Wp/apc/ويكيبيديا:صفحة يوزر

noborder

هيدي الصفحة هي صفحة إرشادات بويكيبيديا شامي.

الإرشاد هو معيار مقبول بالعموم، و لازم كل المحررين يتبعو بالاعتماد على الحس السليم، مع العلم إنو الإرشادات ما بتندرج تحت بند السياسات.

صفحات اليوزرات (المستخدمين أو Users) هي صفحات بتنظم الشغل اللي بيعملو اليوزرات ع ويكيبيديا، و كمان للتواصل بين اليوزرات. هالصفحات بشكل أساسي مخصصة للنقاش بين الأشخاص، الإعلانات، التجارب، و المسودات، و إذا اليوزر بدو، ممكن يحط فيها شوي محتوى شخصي أو تعريفي محدود. الصفحات اللي بتكون ضمن نطاق "اليوزر" و "نقاش اليوزر" بتعتبر صفحات يوزر.

هالصفحات متاحة لكل يوزرات ويكيبيديا لأغراض متوافقة مع مشروع ويكيبيديا و مقبولة من المجتمع؛ ويكيبيديا ما بتعتبر مدونة، و لا منصة لاستضافة المواقع، و لا موقع تواصل اجتماعي. سياسات ويكيبيديا اللي بتخص محتوى الصفحات بتنطبق على صفحات اليوزر كمان، و اليوزرات لازم يلتزمو بهالسياسات. إذا كان فيه يوزرات بيتجاوزو هالسياسات، لازم يتم تنبيهون أول شي بصفحة نقاشون باستخدام {{subst:uw-userpage}} طالما ما هضرورة لاتخاذ إجراء فوري.

المصطلحات و أماكن الصفحات

بهالسياق، "صفحتك" معناها الصفحة المرتبطة فيك، مو إنها ملكك.

صفحة اليوزر

صفحة اليوزر تبعك اسمها بيكون بهالشكل: User:Example. (هاد الرابط هو لصفحتك). الاستخدام الطبيعي لهالصفحة هو عرض معلومات أساسية عنك، إذا بتحب، أو عن أنشطتك اللي بتخص ويكيميديا. إذا ما بدك تحط فيها شي، فيك تعيد توجيهها لصفحة نقاش اليوزر تبعك حتى تسهل التواصل مع المحررين التانيين. ممكن كمان تنشئ صفحة يوزر عامة بتظهر بكل مشاريع ويكيميديا اللي ما عندك فيها صفحة يوزر محلية.

صفحة نقاش اليوزر

صفحة نقاش اليوزر تبعك (أحياناً بيختصروها بـ "صفحة النقاش" أو "نقاش اليوزر") اسمها بيكون بهالشكل: User talk:Example. (هاد الرابط هو لصفحتك). الاستخدام الطبيعي لهالصفحة هو استلام رسائل من المحررين التانيين و النقاش معون. الأداة الوحيدة اللي فيك تستخدمها لتحرير صفحات نقاش اليوزر هي "محرر المصدر"، و ما فيك تستخدم "المحرر المرئي".

الصفحات الفرعية

الصفحات الفرعية بمساحة اليوزر ممكن تستخدمها لحفظ ساحات اللعب، المقالات اللي بتشرح عن ويكيبيديا، و مسودات لمقالات ويكيبيديا، و غيرها من الأمور. و إنت فيك تنشئ هالصفحات الفرعية بنفسك.

صفحات اليوزر أو مساحة اليوزر

كل هالصفحات بتعتبر صفحات اليوزر أو مساحة اليوزر تبعك. مع إنك ما "بتمتلكها"، بس حسب العرف، فيك تديرها متل ما بدك، طالما بشكل معقول و ضمن هالإرشادات.

كمان عندك صفحات فرعية بتنتهي بـ .js و .css لحفظ أي سكربتات يوزر أو تخصيصات لمظهر الموقع بتحب تستخدمها وقت بتحرر ويكيبيديا. إنت و الإداريين المختصين بالواجهة بس فيكن تحررو هالصفحات، بس أي حدا بيقدر يشوفها.

فيك تنشئ صفحات فرعية لصفحة اليوزر تبعك و صفحة النقاش تبعك. لإنشاء صفحة فرعية، اكتوب هالجملة بصندوق البحث تبع ويكيبيديا، و بدل "Your_Wikipedia_Name" باسم اليوزر تبعك، بعدين اضغط مفتاح ↵ Enter:

User:Your_Wikipedia_Name/subpage_name

هالشي رح يوديك على صفحة عنوانها User:Your_Wikipedia_Name/subpage_name. هلق اضغط على زر "إنشاء" اللي جنب صندوق البحث بويكيبيديا، و رح يفتح معك محرر الصفحة. اكتوب فيها كم كلمة تجريبية و احفظ الصفحة الجديدة. رح تلاحظ إنو، على عكس صفحة اليوزر تبعك، الصفحة الفرعية بتحتوي على رابط رجوع لصفحة اليوزر تبعك، و بيكون بهالشكل:

<User:Your_Wikipedia_Name

لما تضغط عليه، رح يرجعك لصفحة اليوزر تبعك. بس، عكس المتوقع، ما رح ينعمل تبويب جديد للصفحات الفرعية، متل قائمة بكل الصفحات الفرعية تبعك؛ يعني، صفحة اليوزر تبعك ما بيتغير فيها شي.

إذا ما عرفت كيف ترجعلها، فيك بكل بساطة تضيف اسم الصفحة الفرعية لرابط صفحة اليوزر تبعك بهالشكل:

رابط صفحة اليوزر تبعك:

https://apc.wikipedia.org/wiki/User:Your_Wikipedia_Name

بعد ما تضيف اسم الصفحة الفرعية:

https://apc.wikipedia.org/wiki/User:Your_Wikipedia_Name/subpage_name

فيك تستخدم هالطريقة الأسهل، و هي إنك تضيف هالنص لصفحة اليوزر تبعك، بعدين تحفظ الصفحة:

[[Special:Prefixindex/User:Your_Wikipedia_Name]]

لما تضغط على هالرابط، رح يطلع لك كل الصفحات اللي بتحتوي على "User:Your_Wikipedia_Name"، و اللي رح تشمل ساحة اللعب، صفحة اليوزر، و طبعاW الصفحة الفرعية الجديدة اللي أنشأتها.

إشعار محادثة اليوزر

الإشعار اللي بيظهر لليوزرات المسجلين

اليوزرات بيجيون إشعار لما حدا يعدل صفحة نقاشهم. من تاريخ 30 نيسان 2013، اليوزرات المسجلين بيستلمو إشعار عن طريق نظام الإشعارات الجديد بوكيبيديا (شوف الصورة)، أما اليوزرات المو مسجلين فبيضلو يستلمو الإشعارات عن طريق الشريط البرتقالي القديم.

بالنسبة لليوزرات اللي عم يحررو بدون حساب (اليوزرات المو مسجلين)، الإشعار اللي تحت بينعرض تلقائياً على كل الصفحات لحتى يشوفو صفحة نقاشون. إذا ضغطو على "رسالة جديدة"، بينقلون لأسفل صفحة نقاشهم، و إذا ضغطو على "آخر تعديل"، بيورجيون آخر تعديل صار بصفحة نقاشون. إنشاء إشعار وهمي بيضلل القارئين و بيخليون يفكرو إنون عندون رسائل جديدة ممنوع.

You have a new message (last change).

الروابط Special:MyPage و Special:MyTalk هنن اختصارات بتاخد أي يوزر لصفحته الشخصية وصفحة نقاشه. إذا حدا بده يزور صفحة اليوزر أو صفحة نقاشه (سواء كانت تبعه أو تبع حدا تاني)، لازم يكون في رابط صفحة صحيح (مثلاً: [[User talk:Example]]). بالعادة، اليوزرات بيزورو صفحات اليوزرات وصفحات نقاشهم عن طريق التواقيع بالمناقشات أو الروابط اللي بتكون معروضة بسجل التعديلات والاختلافات بين التعديلات.

تعديلات صفحة نقاشك على قائمة المراقبة

بقائمة مراقبتك، ممكن تحب تبرز التعديلات اللي صايرة على صفحة نقاشك، مشان تقدر تشوفها بالأول، خصوصي إذا كانت مهمة، قبل ما تشوف باقي التعديلات. مشان تميّز كل التعديلات اللي صايرة على صفحة نقاشك، حط هالكود بـ CSS تبعك:

/* تسهيل تمييز التعديلات على صفحة نقاش اليوزر */
li.mw-changeslist-ns3-{{subst:REVISIONUSER}} {
  background-color: #fef6e7;
  border: 1px solid #edab00;
  color: #000;
}

مشان تخلي التمييز مقتصر بس على التعديلات اللي ما شفتها لسا، استعمل هالنص بدل الأول:

/* تسهيل تمييز التعديلات على صفحة نقاش اليوزر بس إذا ما زرتها */
li.mw-changeslist-line-watched.mw-changeslist-ns3-{{subst:REVISIONUSER}} {
  background-color: #fef6e7;
  border: 1px solid #edab00;
  color: #000;
}

إذا كان اسم اليوزر تبعك فيه فراغات، لازم تعدّل مرة تانية و تستبدل الفراغات بشرطات سفلية.

الخيارات المتاحة من صفحات اليوزرات

بالإضافة للمعلومات العادية اللي بتقدر توصلها من أي صفحة مقالة مثل "تاريخ الصفحة"، "ناقش هاالصفحة"، و إلى آخره، اليوزرات اللي بيزورو صفحات اليوزرات أو صفحات نقاشون فيون كمان يضغطو على "مساهمات اليوزر" (بالشريط الجانبي أو بأسفل الصفحة) ليشوفو شو المساهمات اللي عملتها بوكيبيديا مع الوقت، و "السجلات" ليشوفو أحداث تانية متعلقة بتعديلاتك، سواء اللي انت عملتها أو اللي غيرك عملها عليك. (انتبه إنو مسح صفحة اليوزر ما بيمسح أي قائمة بمساهماتك عموماً).

الزوار اللي بيدخلو على صفحتك الشخصية فيهم كمان يضغطو على "إرسال إيميل لهاليوزر" إذا كنت مفعل هالخيار بتفضيلاتك، مشان يرسلولك إيميل. إيميلك رح يضل مخفي إلا إذا قررت انت تكشفو، أو اخترت هالخيار (بالتفضيلات)، أو إذا رديت على الإيميل باستخدام نظام إيميلات براني عن ويكيبيديا.

شو فيك تحط بصفحات اليوزر تبعك؟

ما في استخدام محدد لصفحات اليوزر، بس بالعادة صفحة اليوزر بيكون فيها شي عن الشخص نفسو، و صفحة النقاش بيتم استخدامها للرسائل. طالما باقي اليوزرات فيون يلاقو الصفحات اللي بدون ياها بسهولة، فيك ترتب صفحات اليوزر تبعك متل ما بتحب، ضمن المعقول.

اليوزرات فيون يحطو إشعار صفحة اليوزر بصفحاتون الشخصية، أو صفحات نقاشون، أو الاتنين مع بعض. إذا بتحط القالب {{User page}} بأول صفحة اليوزر، هالشي بيوضح طبيعة الصفحة للزوار، و بيساعد كمان إذا حدا لقى الصفحة المنسوخة بمكان تاني برى ويكيبيديا و بدو يوصل للأصلية.

المساهمات فيك تعطيها رخصة أوسع – مثلاً، فيك تطرحها بالملك العام أو تعطيها أكتر من رخصة – عن طريق حط إشعار بهالموضوع بصفحة اليوزر تبعك، أو بصفحة فرعية تابعة إلها. بس لازم تعرف إنو ما فيك تعطيها رخصة أضيق: كل التعديلات بوكيبيديا، و منها التعديلات بصفحات اليوزر، بتكون مرخصة ضمن رخصة المشاع الإبداعي بالنسب و المشاركة بالمثل، و بأغلب الحالات تحت رخصة جنو للوثائق الحرة كجزء من ويكيبيديا.

صفحات اليوزر ممكن يتم نسخها بمواقع تانية. إذا فيه شي ما بدك يتم نسخو، أو إعادة نشرو، أو استخدامو، لا تحطو عالموقع.

شوية أنواع محتوى ما لازم تضل بصفحات اليوزر لفترة طويلة؛ شوف التفاصيل تحت.

غير التواصل، الاستخدامات المشروعة التانية لمساحة اليوزر بتشمل (بس ما بتنحصر بـ):

الإفصاح عن التعديلات المهمة (اختياري بس مستحسن)

• أشيا ممكن تكون مفيدة للمحررين التانيين ليفهموك أكتر، متل الحسابات البديلة (إذا كنت كاشفها علناً).
• إذا كنت عم تعدل لصالح أو نيابة عن شركة، منظمة، مجموعة، منتج، أو شخص (أو غيرو)، و بدك تكون واضح بهالشي حتى تبني علاقة عمل منيحة مع مجتمع المحررين.
• (التعديلات لازم دايماً تكون حيادية و ضمن معايير الموسوعة. المحررين بالعادة ما بيثقو بالأشخاص اللي عندون تضارب مصالح مخفي أو أجندات مخفية. الإفصاح العلني عن هالمصالح بيزيد الاحترام، و بدعو الغير ليساعدوك، و بيدل على رغبتك بالتعديل بطريقة مناسبة.)

ملاحظات متعلقة بشغلك و نشاطك بوكيبيديا

• مقالات حالية أو مخططة، مجالات مواضيع، قوائم مهام، ملاحظات، مقالات اشتغلت عليها، إنجازات و نجاحات تانية، أعمال تعاونية، مسودات مقترحات، أفكار (بناءة) عن مقالات ويكيبيديا أو سياساتها و كيف لازم تتغير، إلخ.
• توسيع و دعم تفصيلي لنقاط عم تنطرح (أو ممكن تنطرح) بالنقاشات بمناطق تانية من الويكي.

شغل قيد التنفيذ أو مواد ممكن ترجع لها بالمستقبل (بالعادة بصفحات فرعية)

• مسودات، خصوصي إذا بدك تناقشها أو تاخد آراء يوزرات تانين، مثلاً بسبب تضارب مصالح أو تغييرات كبيرة مقترحة.
• مسودات عم تنكتب بمساحة اليوزر لأن الصفحة المستهدفة محمية، و ملاحظات و مواد عمل للمقالات (شوية محتوى ما رح يضل محفوظ للأبد).

روابط مفيدة، أدوات، و سكريبتات

أرشيفات مساحة اليوزر

• مواضيع قديمة من صفحات النقاش، إلخ. (شوية محتوى ما رح يضل محفوظ للأبد إذا ما عاد يُستخدم).

أمور طويلة أو نشيطة كفاية حتى يكون عندها صفحة خاصة فيها

كتابات شخصية مناسبة ضمن مجتمع ويكيبيديا

• مواد مو موسوعية بس متعلقة بويكيبيديا، متل نكات ويكيبيديا المعقولة، مقالات رأي، فلسفة شخصية، تعليقات على مواضيع ويكيبيديا.
• إفصاحات عن أمور مهمة متل غيابات أو تصحيحات ذاتية بتحب المحررين التانيين يعرفوها، إلخ.
• عبارات تهنئة أو تعزية للأحداث الكبيرة، خصوصي إذا كانت متعلقة بالمحررين أو أحداث حياة كبيرة.
• (إتأكد إنو اليوزر بدو هالأمور تكون مذكورة بشكل علني عالويكي، ممكن يفضل إنها تضل خاصة).

تجارب (بالعادة بصفحات فرعية)

• صفحات تجريبية للقوالب، أكواد مو مألوفة أو متخصصة (متضمنة LaTeX)، كمكان اختبار شخصي.
• صفحات لاختبار البوتات و السكريبتات بدون ما تسبب ضرر.
• صفحات اليوزر و الصفحات الفرعية ممكن يتم تضمينها و استبدالها، يعني ممكن تشتغل كقوالب و بيتم اختبارها بهالشكل.

محتوى سير ذاتية محدود

• مثلاً، اللغات اللي بتعرفها (شوف ويكيبيديا:بابل) أو المجالات اللي عندك معرفة فيها.

كمية صغيرة و متناسبة من المحتوى المو مرتبط

• شوية يوزرات عندون محتوى من ويكيبيديا أو المشاريع الشقيقة، متل صور مجانية من ويكيميديا كومنز، مقالات ويكيبيديا المفضلة، أو اقتباسات بيحبوها.
• الصفحات اللي بيتم استخدامها للترويج المباشر أو كمنصة للجدل بمواضيع مو مرتبطة بالغالب بتكون برى هالمعايير. مثلاً: سيرة ذاتية من خمس صفحات و دعاية لفرقتك الموسيقية بالغالب بيكون كتير، بس ملخص من تلات جمل عن إنك بتشتغل بمجال معين و عندك فرقة باسم معين بيكون مقبول.
• المحررين ما بيحقلون يستخدمو مساحة اليوزر الخاصة فيهم ليطلبو تعويض مادي عن مساهماتون بوكيبيديا.

كمان فيك تضيف رابط بسيط لصفحتك الشخصية برى ويكيبيديا، بس ما لازم تحيطه بلغة ترويجية. مع هيك، إذا كان الرابط لصفحتك الشخصية هو الشي الوحيد بصفحة اليوزر، ممكن ينشاف كأنو ترويج ذاتي.

صفحات اليوزر كمان بتستخدم لأغراض إدارية، متل تنبيه اليوزرات عن حظر، تحذيرات، أو عقوبات تانية إذا صارت، و لإعلامون عن أمور ممكن تأثر على المقالات اللي اشتغلو عليها أو مسائل تحريرية كانو جزء منها. يوزرات تانين ممكن يعدلو صفحاتك، مثلاً إذا بدهم يعطوك نجم تقدير، يتركو ملاحظات و صور، أو يضيفو تعليقات و أسئلة. رغم إنو عندك حرية كبيرة بتعديل صفحات اليوزر تبعك، في شوية أمور ما لازم تنمسح (شوف التفاصيل تحت).

مساحة اليوزر و مساحة المقالات

المعلومات الشخصية عنك ما لازم تكون بالعادة ضمن مساحة المقالات الرئيسية بالموسوعة (لأنها محجوزة للمقالات الموسوعية بس)، و المقالات الموسوعية ما لازم أبداً تربط أو تضمّن أي صفحات من مساحة اليوزر.

بالحالات النادرة اللي ممكن يكون فيها إليك أو لشيء مرتبط فيك مقالة بالموسوعة، هالمقالة لازم تكون مفصولة تماماً عنك كمحرر. لازم تقرا بعناية الإرشادات حول تضارب المصالح و بشكل عام تتجنب تعديل المقالات اللي بتتعلق فيك أو بأي شي مرتبط فيك بشكل وثيق.

إذا كنت بدك تكتب مسودة مقالة جديدة، صفحة مساعدة:مسودة اليوزر بتوفر لك قالب معياري و إرشادات مفيدة حتى تساعدك بإنشاء مسودة ضمن مساحة اليوزر. و كمان، معالج المقالات بيمشي معك خطوة بخطوة لإنشاء المقالة مع خيار حفظها كمسودة ضمن مساحة اليوزر. فيك تستخدم القالب {{مسودة يوزر}} لتحديد مسودتك إذا ما انعمل هالشي تلقائيًا.

المعلومات الشخصية و المواد اللي بتخترق الخصوصية

فيه شوية أشخاص بيضيفو معلومات شخصية متل تفاصيل الاتصال (إيميل، برامج مراسلة، إلخ.)، صورة شخصية، اسمون الحقيقي، موقعون، معلومات عن اهتماماتون و مجالات خبرتون، أشيا بيحبوها أو ما بيحبوها، إلخ. بس بمجرد إضافة هالمعلومات، من الصعب إنها ترجع تكون خاصة. ممكن يتم نسخها بمواقع تانية أو حتى استخدامها بطريقة مو مرغوبة بالمستقبل.

لهيك، لازم تفكر منيح قبل ما تضيف أي معلومات مو علنية بصفحة اليوزر تبعك، لأنك على الأغلب ما رح تقدر تمسحها نهائياً بعدين حتى لو غيّرت رأيك و ما عدت بدك هالمعلومات تكون علنية.

أما المعلومات المو العلنية اللي بتخرق الخصوصية، سواء أضفتها إنت أو أضافها شخص تاني، ممكن تنشال من أي صفحة عند الطلب، إما من قبل الإداريين أو، بحالات معينة، عن طريق الإشراف الخفي اللي بيحذفها من سجل الصفحة و أي سجلات مرتبطة فيها (شوف صفحة طلبات الإشراف الخفي).

صناديق اليوزر

صناديق اليوزر هي مربعات صغيرة و مسلية فيك تضيفها بصفحة اليوزر تبعك لتعبر عن نفسك. عادةً بتكون مستطيلة و بتحتوي على صورة و نص. هاد مثال على شكلها:

صندوق اليوزر هو مربع صغير شكله متل هيك..

شو ما بصير يكون بصفحات اليوزر؟

بشكل عام، لازم تتجنب إضافة محتوى كبير بصفحة اليوزر تبعك مالو علاقة بويكيبيديا. ويكيبيديا مو موقع استضافة عام، فصفحة اليوزر تبعك مو موقع شخصي. لازم تكون عنك بصفتك محرر بويكيبيديا، و الصفحات ضمن مساحة اليوزر لازم تكون جزء من جهودك بالمساهمة بالمشروع.

بالإضافة لهالشي، فيه اتفاق عام على إنو ما بصير تضيف بصفحة اليوزر تبعك أي مواد ممكن تضر بسمعة ويكيبيديا، أو ممكن تكون مسيئة بشكل واسع (متل الأيديولوجيات العنصرية). سواء كان الموضوع جدي أو مجرد مزاح سيء، قاعدة "ويكيبيديا مو منبر خطابي" بتنطبق على مساحة اليوزر كمان، و قاعدة "ويكيبيديا ما بتنحجب" بتنطبق على المقالات و الصور بس، أما بالمساحات التانية ففيه ضوابط لضمان الفائدة، العلاقة بالمشروع، و عدم إحداث فوضى بالمجتمع التحريري. عندك حرية أكبر بمساحة اليوزر، بس لا تكون مو مراعي. أي محتوى مسيء جدًا ممكن ينشال فوراً من أي محرر.

مجتمع ويكيبيديا متسامح بشكل عام و بيعطي مجال واسع لتطبيق هالقواعد، خصوصاً على اليوزرات الفعّالين. النشاطات التعاونية اللي مو دايماً "مرتبطة مباشرة" بالتحرير ممكن تنقبل، خاصةً لو بدأها يوزرات نشيطين و عندون سجل تعديلات جيد. بهيك حالات، هالأنشطة ممكن تساعد ببناء المجتمع، و هالشي بيساهم بشكل مو مباشر ببناء الموسوعة. بس بنفس الوقت، لو صار نشاط اليوزرات بمساحة اليوزر سبب بتشتيت المجتمع أو عرقلة بناء ويكيبيديا، فلازم يتعدل ليمنع الفوضى.

المحتوى الزايد اللي مالو علاقة بويكيبيديا

المحتوى المو مرتبط بيشمل، بس مو محصور بـ:

كتابات، معلومات، نقاشات، و نشاطات مالها علاقة بأهداف ويكيبيديا

• مدونة شخصية بتوثّق نشاطاتك اللي مالها علاقة بويكيبيديا.
• نقاشات طويلة عن مواضيع برى ويكيبيديا.
• آراء شخصية مطولة بمواضيع مو مرتبطة بويكيبيديا، متل الفلسفة العامة، التعاون، المحتوى الحر، أو تراخيص المشاع الإبداعي.
• كتابات و مواد مطولة عن مواضيع مالها أي فرصة تكون مفيدة للموسوعة، مثلاً لإنها بحث أصلي خالص، أو تتجاهل المصادر الموثوقة، أو مو موسوعية بوضوح.
• مراسلات مع أشخاص برى ويكيبيديا و ما إلها علاقة بالموسوعة أو بالمجتمع التحريري.

الألعاب، اللعب التخيلي، و صفحات سرية

• الألعاب، الجلسات التخيليّة، و أي نشاط ترفيهي مالو علاقة بتحرير الموسوعة.
• الألعاب اللي ما إلها أي قيمة تعليمية متعلقة بالمشروع بتنحذف بشكل روتيني.

مواد ترويجية و دعائية و روابط إعلانية

• إعلانات أو ترويج لأفراد، شركات، منظمات، مجموعات، أو آراء مو مرتبطة بويكيبيديا (مثل مواقع تجارية أو روابط إحالة).
• مواد ترويجية شخصية مكثفة، خصوصاً لو ما كانت مرتبطة بشكل مباشر بويكيبيديا.

مواد مثيرة للخلاف أو مسيئة مالها علاقة بتحرير الموسوعة

• تصريحات جدلية ما إلها علاقة بويكيبيديا، أو هجوم على مجموعات محررين، أشخاص، أو جهات تانية. هيك محتوى بالعادة بينشال فوراً، و إعادته ممكن يعتبر تخريب.
• محتوى يعتبر هجوم على محررين آخرين، متضمن تسجيل أخطائون.
• تجميع أدلة ضد أشخاص أو مشاكل قديمة بدون هدف واضح. الأدلة الموثقة (diffs) مسموح فيها لو رح تنستخدم بحل نزاع خلال فترة قريبة، بس لازم تنشال بعد ما تنتهي الحاجة إلها.

معلومات شخصية

• معلومات شخصية عن الغير بدون موافقتون.
• معلومات شخصية غيمو ر مناسبة أو مفرطة ما إلها علاقة بويكيبيديا.

محتوى ويكيبيديا اللي ما بيناسب مساحة اليوزر

• صور مو مرخّصة للاستخدام الحر (بالعادة صور "الاستخدام العادل").
• تصنيفات و قوالب مخصصة لاستخدامات تانية، خصوصاً القوالب المخصصة للمقالات و الإرشادات.

بشكل عام، إذا كان عندك مواد ما بدك الناس يحرروها، أو إذا كانت مو مناسبة لويكيبيديا، لازم تحطها على موقع شخصي. فيه كتير خدمات استضافة ويب مجانية أو رخيصة، و كمان خدمات بريد إلكتروني و مدونات متاحة بشكل واسع، و هالأماكن مناسبة لعرض المحتوى اللي مالو علاقة بوكيبيديا. لو بدك تعاون مجتمعي بنظام ويكي، فيك تنزل برنامج ميدياويكي و تثبته على سيرفرك الخاص إذا بدك تحكم كامل، أو تستخدم واحد من كتير مزرع ويكي أونلاين.

الدعوة أو الدعم لسلوكيات غير مقبولة بشكل كبير من دون فائدة للمشروع

البيانات أو الصفحات اللي بتبدو كأنها تدعو، تشجع أو تتغاضى عن هالسلوكيات: التخريب، انتهاك حقوق الطبع و النشر، حروب التحرير، المضايقة، خرق الخصوصية، التشهير، و أعمال العنف. ("أعمال العنف" بتشمل كل أنواع العنف لكن ما بتشمل مجرد التصريحات الداعمة لفرق أو أنظمة مثيرة للجدل، اللي بعض الناس ممكن يفسروها كتشجيع على العنف.)

هالمواد ممكن تنمسح أو يتم تعديلها أو تقليصها من أي يوزر لتجنب إظهار قبولها بويكيبيديا، و ممكن تنطبق عليها معايير المسح السريع. لحفظ حرية التصرف التقليدية بمساحة اليوزر، المواد التانية لازم يتم التعامل معها متل ما هو موضح تحت إلا إذا كان فيه اتفاق بالإجماع.

التصنيفات، القوالب اللي بتضيف تصنيفات، و إعادة التوجيهات

ما تحط صفحتك الشخصية أو الصفحات الفرعية تبعك، بما فيها المقالات الأولية، ضمن فئات المحتوى. صفحات اليوزر و الصفحات الفرعية ممكن تتحط ضمن تصنيفات إدارية مناسبة، متل تصنيف: مقالات اليوزرات.

خصوصاً لازم تنتبه إنو القوالب كتير بتضيف تصنيفات لحالها. فيك تمنع هالشيء وقت ما تكون المقالة قيد التحضير، إذا حطيت tlx| بين {{ واسم القالب، متل هيك: {{tlx|stub|أي معلمات}}.

كمان فيك تجبر جزء من النص إنو يتم تجاهله بإضافة <!-- بأولو و --> بعده، أو بإضافة نقطتين قبل "تصنيف"، مثل هيك: [[:تصنيف:الجسور]] لتجبر الرابط يكون متل الرابط العادي.

صفحات حديث اليوزرات ما لازم تعيد التوجيه لشي غير صفحة حديث يوزر تاني مملوكة من نفس الشخص. بس إعادة التوجيه من الصفحات الفرعية لمساحة اليوزر للمساحة الرئيسية أمر شائع و مقبول. إعادة التوجيه الناعمة مسموحة بصفحات اليوزرات.

صفحات اليوزرات اللي بتشبه صفحات المشروع

مساحة اليوزر كمان ما هي بديل لمساحة المشروع (Wikipedia:...)، و لا لازم تستخدم صفحة اليوزر كمصدر رئيسي لأي سياسة أو إرشاد أو ممارسة أو مفهوم ثابت لويكيبيديا. إذا كانت صفحتك الشخصية المتعلقة بالمشروع صارت يوزرة بشكل واسع أو مربوطة بمساحة المشروع، أو إلها استخدام وظيفي مشابه لصفحة مشروع، فكر بنقلها لمساحة المشروع أو دمجها مع صفحات مشابهة موجودة هنيك.

المحتوى المنسوخ من المساحة الرئيسية

النسخ القديمة من مقالات المساحة الرئيسية لازم تنمسح. ممكن يتم نسخ المواد من المساحة الرئيسية لمساحة اليوزر لأغراض تحضير قصيرة المدى أو تجريبية (فيك تضيف القالب {{userspace draft}} عالصفحة لتمييزها). لازم تنتبه لمتطلبات Wikipedia:نسخ جوا ويكيبيديا. التعديلات اللي بتكون مرضية لازم يتم دمجها بسرعة ضمن المقالة الرئيسية و يتم مسح النسخة من مساحة اليوزر (استخدم {{db-u1}})، لإنو تفرع المحتوى بيشكل خطر بالنسب.

صفحات اليوزرات اللي بتشبه المقالات اختصار

مساحة اليوزر ما هي مستضيف ويب مجاني وما لازم تستخدمها لاستضافة صفحات بتشبه المقالات، أو النسخ القديمة، أو المحتوى المحذوف، أو النسخة المفضلة عندك من المحتوى المتنازع عليه. الصفحات اللي بتشبه المقالات برة المساحة الرئيسية، متل المقالات الأولية اللي بعدها قيد التحضير، ما لازم تكون مدرجة بمحركات البحث.

وقت ما توصل صفحة مساحة اليوزر لمرحلة ممكن تضمها كمقال، فكر بنقلها للمساحة الرئيسية أو استخدام محتواها بشكل مناسب بمقالات تانية ذات صلة. ممكن تحط قالب {{Userpage blanked}} على هاي الصفحات اللي ما تم تعديلها لفترة طويلة.

المقالات الكاذبة الفعلية لازم تنمسح لأنها مو متوافقة مع هدف المشروع. الصفحات اللي بتعرض معلومات كاذبة بشكل صارخ ممكن يتم وسمها بـ {{db-hoax}}. المحتوى الترويجي الفاضح ممكن يتأهل لوضع وسم {{db-g11}}. المحتوى المو مناسب الواضح اللي انشأه مساهمين مو حقيقيين لازم يتم وسمه بـ {{db-u5}}. الصفحات اللي بتحافظ على مواد تم مسحها قبل هيك، بدون محاولة نشطة لمعالجة أسباب المسح، إذا تركت متل ما هي، ممكن تنمسح عن طريق وسم {{db-g4}}.

المقالات الأولية القديمة المو مكتملة

المقالات الأولية المو مكتملة بمساحة اليوزر ممكن يتم تجاهلها، نقلها لمساحة المسودات أو إدراجها بويكيبيديا:ويكي مشروع المقالات المهجورة ليتبناها محررين تانيين إذا الشخص الأصلي ما عاد بدو يشتغل عليها أو صار واضح إنو توقف عن التحرير.

الصفحات الأولية القديمة بمساحة اليوزر لليوزرات المو نشطين:

1. إذا كانت مناسبة للمساحة الرئيسية، انقلها للمساحة الرئيسية؛
2. إذا كانت المقالة مو مشكلة (مثلًا ما فيها مسائل بخصوص السيرة الذاتية، الموثوقية، أو الترويج) بس مو جاهزة للمساحة الرئيسية، خليها؛
3. إذا كان فيها شوية إمكانية لكن فيها مشاكل، فرغها وقت فترات الغياب باستخدام {{Userpage blanked}}؛
4. إذا كانت المقالة نسخة قديمة من المساحة الرئيسية، فكر بترشيحها للمسح؛
5. إذا كانت المسودة نسخة من مقال منسوخ، حولها إذا كانت منقولة من المساهم الوحيد، و إلا اطلب دمج التاريخ؛ و أخيراً،
6. إذا كانت المسودة ما فيها إمكانيات و هي مشكلة حتى لو تم تفريغها، اطلوب مسحا.

ملاحظة: إعادة التوجيه من الصفحات الفرعية لمساحة اليوزر للمساحة الرئيسية شائعة و مقبولة. ويكيبيديا:إعادة التوجيه الناعمة هي بديل بيعتبره البعض مفضل.

المسودات بمساحة اليوزر ما إلها تاريخ انتهاء و بالتالي، ما لازم و لا ممكن يتم مسحا بس بسبب عمرها.

• الملحوظية ما بينطبق على المسودات.
• المسودات اللي تمنع من النقل للمساحة الرئيسية بسبب المحلوظية ما لازم تضل للأبد.
• المسودات اللي بتعتبر صالحة لتكون مقالات ممكن تنتقل بين المساحات أو تقدم لـ AfC بدون إذن صريح من صاحب المسودة إذا كان المبدع الأصلي غايب بشكل معقول.
• المسودات بمساحة اليوزر اللي ما بتلبي معايير محتوى المقالات ما لازم تتنقل للمساحة الرئيسية ليتم مسحا.
• بحال تم نقل مسودة من مساحة اليوزر للمساحة الرئيسية و انلقى إنها مو مناسبة تكون بالمساحة الرئيسية، لازم ترجع للمكان السابق بمساحة اليوزر.
• أي محرر ناوي يحسن مسودات قديمة من مساحة اليوزر ممكن ينقلها طالما صاحب المسودة "غايب بشكل معقول".

الملفات المو مجانية

ما تحط ملفات مو مجانية (ملفات محمية بحقوق الطبع و النشر و ما إلها ترخيص محتوى مجاني) بصفحة اليوزر أو أي صفحة فرعية لها، حسب سياسة المحتوى المو مجاني. الملفات المو مجانية اللي بتكون بصفحات اليوزر أو صفحات حديث اليوزرات رح تنمسح بدون تحذير، و إذا ما تم استخدامها بمقال ويكي، رح تنمسح بالكامل. الروابط لملفات مو مجانية مقبولة، حط نقطتين قبل كلمة "ملف" مثل هيك: [[:File:Example.jpg]].

الصور اللي ممكن تضر المشروع

فيه توافق عام إنك ما لازم تحط أي صورة في مساحة اليوزر اللي ممكن تضر المشروع، و يمكن ينطلب منك إزالة هالصور. المحتوى الواضح اللي موجه لتحفيز الفتنة (صور و أحياناً نصوص) أو لخلق القلق و الصدمات اللي ما إلها فائدة كبيرة للمشروع أو استخدام ويكيبيديا بس كمستضيف ويب أو صفحات شخصية أو للدعوة لشي، ممكن يتم إزالته من أي يوزر (أو مسحو)، مع وجود إمكانية استئناف بمراجعة المسح. لازم يتم أخد السياق بعين الاعتبار. الإفصاحات الشخصية البسيطة و المو مثيرة (متل userboxes أو التصريحات عن الجنسية والحالة العاطفية) ما بتأثر.

انتهاكات حقوق الطبع و النشر

نفس القوانين المتعلقة بحقوق الطبع و النشر بتنطبق على صفحات اليوزر متل ما بتنطبق على المساحة الرئيسية. النص لازم يكون إما مرخص بشكل مجاني أو برى حقوق الطبع و النشر؛ و إلا، فيك تستخدم اقتباس قصير بس. إذا استخدمت نص من مصدر تاني بصفحة اليوزر، لازم تعطيه حقو بالذكر سواء كان محمي بحقوق الطبع و النشر أو لا.

محاكاة و تعطيل واجهة ميدياويكي

مجتمع ويكيبيديا بشدد على عدم محاكاة واجهة ميدياويكي، إلا بالحالات النادرة لما يكون ضروري لغرض تجريبي. لافتات إشعارات حديث اليوزر الكاذبة اللي بتضلل القارئ بتفكرو إنو عندو رسائل جديدة محظورة كمان.

أكواد CSS و غيرها من الأكواد اللي بتعطل واجهة ميدياويكي، مثلًا بتخلي الروابط أو الأدوات المهمة صعبة أو مستحيلة الاستخدام، أو بتخلي النص على الصفحة صعب أو مستحيل القراءة (غير تعليق الأكواد)، أو بتستبدل الواجهة المتوقعة بمحاكاة معطلة، ممكن يتم إزالتها أو تعديلها من أي يوزر. الروابط الداخلية أو البرانية المو مناسبة اللي بتوجه القارئ لمواقع مو معقولة أو بتنتهك القيود على الروابط ممكن كمان تنمسح أو يتم تعديلها من أي يوزر. النصوص، الصور، و التنسيقات المو معطلة لازم تضل محفوظة قدر الإمكان. يوزرات هيك أكواد لازم يفكرو بالإزعاج اللي ممكن يسببوه للواجهات التانية، الفروقات، و التعديلات القديمة.

ملكية و تعديل صفحات اليوزر

هالقسم بينطبق على كل الصفحات اللي ضمن مساحة اليوزر تبعك.

بشكل تقليدي، ويكيبيديا بتعطي حرية واسعة لليوزرات لحتى يديرو مساحة اليوزر تبعون متل ما بيلاقوه مناسب، بس مع هيك، الصفحات اللي بمساحة اليوزر بتخص المجتمع الأوسع. هالصفحات مو عبارة عن صفحة شخصية، و ما بتخص اليوزر بشكل خاص، هي جزء من ويكيبيديا و موجودة لحتى تسهّل التعاون بين المحررين.

فيك تعدّل صفحتك الشخصية إما بمحرر المصدر أو المحرر البصري، بس صفحات نقاش اليوزرات ما فيك تعدّلها إلا بمحرر المصدر أو أداة الرد.

البوتات و اليوزرات التانيين ممكن يحررو الصفحات اللي بمساحة اليوزر تبعك أو يتركولك رسائل، بس بحسب العُرف، بالعادة ما حدا بيحرر صفحتك الشخصية نفسها، إلا بحالات نادرة لما يكون فيه أمر ضروري أو وسم مرتبط بمشروع. أي محتوى واضح إنو ما بيساون بأهداف المشروع ممكن ينمسح (شوف تحت)، و كمان التعديلات اللي من يوزرات محظورين. معظم سياسات المجتمع متل "ما في هجمات شخصية" و "سير ذاتية للناس العايشين" بتنطبق على مساحة اليوزر تبعك متل أي مكان تاني. (أما السياسات اللي بتخص المحتوى بشكل بحت، متل الأبحاث الأصلية و وجهة النظر المحايدة، فبالعادة ما بتنطبق إلا إذا تم نقل المادة للمجال الرئيسي).

و متل كل التعديلات التانية، المساهمات اللي بمساحة اليوزر مرخّصة بشكل مو قابل للتراجع للاستنساخ و إعادة الاستخدام تحت رخصة "كريتيف كومونز نَسب المُصنَّف - المشاركة بالمثل" و "رخصة جنو للتوثيق الحر".

و أخيراً، شوية إشعارات و وسوم خاصة، إذا تم وضعها، ما بصير تنقل لصفحة فرعية أقل وضوح أو تنمسح بدون نقاش.

مسح التعليقات، الإشعارات، و التحذيرات

السياسة ما بتحظر اليوزرات، سواء كانو مسجلين أو مو مسجلين، من مسح التعليقات من صفحات نقاشون، مع إنو الأرشفة مفضلة. إذا مسح اليوزر مادة من صفحة نقاشو، فالمعنى المتعارف عليه إنو قرأها و صار عندو علم بمحتواها، بغض النظر إذا المسح كان يدوي أو تلقائي. ما هداعي يبقو ظاهرين، و بالعادة ما لازم يُجبر اليوزر على إبقاء التعليقات. الأحسن ببساطة ترك الموضوع إذا خلصت المشاكل. أما إذا ما خلصت أو رجعت تتكرر، فالتاريخ تبع الصفحة بيحتفظ بكل التحذيرات و النقاشات السابقة إذا احتاجها أي حدا، و المقارنات بين التعديلات بتكون دليل كافي على الأمور السابقة.

بس فيه شوية أمور مهمة اللي اليوزر ما بصير يمسحها، لإنها جزء من إجراءات المجتمع الأوسع، متل:

• طلبات إلغاء الحظر اللي تم رفضها بخصوص حظر عام على الموقع.
• وسوم "نقاش المسح" اللي على صفحة نقاش اليوزر نفسو (طالما النقاش شغّال).
• وسوم المسح السريع اللي على صفحة نقاش اليوزر نفسو و طلبات المساعدة من إداري مو متورط بالقضية (الإداري رح يقرر بسرعة إذا الطلب صحيح أو لا، و لازم تستخدم الرابط اللي بالوسم للاعتراض و ترك تعليق، ما تمسح الوسم مباشرة).
• للمحررين اللي بيستخدمو عنوان IP، النماذج و الملاحظات اللي بتوضح إنو يوزرات تانيين بيشاركوون بنفس عنوان الـ IP، متل المدارس، القواعد العسكرية، نقاط الاتصال بالواي فاي، و غيرها من العناوين المشتركة، بس هالشي ما بينطبق على عناوين الـ IP الديناميكية. المحتوى القديم كتير على هالصفحات ممكن ينمسح.

ملاحظة: إعادة إشعارات صفحة النقاش، حتى لو المفروض ما تكون محذوفة، ما بتكون استثناء على قاعدة "3 استرجاعات".

تعديل صفحات اليوزر و صفحات نقاشو من محررين تانيين

بشكل عام، لازم الواحد يتجنب تعديل صفحات اليوزر أو صفحات نقاشو بشكل كبير، إلا إذا كان متوقع إنو التعديلات رح تكون مفيدة. إذا كنت مو متأكد، اسأل أول.

إذا طلب منك يوزر ما تعدّل صفحات اليوزر تبعو، لازم تحترم هالطلب ضمن المعقول. بس، ما لازم اليوزرات يطلبو هالشي بدون سبب وجيه، خصوصاً لما يكون الموضوع عن صفحات النقاش، لإنو هالشي ممكن يعيق التواصل الطبيعي اللي مهم لتحسين و تشغيل المشروع بشكل سلس. و مع هيك، اليوزر ما فيه يتجنب إشعارات الإداريين أو الرسائل اللي بتفرضها السياسات و الإرشادات بمجرد إنو يطلب ما ينكتب شي بصفحة نقاشو. بس، إذا حد ضل ينشر تعليقات بصفحة اليوزر رغم طلبو التوقف، و بدون سبب وجيه، هالشي ممكن ينشاف على إنو مضايقة أو سلوك تخريبي. إذا كنت مو متأكد، اسأل محرر خبير أو إداري مو متورط بالقضية.

معلومات أكتر عن هالموضوع بتلاقيها بصفحة ويكيبيديا:قواعد صفحات النقاش، خصوصاً الأقسام اللي بتحكي عن التصرف المناسب، التصرف المو مناسب، و القواعد اللي بتخص تعديل تعليقاتك و تعليقات غيرك. هالإرشادات بتنطبق على صفحات نقاش اليوزرات متل ما بتنطبق على كل صفحات النقاش التانية بويكيبيديا.

التعامل مع المحتوى المو مناسب

بصفحات اليوزر تبعك

إذا المجتمع طلب منك تمسح شي محتوى من مساحة اليوزر تبعك، لازم تفكر بالموضوع—لإنو هالمحتوى مسموح بس بموافقة المجتمع. بدل من مسحه، ممكن تنقل المحتوى لموقع تاني و تحط رابط إلو.

مع إنو المحررين بالعادة بيحترمو مساحة اليوزر تبعك، إذا كان لازم اتخاذ إجراء تصحيحي و ما صار، المحتوى المو مناسب رح ينمسح بالنهاية، إما بتعديل الصفحة (إذا جزء منه مو مناسب)، أو بإعادة توجيه الصفحة لصفحة اليوزر الرئيسية (إذا كان كلو مو مناسب)، أو عن طريق نقاش المجتمع. أي محتوى مو مناسب ممكن ينمسح من أي صفحة بمساحة اليوزر، بما فيها صفحة نقاش اليوزر.

بصفحات اليوزرات التانيين

إذا عندك ملاحظة على صفحة يوزر تاني، الأحسن إنك تخبرو عن الموضوع بصفحة نقاشو و تخليه يعدّلو بنفسو إذا وافق. ببعض الحالات، ممكن محرر خبير يعمل تعديلات جوهرية بمساحة يوزر تاني، و بهيك حالة لازم يترك ملاحظة توضح ليش عمل هيك. بس، هالشي ما لازم يصير لأسباب تافهة. إذا اليوزر ما وافق، أو ما عدّل الصفحة بطريقة مناسبة، أو إذا كان الموضوع مشكوك فيه أو مثير للجدل، فيك تتبع خطوات تانية بهالقسم متل استشارة يوزرات محايدين أو اقتراح مسح الصفحة.

إذا كان لازم معالجة المحتوى بشكل عاجل (مثلاً، بسبب حقوق نشر واضحة، هجوم، تشهير، أو انتهاك لسير الناس العايشين)، و اليوزر مبين إنو مو نشط، و تعديلك ما رح يسبب مشاكل، و كنت متأكد تماماً إن المحتوى مو مناسب، فمساح أو عدّل الحد الأدنى اللازم لحل المشكلة، و اتروك ملاحظة تشرح فيها شو عملت، ليش عملت هيك، و ادعو اليوزر للنقاش إذا لزم الأمر. إذا كانت الصفحة كلها مو مناسبة، فكر بمسحها، أو إعادة توجيهها لصفحة اليوزر الرئيسية، أو لأقرب صفحة مناسبة بمجال المقالات أو المشاريع.

الصفحات المو ملائمة، الوسائط، و الصور بمساحة اليوزر ممكن كمان تترشَّح للمسح أو حتى للمسح السريع، بس لازم يكون في حذر خاص، لإنو اليوزر ممكن يعتبر هالشي تدخل مو مرغوب فيه. اليوزرات اللي عندون سجل تعديل قوي أو معظم مساهماتون برى مساحة اليوزر لازم يعطو مجال أكتر مقارنة باليوزرات اللي كل مساهماتون تقريباً بمساحة اليوزر أو اللي بيساهمو بنشاطات ترويجية. شوف القسم الجاي عن مسح صفحات اليوزر لمعلومات أكتر.

اليوزرات المحظورين و الممنوعين

اليوزرات اللي عندون حظر على الموقع أو منع دائم بيكون مسموحلون بالعادة استخدام صفحة نقاشهم لطلب فك الحظر أو للمحادثة بخصوص هالطلب. بس، رغم إنو اليوزرات المحظورين أو الممنوعين عندون حرية واسعة بمساحة اليوزر تبعون متل باقي اليوزرات، ممكن يخسرو حق الوصول لصفحة نقاشون إذا خالفو السياسات أو استمرو بالتصرف بشكل تخريبي.

صفحات اليوزر و مغادرة ويكيبيديا

لما يترك اليوزر ويكيبيديا، صفحات اليوزر و صفحة نقاشه عادةً ما بينمسحو و ممكن يتم تعديلهم بأي وقت مستقبلاً. بعض اليوزرات بحطو قالب {{retired}} بصفحة اليوزر و صفحة نقاشهم ليخبرو غيرهم إنهم تركو ويكيبيديا لفترة طويلة أو للأبد. اليوزر ممكن يمسح محتوى صفحة اليوزر و صفحة نقاشه (يعني يمسحها و يتركها فارغة)، بشرط إنو يترك أي إشعارات غير قابلة للإزالة بمكانها.

المسحاب بمجاملة

مجتمع ويكيبيديا بالعادة بيوفر "إنسحاب مجاملة" لليوزرات اللي بيقررو يتركو ويكيبيديا بشكل نهائي و يقطعو كل علاقتون بالموقع.

ملخص النقاط الرئيسية:

• رغم إنو ممكن مسح شوية تعديلات، بس ما فيه إمكانية لمسح كل تعديلاتك نهائياً.
• مسح الحساب بشكل كامل ممكن يسبب مشاكل قانونية بخصوص نسب الأعمال و حقوق التأليف.
• بعض القوالب المهمة لازم تضل بصفحات اليوزر و صفحات نقاشو.
• الصفحات اللي ممكن تكون مفيدة للمجتمع أو اللي معارضين لمسحها ممكن يتم استرجاعها بعد النقاش.
• الصفحات بتضل مرخّصة لإعادة الاستخدام حتى لو تم مسحها، و ممكن يتم الاستشهاد فيها أو اعتبار محتواها مفيد بشوية حالات.
• إذا قرر اليوزر "المختفي" يرجع، ممكن يتم استرجاع صفحاته القديمة و ربطها بأي حساب جديد بيعملو، و ممكن يتم الإفصاح عنها بـ RFA؛ إذا كان هالشي ممكن يعمل مشكلة، لازم استشارة لجنة التحكيم عبر البريد قبل الرجوع.
• طبعاً، اليوزرات اللي بيرجعو بعد ما يكونو غادرو، إذا كانو بسمعة طيبة أو صلحو مشاكلون، فمرحب فيون.

اليوزرات اللي تركو ويكيبيديا لفترة طويلة ممكن يتم إضافتهم لـ Wikipedia:Missing Wikipedians بعد مرور فترة، بالعادة سنة بدون أي تعديل.

حماية صفحات اليوزر

متل صفحات المقالات، صفحات اليوزر ممكن تكون هدف للتخريب أو، بشكل نادر، لحروب التحرير. إذا استمر التخريب أو حروب التحرير، لازم حماية الصفحة من التعديل.

أغلب تخريب صفحات اليوزر بيصير كرد فعل على جهود المساهمين بمحاربة التخريب. الإداريين عندون صلاحية لحماية صفحاتون الخاصة لما يكون مناسب، و بيقدرو يعدّلو الصفحات المحمية بمساحة اليوزر. أحياناً، صفحات اليوزرات المو إداريين ممكن تتعرض للتخريب. جزء من هالتخريب بينمنع تلقائياً بسبب الفلتر، لإنو اليوزرات المو مسجلين و المو مؤكدين ما بيقدرو يعدّلو الصفحات الرئيسية لليوزرات التانيين.

إذا الفلتر ما كان كافي لمنع التخريب بصفحة يوزر مو إداري، اليوزر ممكن ينشئ صفحة فرعية بامتداد ".css" بمساحة اليوزر تبعو، يحط فيها محتوى صفحته الرئيسية، بعدين يعمل إدراج لها بالصفحة الرئيسية، و يطلب من إداري يحمي الصفحة الأساسية بالكامل. (مثلاً، يعمل صفحة User:اسم_اليوزر و يضيف فيها {{User:اسم_اليوزر/userpage.css}}.)

هالطريقة بتمنع التخريب نهائياً، لإنها بتخلي تعديل الصفحة مقتصر عليك و على إداريي الواجهة بس، لإنو صفحات ".js" و ".css" بمساحة اليوزر ما بيقدر يعدّلها غيرون. بس، إذا أضفت محتوى مو مناسب بصفحتك بعد ما منعت غيرك من التعديل، هالشي بيعتبر مخالفة كبيرة.

إذا كررت إضافة محتوى محمي بحقوق النشر أو مواد مو لائقة بصفحتك رغم التنبيه، أو إذا استخدمت مساحة اليوزر بشكل مو لائق بعد حظرك (مثلاً، للهجوم الشخصي أو التحرير الجدلي)، هالشي ممكن يؤدي لحماية الصفحة لمنع المزيد من الإساءة. و صفحات اليوزر ممكن يتم حمايتها بشكل روتيني إذا تم فرض منع على اليوزر.

تخريب صفحات النقاش أقل شيوعاً. بالحالات العادية، التخريب لازم يتم التراجع عنو ببساطة. بالحالات اللي بيتكرر فيها التخريب، و إذا كانت السياسة بتسمح، الحظر ممكن يكون حل مناسب. أما حماية صفحات النقاش فهي نادرة، و ما بتتخذ إلا كخيار أخير، لإنو نقاشات الصفحات مهمة لمصلحة المشروع.

مسح صفحات اليوزر

لمسح مواد حساسة، شوف قسم المواد الشخصية و اللي بتخترق الخصوصية.

لمسح مواد محمية بحقوق النشر من سجل التعديلات لصفحة يوزر، شوف WP:REVDELREQUEST.

إذا بدك تمسح صفحتك، حط الوسم {{db-u1}} بأول الصفحة، و رح يقوم إداري بمسحها. بس لازم تنتبه إنو صفحات نقاش اليوزر بالعادة ما بتنمسح.

مسح صفحات يوزرات تانيين

بشكل عام، صفحات اليوزرات بتكون بإدارة أصحابها. إلا إذا كان الموضوع واضح أو جدي، الأفضل تحاول تتواصل مع اليوزر قبل المسح (شوف المعلومات فوق). بس إذا كانت الصفحة فيها انتهاك واضح لحقوق النشر، هجوم على شخص، نص ترويجي، أو اختراق للخصوصية، فيك تمسحها بشكل سريع باستخدام القوالب المناسبة مثل {{db-attack}} أو {{db-copyvio}} أو {{db-spamuser}}. الصفحات التانية اللي ممكن تحتاج مسح (أو ما تم تصحيح محتواها) ممكن يتم اقتراح مسحها من خلال نقاشات المسح.

لازم تكون دقيق بطريقة تواصلك و تشرح السبب بشكل مناسب، لإنو شوية يوزرات ممكن يعتبرو الموضوع إهانة أو هجوم شخصي إذا حدا غريب قال إنو رح يمسح صورة أو صفحة بإسمون. و التعامل بطريقة مو ودية أو شديدة ممكن يسبب إحباط لليوزرات الجداد اللي ما بيعرفو القواعد بس ممكن يكون عندون رغبة بالمساهمة. خليك متذكر إنو المعلومات الشخصية المحدودة (متل سيرة ذاتية قصيرة) و الصور الشخصية المسموحة بحقوق حرة ممكن تضل طالما الصفحة ملتزمة بالقواعد العامة.

استخدام صفحة اليوزر كأنها صفحة ويب شخصية ما إلها علاقة بمهمة ويكيبيديا ممكن يكون سبب لمسحها بسرعة، و كمان إذا كان المحتوى ترويجي أو إعلاني واضح. بس إذا كل مساهمات اليوزر كانت مجرد تعديل واحد على صفحته، بالعادة ما بينمسح بسرعة إلا إذا كان المحتوى إعلان صريح أو شيء مخالف للقواعد بشكل واضح.

تعديلات التجربة و إعادة إنشاء المحتوى الممسوح (ضمن الحدود) مسموح فيها ضمن نطاق اليوزر.

مسح صفحتك أو الصفحات الفرعية تبعك

إذا بدك تطلب مسح صفحتك أو أي صفحة فرعية إلك، حط الوسم {{db-user}} بأول الصفحة. الصفحات اللي بتكون محددة للمسح بتنمسح طالما ما فيه سبب قوي لإبقاءها. بس حسب القواعد المذكورة بفصل مسح صفحات نقاش اليوزر، صفحات النقاش و الأرشيفات الناتجة عن نقل الصفحة بالعادة ما بتنمسح بهالطريقة.

الصفحات اللي انتقلت لمساحتك من مكان تاني كمان ما بينمسحو بطلبك لحال، إذا كانت الصفحة بالأصل مقالة، لازم يتم طرحها بـ نقاش المسح، و إذا كانت شيء تاني، لازم تندرج ضمن نقاشات المسح العامة. إذا بدك ترجع الصفحة لمكانها الأصلي بس ما فيك تنقلها لأسباب تقنية، فيك تطلب مساعدة تقنية من Wikipedia:Requested moves/Technical requests.

كمان فيك تمسح محتوى أي صفحة بمساحتك الشخصية (ما عدا شوية حالات اللي ما لازم تنمسح). بس انتبه إنو مسح محتوى الصفحة ما بيعني إنو عم تطلب مسحها، شوف WP:G7 لمعرفة متى بيتم المسح السريع. إذا بدك تمسحها تماماً، استخدم {{db-user}}. مسح محتوى صفحة نقاشك مسموح، بس ببعض الحالات ممكن يكون فيه قيود على مسحها بالكامل، يعني ممكن تمسح بعض المحتوى بس مو كلو – شوف فصل إزالة التعليقات، الإشعارات، و التحذيرات لتعرف شو الأمور اللي ما لازم تنمسح.

كبديل، ممكن ببساطة تحول الصفحة لإعادة توجيه لصفحة اليوزر تبعك أو لصفحة نقاشك. هالشي عادة بيكون كافي لأغلب اليوزرات. بس لازم تعرف إنو مسموح تحول صفحات اليوزر و الصفحات الفرعية تبعها لصفحة نقاشك، بس ما فيك تحول صفحة نقاشك لصفحة تانية بمساحة اليوزر تبعك.

مسح صفحات نقاش اليوزر

صفحات نقاش اليوزر و الأرشيفات الناتجة عن نقل الصفحات بالعادة ما بتنمسح، لإنها بتكون ضرورية كمراجع لليوزرات التانيين. بس التعديلات الفردية، سجلات التعديلات، و شوية محتويات اللي بمساحة اليوزر ممكن تنمسح أو تتعدل لأسباب بتتعلق بالخصوصية، أو إذا كان فيه مضايقات، تهديدات، محتوى مهين، أو انتهاكات خطيرة تانية. بشوية حالات، ممكن تنمسح استثناءً لأسباب وجيهة.

كمان، المعلومات الشخصية المو عامة و المحتوى اللي ممكن يكون تشهيري و اللي تم نشره بصفحة نقاش اليوزر ممكن ينمسح حسب الشرح الموجود فوق.