لاسم تاع التشينا هو لاسم اللي خيرو الشعب فيوم 24 من شهر برومير.[26]
المراجع[edit | edit source]
- ↑ https://fr.wikipedia.org/wiki/Orange_(fruit)#cite_ref-Acad.C3.A9mie_1-0
- ↑ a, b, c, d, e, f, g et h Entrée « Orange » [archive] dans le Dictionnaire de l'Académie française, sur le site du Centre national de ressources textuelles et lexicales [consulté le 25 novembre 2016].
- ↑ ↑ a et b Entrée « orange » [archive], dans Émile Littré, Dictionnaire de la langue française, t. 3 : I – P, Paris, Hachette, 1874, 1396 p., gr. in-4o (notice BnF no FRBNF30824717, lire en ligne [archive] [fac-similé]), p. 847 (fac-similé [archive]) [consulté le 25 novembre 2016].
- ↑ ↑ a, b, c et d Entrée « orange » [archive], sur Dictionnaires de français [en ligne], Larousse [consulté le 24 novembre 2016].
- ↑ a, b, c, d, e, f, g, h et i Définitions lexicographiques [archive] et étymologiques [archive] d'« orange » (sens I, B, 1) du Trésor de la langue française informatisé, sur le site du Centre national de ressources textuelles et lexicales [consulté le 25 novembre 2016].
- ↑ a, b, c et d Entrée « orange » [archive], sur Dictionnaires de français [en ligne], Larousse [consulté le 24 novembre 2016].
- ↑ https://fr.wikipedia.org/wiki/Orange_(fruit)#cite_ref-5
- ↑ https://fr.wikipedia.org/wiki/Orange_(fruit)#cite_ref-6
- ↑ https://fr.wikipedia.org/wiki/Orange_(fruit)#cite_ref-7
- ↑ Alain Blondy, Louis Savoye, Joseph Nicholas Savoye, Le commerce des oranges entre Malte et la France au XVIIIe siècle, Éditions Bouchene, 2003, p. 13.
- ↑ ↑ a, b, c, d, e, f, g et h Entrée « Orange » [archive] dans le Dictionnaire de l'Académie française, sur le site du Centre national de ressources textuelles et lexicales [consulté le 25 novembre 2016].
- ↑ ↑ a, b, c, d, e, f, g, h et i Définitions lexicographiques [archive] et étymologiques [archive] d'« orange » (sens I, B, 1) du Trésor de la langue française informatisé, sur le site du Centre national de ressources textuelles et lexicales [consulté le 25 novembre 2016].
- ↑ ↑ a et b Entrée « orange » [archive], dans Émile Littré, Dictionnaire de la langue française, t. 3 : I – P, Paris, Hachette, 1874, 1396 p., gr. in-4o (notice BnF no FRBNF30824717, lire en ligne [archive] [fac-similé]), p. 847 (fac-similé [archive]) [consulté le 25 novembre 2016].
- ↑ ↑ a, b, c et d Entrée « orange » [archive], sur Dictionnaires de français [en ligne], Larousse [consulté le 24 novembre 2016].
- ↑ ↑ a, b, c, d, e, f, g et h Entrée « Orange » [archive] dans le Dictionnaire de l'Académie française, sur le site du Centre national de ressources textuelles et lexicales [consulté le 25 novembre 2016].
- ↑ ↑ Le provençal pour les nuls, 2011, p. 76.
- ↑ Jean-Paul Frétillet, « les petits secrets des pommes », Magazine Ça m'intéresse n° 356, octobre 2010, p. 88
- ↑ Roger F. Albach, Bruce J. Lime, Pesticide residue reduction by the process of preparing whole orange puree ; J. Agric. Food Chem., 1976, 24 (6), pp 1217–1220 DOI: 10.1021/jf60208a025 Publication Date: November 1976
- ↑ (en) Lehrner J, Eckersberger C, Walla P, Pötsch G, Deecke L. Ambient odor of orange in a dental office reduces anxiety and improves mood in female patients. Physiol Behav. 2000 Oct 1-15;71(1-2):83-6. PMID 11134689 [archive]
- ↑ Notons que les diverses coumarines du foin ont un effet décontractant et reposant similaire, connu depuis des temps immémoriaux. Les éleveurs paysans après les harassants travaux de fenaison, s'assoupissaient facilement, s'étalant sur une couverture placée sur le foin entassé dans la quiétude du labeur accompli.
- ↑ De la « pomme de senteur » à la « pomme d'ambre », p. 83 [archive] Le Parfum et la chair, Annick Le Guérer, in Odeurs, Isabelle Balsamo (dir), Terrain : carnets du patrimoine ethnologique n° 47, Paris, Éditions MSH, 2006, 164 p. (ISBN 9782735111305)
- ↑ (en) De la pomme d'ambre à la pomandre p. 44 [archive] Tudor costume and fashion, Herbert Norris, Courier Dover Publications, 1997, 832 p. (ISBN 9780486298450)
- ↑ Le pomander à la renaissance, pp. 107-108 [archive] Le parfum des origines à nos jours, Annick Le Guérer, Paris, Odile Jacob, 2005, 406 p. (ISBN 9782738116703)
- ↑ La pomandre dans les chapelets et autres bijoux, pp. 160-162 [archive] Flore au paradis : emblématique et vie religieuse aux xvie et xviie siècles, volume 9, Paulette Choné, Bénédicte Gaulard, Glasgow, Department of French, University of Glasgow, 2004, 230 p. (ISBN 9780852618097)
- ↑ La pommandre de La Guirlande de lauriers, John Skelton, p. 815 [archive] in Patrimoine littéraire européen : anthologie en langue française, volume 6 : Prémices de l'humanisme, 1400-1515, Jean-Claude Polet (dir.), Bruxelles, De Boeck Université, 1995, 940 p. (ISBN 9782804120788)
- ↑ Ph. Fr. Na. Fabre d'Églantine, Rapport fait à la Convention nationale dans la séance du 3 du second mois de la seconde année de la République Française [archive], p. 20