Wp/arq/رشتة
== رشتة == هي طبق شعرية رقيقة يستهٌلكوها ف المغرب العربي و بل خوصوص فل جازاير و تونس و زيد في مغرب[1],[2].وكلمة [/Wp/ arq/رشتة رشتة] بربرية على شكل ترشتة وثاني نصيبوها في تلمسان].[3] وكلمة رشتة ترجع للركت ولا رشت. وثاني ترجع للفرس بريستا,تعني سلك وهي مداري شايعة يخدموها باش يحطوها من عجاجن . رٌشتة هي رمز تاع فن لأكل لجزايري[4] , [5],وفيها زوج نواع رشتة مالحة و رشتة حلوة يديروها فلافراح .وهادي ماكلة يديروها في لعيد صْغير,لعياد دٌينية كيما لميلود ولاٌ عاشورا وثاني فل خطبة,[6] لعراس و لختانة. ورٌشتة لازم دايم يكون معاها مرقة بيضة ويكون فيها لقرفة.ورٌشتة تندار بل,لْحم ولاٌ لجاج,حمص,لفت و كورجات هاذي لمالحة بصح لحلوة نخدمولها تفاية ولي فيها عسل و زبيب حلوة ترك قرفة ونزينوها من لفوق بلحلوة تاع دراجي . و هادي لماكلة يديروها في تونس.
لأصل تاع لأسم
[edit | edit source]هو أسم جا من عند لبربر"بربري";تنخدم بزاف في تلمسان[7],جا لأسم من ركته ولا رشت[8]. الرشتة الحلوة هي طبق ربييمغا تقليدي و جازاير داتو من عندها راهم يديروه صحاب تلمسان و وهران فلخطبة وطهارة وجتى فلعراس[9], [10] .
كيفية تحضير الرشتة فالبيت
[edit | edit source]كاين بزاف ناس ما يقدروش يشرو الرشتة و من الاحسن يخدموها ف دار باش نخدموها نحتاجو عبار سميد رقيق , عبار سميد رطب و ملح و ما يكون بارد ,نحلو لملح فلماء باش نزيدولو سميد وسميمدة ونخلط كامل مقادير معا بعضاها لازم تكون ناشفة مليح ترتاح مدة 10دقايق حتى 15دقيقة. نقسموها 3 كرات و نخلوهم يريحو نص ساعة, من بعد نحلوها بلحلال و الفرينة الولى بلولى ولتالية بالتالية نجيبو المشينة تع البقلاوة نفوتو العجينة فالرقم الول ونزيد نطبقوها ونحلوها ومبعد نحلوها في الرقم2 و مبعدنزيدو نيميرو 3 و مبعد نيميرو 4 وممبعد نيميرو 5 ونيميرو 6 كي نصيبوها طلقت الما نرشو شوية بالفرينة و نديروها فوق قماش مرفود على لارض تنشف مشي تيبس لازم تكون طول تاعها 15سم واذا كانت قل راهي زباقيتي .كي نديرو نعرفو بلي نشفت نخبط يدي عليها اذا لصقت مزالها منشفتش ولا ملصقتش راهي واجدة. و مبعد نبداو نديروها فالجيهة اللي تقطع العجينة شرائط و نسييو ما نديروهاش طويلة باش ما تعييناش ولازم تكون فلرقم 6 تاع رشتة منزيدو ما نقصو.نخدم عجينة تاعنا ونحطها في طبسي نديرو فيه زيت وفرينة ونقلب بلطبسي ، نديرو الطنيجرة تغلي و نحطو الكسكاس ونفوروها ب شوية باش ما تتعجنش حوالي دقيقة ولا زوج كي تفور نحلوها و منخلوهاش معقدة كي نصيبو لون تاعها ذهبي,نرشو بلما ونفتحو بيدينا ومنغفلش عليها خطرة على خطرة نقلبها. اذا حبينا نديروها حلوة نخدمولها تفاية ولي نديرو فيها نغسلو زبيب بلما مليح ونديروه فالمالزهر ونذوب زبدة فلمقلاة ونزيدولها عسل مع رشة قرفة ونزيدو هاذاك زبيب لي كنا درناه فلمازهر.
هو إسم جا من عند لفرس "إسم فارسي" رشتا,معنتها« ولد » ,« fil » .و ظروك راهم يستخدموه باه يهدرو علا لعجاجن.
تنويعات
[edit | edit source]لرٌشته رٌمز تاع زينة لطٌبيخ لدْزيري . بصح هي طبق مغربي راهي شايعة في تلمسان و وهران .
تونس
[edit | edit source]هي ماكلة يديروها بزاف في تونس [11].
مراجع و علامات
[edit | edit source]المراجع
[edit | edit source]- ↑ ↑ Jacques Taïeb, Être juif au Maghreb à la veille de la colonisation, Albin Michel, 2013
- ↑ ↑ Bernard Rosenberger, Société, pouvoir et alimentation. Nourriture et précarité au Maroc précolonial, Alizés, 2001
- ↑ « Pâtes », Liberté, 18 février 2010
- ↑ ↑ Jean-Paul Labourdette et Dominique Auzias, Alger 2012-2013, éd. Petit Futé, Paris, 2012, p. 87 [archive].
- ↑ ↑ a et b « La spéculation mine l'Aïd El Fitr », Le Maghreb, 13 septembre 2010 [archive].
- ↑ Mohand Akli Haddadou, « Parlez-vous l'algérien ? », InfoSoir, 29 octobre 2004
- ↑ ↑ « Pâtes », Liberté, 18 février 2010 [archive].
- ↑ ↑ Mohand Akli Haddadou, « Parlez-vous l'algérien ? », InfoSoir, 29 octobre 2004 [archive].
- ↑ ↑ Abed Meghit, « Les préparatifs de la fête de l'Achoura ont commencé », La Nouvelle République [archive],
- ↑ ↑ Yasmina Cherrad-Benchefra, Valéry Debov, Yacine Derradji, Dalila Smaali-Dekdouk et Ambroise Queffélec, Le Français en Algérie. Lexique et dynamique des langues [archive]
- ↑ ↑ Moktar Lamari et Hildegard Schürings, Forces féminines et dynamiques rurales en Tunisie. Contributions socio-économiques et espoirs des jeunes filles du monde rural, Paris, Éditions L'Harmattan, 2000, p. 158 [archive].