Wp/arq/السنسلة
السنسلة هيّا حكاية صغيرة، كتبها كي دو موباسون خرجت عام 1884.
تاريخ تعها[edit | edit source]
لابارور، الّي معنتها السنسلة بل جازايريّة، بانت الخطرة اللولة فل جرنان اليوماني لو قولوا في 17 فيفري 1884، قبل ما تنحطّ فل مدوان حكايت` النهار و الليل ف 1885. بانت 3 سنين مورا ما الفرنسيس كانو سترجعو حريّت` الصحافة، فل الجمهورية الثالثة.
ملخص[edit | edit source]
ماتيلد لوازال هيّ باريزيانية, نامت ب دار و حياة` الترفاه و الحطة, هيّا مرات` واحد خدّام على قدّهُ، يخدم ف وزارة` التربية و التعليم, بغات واحد ما خير مي مالقاتش. وحد النهار، وصلتها دعوة باش تحضر سهرة فلوزارة و باش ما تبيّنش فل حفلة بلّي مرات قلّيل، راحت تسلّفت من عند صحبتها سنسلة تاع ياماند، و هادي صحبتها مرفّهة يسموها مادام فوربستيي. السهرة فيها غير الناس المرفهين الّي بغات داصرهم، كانت دايتها ف روحها و أثّرت على الّي كانو حاضرين. كي دخلت ل` الدار، شافت بلّي ودّرت السنسلة، و شحال و هيّ تحوّس عليها مي مالقاتهاش, و ديك السنسلة غالية بزاف تستقام 36000 فرنك.
حشمت باش تقول ل صحبتها و خيّرت باش تشري واحدوخرا كيما هيّا بصّح معا ما كانش عندها المال، ما صابت غير دير سلفيّة باش توصل ل` السومة هاديك. مور هاد الشي تحتّم عليها حتى رحلت من دارها و تمّاك حسّت ب حياة` الميزيرية. راجلها خدم 2 خدمات و هيّا كان بسّيف عليها تقوم ب`الدار و هاد الشي دام 10 سنين. خسرو حياتهم ب خدمة بلا ترياح باش يرومبورسيو هادي السنسلة تاع ياماند المودّرة، و ف هادو اليامات الكحلية، مادام لوازال تلاقات معا صحبتها مادام فوريستيي "مازالت شابة، مازالت صغيرة" و قالت هادا هوّا الوقت باش نقول لها الصح. منبعد ما سمعت مادام فوريستيي للحكاية تاع ماتيلد, جاوبتها حشمانة " آه ! مسكينة ماتيلد! مي سنسلتّي ماشي تاع صح, تتباع حدّها ب 5 ميات` فرنك...!".
تكييفات[edit | edit source]
في سينما[edit | edit source]
- 1909 : سنسلة تع لمرجان (السنسلة) . فيلم ماريكاني صامت ديفيد تع ارك غريفيث، معا هربرت بريور وماري بيكفورد
- 1915 :سنسلة تع لمرجان . فيلم فرنسي صامت تع لويس فويلاد مع إدوار ماث وكلود ميريل
- 1915 : سنسلة تع لمرجان (السنسلة تع مرجان) فيلم ماريكاني صامت تع ب.ثنهوسر
- 1921 : الحلي (سنسلة تع الماس) فيلم بريطاني صامت تع دينيسون كليفت، معا ميلتون روسمر
- 1925 : سنسلة تع مرجان (يوشوان زانشو)فيلم صيني صامت تع لي زيفان
- 1949 : سنسلة تع الماس (سنسلة تع الماس ) فيلم ماريكاني تع صوبي مارتن
- 1952 : الحلي . فيلم فرنسي تع اندري مايكل في فيلم سكيشز 3 نسا
- 1967 : جوهرة (سميكت) فيلم سويدي تع غوستاف مولندر في فيلم سكيشز ستيمولانتيا
في تلفزيون[edit | edit source]
- 1957 : الحلي فيلم تلفزيوني باخراج ر.رافار (15دقيقة)
- 1961: الحلي حلقة خرجها كارلو ريم كجزء من سلسلة ثلاثة عشر حكايات تع موباسان (26 دقيقة)
- 2007: الحلي الحلقة 2، الموسم 1،خرجها كلود شابرول، كجزء من سلسلة شي موباسان على فرنسا 2 (30 دقيقة)
