Wp/arq/حڨرة ضد النسا

الهراوة ضد المرا و لا ضد النسا هي كلمة نقدرو نڨولوها باه نبينو نسبة الحڨرة اللي يستخدموها ضد المرا سوا بلعاني و لا ماشي بلعاني . و هاذي كيفها كيف جرايم الكره و الحقد خاطرش هاذا النوع من الهراوة يتوشي الكور تع المرا و لا نفسيتها لي قادر تتجرح من موراها و لا تتعقد هامالا تولي محطمة ف ڨع الحالات. و كيما ڨالت الجمعية العامة تع الأمم المتحدة أنو الهراوة تع النسا هي اعتداء ضد المرا و اللي يقدر يضرها ف جسمها و لا يديرلها ضغوطات في حياتها . و كيما تاني بينو ف وحد الإعلان عالمي ضد ڨاع أنواع العنف أنو قادر يتمارس من جهة المرا و لا الراجل كيف كيف و مام الدولة نفسها . في نفس الوقت المنظمات العالمية اللي تحمي الحڨرة ضد النسا خدمت باش تنقص من هاذي الظاهرة و دارت نهار تاع 25 نوفمبر من كل عام نهار عالمي باش يكملو مع الحڨرة و الهراوة تع النسا. الحڨرة ضد النساء و البنات ولات بروبلام كبير على خاطر مرا وحدة من أصل ثلاتة في العالم تنضرب و يفورصو عليها صوالح متحبهمش و مهيش قابلتهم ، و الحڨرة معروفة من بزاف جوايه كيما الإغتصاب و الضرب و السب و الراجل لي يضرب مرتو خاطر مجبتلوش طفل جابت طفلة و الطفلة لي تندفن و هي حية و لا العايلة لي تقتل بنتها على جال الشرف و القاصر لي يسيفو عليها الزواج و بزاف ظواهر و اللي الدولة تلعبها مشفتهمش و ما سمعتش بيهم ،و البوليسية و الخدامين لي يظلمو المرا كيما الناس لي تاجر بالكور تاع النسا .