Wp/apc/ويكيبيديا:نقاش المجتمع/لغة

نقاش المجتمع

هون بتقدر تناقش الأفكار و القضايا المطروحة الخاصة بويكيبيديا شامي، و كمان بتقدر تساهم باقتراحاتك و أفكارك بكل حرية. لو سمحت إلتزم بأدب النقاش المتحضر و ما تغلط مع حدا.

اختار واحد من الأقسام حتى تناقش الأفكار المطروحة فيه

سياسات تقنيات إقتراحات لغة منوع

نظام الترقيم (الأرقام)

إقتراح لإستخدم الأرقام العربية (1 2 3 4 5 6 7 8 9 0) بدل الهندية (۰ ۱ ۲ ۳ ٤ ٥ ٦ ٧ ۸ ۹)، نظام الأرقام (1 2 3 ...) مستخدم بشكل أوسع و مدعوم بشكل أوسع بالأجهزة، بالإضافة إنو ما بيعمل لخبطة بترتيب العناوين اللي فيها كلمات و أرقام، و مفهوم لناس أكتر و من لغات تانية كمان.

مع HitomiAkane (talk) 23:58, 26 December 2024 (UTC)[reply]
مع، الأرقام العربية بتنفهم أكتر FunLater (talk) 00:00, 27 December 2024 (UTC)[reply]
مع TheJoyfulTentmaker (talk) 05:21, 27 December 2024 (UTC)[reply]

مش أو مو

تعليق: منقول (مش جاي على بالي) أو (مو جاي على بالي)، الطريقتين مستخدمين، بس بالغالب (مو) هي مستخدمة بشكل أكتر، هل نترك حرية استخدام التنين أو نحدد واحدة؟

منترك الحرية - التنين مَفهومين ب بلاد الشام. FunLater (talk) 17:52, 27 December 2024 (UTC)[reply]
منترك الحرية هيدا الفيديو فيه معلومات زيادة. بعتقد لازم نسمح بالتنين. TheJoyfulTentmaker (talk) 19:06, 27 December 2024 (UTC)[reply]
و أنا مع ترك الحرية بالتنين. HitomiAkane (talk) 19:45, 27 December 2024 (UTC)[reply]

الفتحتين قبل الألف أو عليها

شكرًا أو شكراً. FunLater (talk) 00:11, 30 December 2024 (UTC)[reply]

قبلها – أهين القراية هيك لأن لما الفتحتين ما يكونو عال ألف بكونو أبعد عن الكلمة اللي فوقن. FunLater (talk) 00:11, 30 December 2024 (UTC)[reply]
الموضوع ما في عليه توافق حتى برى مجتمع ويكيبيديا, و يبدو الموضوع مشكلة أجيال، بويكي عربي متروك الخيار لاستخدام الحالتين (ما بعرف وين قريتها بالضبط)، بس، المقالة كلها تتبع أسلوب واحد، بالنسبة لجيلي منقول على لأنو هاد الهدف من الألف المو منطوقة أساسا، لكن أنا مع ترك حرية الخيار و التوحيد بنفس المقالة. HitomiAkane (talk) 01:09, 30 December 2024 (UTC)[reply]

متابعة قواعد ويكيبيديا الإنكليزي لكتابة الأرقام

بقترح استعمال سياسات ويكيبيديا الإنكليزي اللي بتحكي عن كيف لازم نكتب الأرقام ع هيدا الويكي. يعني منكتب الأرقام من الصفر ل التسعة (Integers from zero to nine are spelled out in words.)، و إذا رقم هو أول كلمة بالجملة لازم نكتبه بالأحرف. FunLater (talk) 23:58, 3 January 2025 (UTC)[reply]

مع و على العموم لما تنعمل صفحة ويكيبيديا:توحيد الكتابة/تواريخ و أعداد ممكن نراجعها مرة تانية و نشوف كيف بيصير التوافق عليا.HitomiAkane (talk) 01:55, 4 January 2025 (UTC)[reply]
مع و منقدر نراجعها بعدين TheJoyfulTentmaker (talk) 04:32, 4 January 2025 (UTC)[reply]

"رح" أو "راح"

منكتب «رح روح عال بيات» أو «راح روح عال بيت»؟ FunLater (talk) 14:26, 29 January 2025 (UTC)[reply]

رح - منستعمل "راح" ل نقول «راح عال بيت». FunLater (talk) 14:26, 29 January 2025 (UTC)[reply]
مع استخدام رح لنفرقها عن "راح" متل مثال «راح عال بيت» HitomiAkane (talk) 15:37, 29 January 2025 (UTC)[reply]

"ع أمل" أو "عأمل"؟

منستعمل "ع" أو "عـ" لمّا العين بتعني "على"؟

"ع أمل" - أهين القراية هيك. FunLater (talk) 00:39, 3 March 2025 (UTC)[reply]
مع ع أمل. -- HitomiAkane (talk) 03:46, 3 March 2025 (UTC)[reply]

"روح عال بيت"، "روح عل بيت"، "روح ع البيت"، "روح عالبيت"، إلخ

كيف منكتب العين يللي بتعني على و بعدها "الـ"؟ FunLater (talk) 21:52, 27 March 2025 (UTC)[reply]

روح عل بيت — أهين القراية هيك و مافي ambiguity بين كلمات متل "عل مية" و "عالمية". FunLater (talk) 21:52, 27 March 2025 (UTC)[reply]

عن جد أو عنجد

منستعمل عن جد أو عنجد؟ FunLater (talk) 18:47, 30 April 2025 (UTC)[reply]

عنجد أزبط، لإنو أغلب الناس بتعبرها كلمة وحدة، حتى بسكريبتات المسلسلات بتكون مكتوبة كلمة وحدة عنجد. HitomiAkane (talk) 16:30, 1 May 2025 (UTC)[reply]

عنجد - مستعملة أكتر. --FunLater (talk) 19:54, 30 May 2025 (UTC)[reply]