Wp/apc/ويكيبيديا:شخصيات شامية

نهاد وديع حداد (مولودة 21 تشرين التاني 1935) و المعروفة بالاسم الفني فيروز، هي مطربة و مغنية و ممثلة لبنانية. بتعتبر من أقدم فناني العالم و من الجيل الذهبي للمسرح و الموسيقى في لبنان و من أشهر الأصوات العربية. لاقت أعمالها الفنية انتشار كبير بالعالم العربي والغربي، ولقبوها بلبنان بـ (العمود السابع لبعلبك). انولدت سنة 1935 بقضاء الشوف بجبل لبنان، و كانت أول طفلة بالعيلة. نشأت بحارة زقاق البلاط بالح... كمل قراية

فريد الأطرش موسيقي و مطرب و ممثل سوري - مصري. ترك بصمة واضحة بالموسيقى و الغنا العربي، و بيعتبر من أعلام الفن، و حاصل على قلادة النيل العظمى. انولد سنة 1917 ببلدة القريا بجبل الدروز، و عاش طفولتو بعيد عن والدو، و اضطر إنو يتنقل من بلد لبلد. انتقل مع أمو من سوريا للقاهرة هربانين من الفرنسيين اللي كانو ناويين يعتقلو عيلتو بسبب مواقفون الوطنية و نضالون ضد الاحتلال بجبل الدروز بسوريا. عاش فريد بالقاهر... كمل قراية

أسمهان مغنية و ممثلة سورية. اسمها الحقيقي "آمال الأطرش" و هي أخت الموسيقار فريد الأطرش. اسمها الحقيقي آمال الأطرش، أبوها هو الأمير فهد الأطرش و هو درزي من جبل الدروز بسوريا و كان مدير ناحية بقضاء ديمرجي بتركيا، و إمها علياء المنذر و هي درزية لبنانية من بلدة شويت المتن، و عندها شقيقين هنن: فؤاد و فريد الأطرش المطرب و الموسيقار المعروف و اللي كانت علاقتها فيه ممتازة، و هو اللي دعمها و ساعدها تفوت عا... كمل قراية

جانيت جرجس فغالي مغنية و ممثلة لبنانية انشهرت فنياً باسم صباح، و بتعتبر وحدة من أهم الفنانين اللبنانيين جنب فيروز و وديع الصافي، امتدت حياتها الفنية من نص أربعينات القرن الماضي لحد الألفين، و تركت وراها إرث فني كبير بالتلفزيون و السينما و المسرح خلّدها بالمجال الفني على مر التاريخ. انشهرت بألقاب كتير منها «الشحرورة» و «الصبوحة» و «صوت لبنان». كانت من أوائل المغنيين العرب اللي وقفوا على خشبات المسرح... كمل قراية

صباح فخري، مطرب سوري، بينحسب من مشاهير الغنا بسوريا و الوطن العربي، فنان و مغني من أعلام الموسيقى الشرقية، و فخري مو نسبته، بس هي تقديراً لفخري البارودي اللي رعَى موهبته. صباح فخري واحد من أعلام الغنا العرب، اشتهر بكل أنحاء الوطن العربي و العالم و بالسجلات العالمية للمطربين كواحد من أهم مطربين الشرق، عمل صباح فخري حفلات غنائية ببلدان عربية و أجنبية كتيرة و لفّ العالم و إتربّع على عرش فن الغنا و ال... كمل قراية

سميرة توفيق مغنية لبنانية. اشتهرت بالغنا باللهجة البدوية؛ قدمولها الشعرا و الملحنين من لبنان و سوريا و الأردن كتير أغاني نالت شهرة عربية، منها أغاني متل "حسنك يا زين" و "أسمر خفيف الروح" للفنان توفيق النمري يلي كانت بداية شهرتها. كمان شاركت بعدة مسلسلات و أفلام كممثلة و مغنية قدام كبار الفنانين بسوريا و لبنان. و هي عضو بنقابة الفنانين المحترفين بلبنان. سميرة توفيق إنولدت بقرية أم حارتين بمحافظة ا... كمل قراية

جبران خليل جبران، اللي بالعادة بينادوه بالانكليزي باسم خليل جبران، كان كاتب و شاعر و فنان تشكيلي لبناني-اميركاني، و كمان كان بيعتبر فيلسوف، مع انو هو بنفسو رفض هاللقب. هو معروف اكتر شي انو مؤلف كتاب النبي، اللي انطبع اول مرة باميركا سنة 1923، و من وقتها صار واحد من اكتر الكتب مبيعا بكل الأوقات، و اترجم لأكتر من 100 لغة. جبران كان عضو برابطة القلم بـ نيويورك، و اللي كانت معروفة وقتها بـ شُعراء المه... كمل قراية

جورج وديع وسوف هو مطرب و مغني سوري. خلال مسيرتو الفنية اللي امتدت لأكتر من أربعين سنة، أصدر أكتر من 30 ألبوم، و عندو جمهور كبير من المحبين بكل العالم العربي. اشتهر بلقب سلطان الطرب، و بيعتبر واحد من أنجح المطربين العرب، لإنو باع أكتر من 60 مليون تسجيل بكل أنحاء العالم. انولد بـ 23 كانون الأول 1961 بالكفرون، و هو من عيلة فيها خمس ولاد. بلش بالغنا و هو عمرو 14 سنة، و اشتهر بسوريا لما غنى موَّال حاصب... كمل قراية

وديع الصافي, اسمو الحقيقي وديع فرنسيس, انولد بنيحا بلبنان, كان مغني و ملحن لبناني. بلش مشوارو الفني بعمر 16 سنة لما شارك بمسابقة غنا عملتها الإذاعة اللبنانية و ربح بكل الفئات بين 40 مشترك تاني. غنى لكتير من الشعرا، خاصة أسعد السبعلي و مارون كرم، و اشتغل مع عدد كبير من الملحنين متل الأخوان رحباني و زكي ناصيف و فيلمون وهبي و عفيف رضوان و محمد عبد الوهاب و فريد الأطرش و رياض البندك. بس هو كان يفضل يل... كمل قراية

ملحم بركات كمان معروف بـ أبو مجد، مغني و ملحن لبناني. بيعتبر من أشهر المطربين و الملحنين اللبنانين و العرب، و إتأثّر بفن الموسيقار محمد عبد الوهاب. انولد بضيعة كفر شيما، و بينتمي لطايفة الروم الأرثوذكس. بينت موهبته من وقت ما كان بالمدرسة، و بواحد من الاحتفالات المدرسية، لحن شوية كلمات من الجريدة اليومية و غناهون، و بعدين شارك ببرنامج مشهور للمواهب الجديدة، و من بعدها دخل عالمدرسة الرحبانية، و من ... ملحم بركات

إيليا أبو ماضي شاعر لبناني، بيُعتبر من أهم شعرا المهجر بأوائل القرن العشرين، و واحد من مؤسّسين الرابطة القلمية. نشأ بعيلة بسيطة، و لهيك ما قدر يكمّل تعليمه بقريته غير الدروس الابتدائية البسيطة، فالتحق بمدرسة المحيدثة يلي كانت حدّ الكنيسة. سافر إيليا على مصر سنة 1902 بهدف التجارة مع عمّو يلي كان يشتغل بتجارة التبغ. بهالفترة إتعرّف على أنطون الجميل، يلي كان مأسّس مع أمين تقي الدين مجلة «الزهور»، ... إيليا أبو ماضي

عاصي الرحباني كان موسيقي و ملحن و قائد اوركسترا و منتج لبناني. هو واحد من الاخوين رحباني مع أخوه منصور الرحباني، إتزوج المغنية اللبنانية نهاد حداد المعروفة أكتر باسمها الفني فيروز، إبنون زياد الرحباني كان كمان فنان بالموسيقى و المسرح و ناشط سياسي. بلشت مسيرة عاصي الرحباني الفنية لما اشتغل بـ اذاعة الشرق الادنى سنة 1951، أول آلة موسيقية لعاصي كانت الكمان، و بعدها البيانو، و بعدين البزق،... عاصي الرحباني

منصور حنا الرحباني كان موسيقار لبناني كبير و معروف كتير. هو واحد من "الأخوين رحباني" اللي عملو ثورة بتاريخ الموسيقى العربية مع خيّه عاصي الرحباني. خلق بمنطقة أنطلياس بلبنان، و هو ابن حنا إلياس الرحباني. عاش هو و خيّه عاصي طفولة صعبة و قاسية كتير قبل ما ينشهرو بعالم الفن، قدّم مع خيّه عاصي تحت اسم "الأخوين رحباني" مجموعة كبيرة من المسرحيات الغنائية... منصور الرحباني