Wp/apc/ويكيبيديا:خللي المقالات الفنية مفهومة

noborder

هيدي الصفحة هي صفحة إرشادات بويكيبيديا شامي.

الإرشاد هو معيار مقبول بالعموم، و لازم كل المحررين يتبعو بالاعتماد على الحس السليم، مع العلم إنو الإرشادات ما بتندرج تحت بند السياسات.

مقالات ويكيبيديا لازم تنكتب لجمهور عام واسع قد ما منحسن.

باعتبارها موسوعة مجانية، ويكيبيديا بتخدم قرّاء من خلفيات، اهتمامات، و أهداف متنوعة. حتى بالمقالات اللي بتتناول مواضيع معقدة تقنياً، هالقراء بيشملو طلاب و أشخاص فضوليين مو متخصصين بالإضافة للخبرا. مع الحفاظ على أهداف الدقة و التغطية الكاملة لأهم جوانب الموضوع، لازم يُبذل كل جهد لجعل المقالات مفهومة و ممتعة للقرّاء الأقل خبرة. من المهم بشكل خاص إنو يكون القسم التمهيدي مفهوم باستخدام لغة بسيطة، و بالغالب مفيد إنو نبدأ بمواضيع فرعية شائعة و بسيطة، و بعدين ننتقل للمواضيع اللي بتحتاج معرفة متقدمة أو اللي بتتناول تخصصات دقيقة.

المقالات لازم تنكتب بأسلوب موسوعي، بس هالشي بيختلف عن الأسلوب التقني الكثيف اللي بنلاقيه بالكتابات الأكاديمية اللي موجهة للمتخصصين. المقالات لازم تتناول الموضوع بدون ليّ الحقائق أو تقديم "أكاذيب للأطفال"، و بنفس الوقت لازم تقلل استخدام المصطلحات الصعبة (المو مشروحة) و ما تعتمد على وجود معرفة مسبقة عند القارئ. لازم تكون المقالات مكتفية بذاتها قدر الإمكان، بدل من الاعتماد المفرط على روابط لشرح مفاهيم مو مألوفة.

الجمهور

• بناءً على معرفتون بالموضوع:
  • القارئ العام: ما عندو تعليم متقدم بمجال الموضوع، و بالغالب مو ملم بالموضوع نفسو، و ممكن حتى يكون مو متأكد شو هو الموضوع.
  • القارئ المطلع: عندو تعليم بمجال الموضوع، بس يبدور عن معلومات عن الموضوع نفسو.
  • القارئ الخبير: بيعرف الموضوع بس بدّو يتعلم أكتر أو يتذكر معلومة، أو عندو فضول يشوف تغطية ويكيبيديا للموضوع.
• بناءً على قدرتون على القراءة.
• بناءً على دافعون لتعلم عن الموضوع.

القارئ اللي عندو تعليم عالي، معرفة جيدة، و دافع قوي ممكن يقرا مقال مكوّن من 5000 كلمة للنهاية براحة. قارئ تاني ممكن يعاني بقراءة المقدمة و يكتفي بمشاهدة الصور. مقال جيد بيجذب اهتمام كل القرّاء و بيسمحلون يتعلمو قد ما بيقدرو أو بيحبّو. المقال ممكن يخيب الأمل إذا كان مكتوب بمستوى أعلى من قدرة القارئ على القراءة، أو إذا افترض غلط إن القارئ ملم بالموضوع أو المجال، أو إذا غطى الموضوع بمستوى بسيط كتير و ما كان شامل.

رغم إنو أي فرد من الجمهور ممكن يوصل لمقال و يقرر يقراه (مثلاً، عن طريق الضغط على مقالة عشوائية)، شوية مواضيع بطبيعتها بتجذب جمهور محدود أكتر. موضوع بيحتاج سنوات من التعليم أو التدريب المتخصص قبل ما يتم دراستو أو مناقشتو بيكون بشكل عام جمهوره أقل. مثلاً، موضوع بالرياضيات المتقدمة، القانون التخصصي، أو الهندسة الصناعية ممكن يحتوي على مواد ما بيقدر يفهمها إلا القرّاء المطلعين أو الخبرا.

بس بنفس الوقت، كتير من المواضيع اللي بتنُدرس بمستويات أكاديمية متقدمة بتبقى محل اهتمام لجمهور أوسع. مثلاً، الشمس مو بس بتهم علما الفلك، ألزهايمر بيهم أكتر من الأطباء.

أغلب مقالات ويكيبيديا ممكن تنكتب بطريقة مفهومة تماماً للقارئ العام اللي عندو قدرة قراءة و دافع متوسط. شوية مقالات بتكون بطبيعتها تقنية أو بتحتوي على أقسام تقنية. كتير من هالمقالات ممكن تضل مكتوبة بشكل مفهوم لجمهور واسع. بس فيه مواضيع معقدة بطبيعتها أو بتحتاج معرفة مسبقة مكتسبة عن طريق تعليم أو تدريب متخصص. ما بيكون منطقي نتوقع إنو مقال شامل عن هيك مواضيع يكون مفهوم لكل القرّاء. و مع هيك، لازم دايماً نحاول نجعل المقال مفهوم لأكبر عدد ممكن من الناس، مع التركيز بشكل خاص على القسم التمهيدي. لازم المقال ينكتب بلغة بسيطة ليفهمها غير المتخصصين بطريقة صحيحة.

المحتوى التقني

ويكيبيديا بتحاول تكون مصدر مرجعي جدي، و مواد المواضيع التقنية المعقدة إلها مكانها بمقالات ويكيبيديا. الهدف هو نخلي المعلومات التقنية أسهل للفهم بالنسبة للقرّاء الأقل معرفة، بدون فقدان قيمتها للخبرا.

إنو نخلي المقالات أكتر قابلية للفهم ما بيعني بالضرورة إنو لازم يتم حذف المحتوى التقني المفصل. مثلاً، مقال موسوعي عن مركب كيميائي متوقع إنو يشمل خصائص المركب، حتى لو كانت بعض هالخصائص غامضة بالنسبة للقارئ العام. بالغالب، تلخيص التفاصيل التقنية المعقدة ممكن يحسن قابلية القراءة للنص لكل من القراء العامين و الخبرا.

على سبيل المثال، برهان رياضي طويل و معقد بالغالب ما رح يتم قراءته لا من القارئ العام و لا من الخبير، لكن ملخص قصير لهالبرهان ممكن يعطي فكرة للقارئ العام بدون تقليل فائدته للقارئ الخبير.

وقت تحاول تقرر قديش تفاصيل تقنية لازم تضمن، ممكن يكون مفيد تقارن مع عمل مرجعي قياسي بالمجال التقني المعني.

القسم التمهيدي

مهم كتير إنو يكون القسم الأول (القسم "التمهيدي"، اللي بيجي فوق أول عنوان) مفهوم لشريحة واسعة من القراء. القارئ لازم يقدر يعرف عن شو المقال و إذا عم يقرا المقال الصحيح، حتى لو ما كان عندو معرفة تفصيلية بالموضوع. اللي عم يدورو بس على ملخص أو تعريف عام ممكن يوقفو القراءة بنهاية القسم التمهيدي. قسم تمهيدي مفهوم بيشجع القراء يكملو القراءة لجسم المقال.

لهالأسباب، القسم التمهيدي لازم يقدم لمحة عامة مفهومة عن المقال. مع إنو الهدف من القسم التمهيدي ذكر كل الجوانب الأساسية للموضوع بشكل أو بآخر، ممكن تحسين الوصولية عن طريق تلخيص الموضوع فيه و نحط التفاصيل التقنية بجسم المقال. القسم التمهيدي لازم يخبر القارئ العام مجال الدراسة المرتبط بالموضوع، مكانة الموضوع بمجاله، شو فائدته (إذا فيه فايدة)، و شو الشي اللي لازم يعرفه القارئ أولاً ليقدر يفهم المقال.

بشكل عام، القسم التمهيدي ما لازم يفترض إنو القارئ ملم بالموضوع. المصطلحات بالقسم التمهيدي لازم تكون مفهومة بمجرد قراءتها للقراء العامين، كل ما كان ممكن، و بدون الاعتماد على روابط لمقالات تانية. أي رابط لمقال تاني لازم يكون تكميلي ليعطي معلومات إضافية، و يُفضل إنو ما يكون ضروري لفهم النص بالقسم التمهيدي.

بالنسبة للمواضيع المتخصصة كتير، إذا كان صعب تقدم لمحة عامة بكلمات مألوفة للجمهور العام، ممكن يكون معقول تفترض وجود خلفية معرفية بالقسم التمهيدي مع توفير روابط للمعلومات الأساسية المطلوبة لفهمو. كمرجع، القسم التمهيدي بالمقالات المختارة بالغالب بيشمل حوالي 20 رابط لمقالات تانية (مع طول متوسط للقسم التمهيدي حوالي 300 كلمة).

قواعد عامة

أفكار إضافية للتعامل مع المواضيع التقنية المعتدلة أو المعقدة:

الأجزاء الأسهل من المقال بتكون بالبداية

ما فيه مشكلة إذا كانت الأقسام اللي بعدين أكتر تقنية، إذا كان ضروري. الناس اللي ما بيهتمو بالتفاصيل بالغالب رح يوقفو القراءة عند نقطة معينة، و لهيك، المعلومات اللي بيهتمو فيها لازم تكون موجودة أول المقال. أقسام المقال اللي بتكون مرتبطة ببعضها يُفضل تبدأا بمستوى تقني مشابه، بحيث إذا كان أول فقرة سهلة و متصلة بقسم بالنص، القسم المرتبط يبدا كمان بطريقة مفهومة. بالإضافة، حتى الأقسام الأكثر تقنية ممكن تتحسن عن طريق تلخيص الأفكار الرئيسية بأول فقرة قبل الدخول بالتفاصيل.

إتجنب التفسيرات الدائرية

ما تعرف المصطلح "أ" باستخدام المصطلح "ب"، و بعدين تعرف "ب" باستخدام "أ". إتأكد إنو المصطلحات التقنية ما تُستخدم قبل ما يتم تعريفها.

اكتوب على مستوى أقل

تقنية عامة لزيادة الوصولية هي إنك تفكر بالمستوى الطبيعي اللي الموضوع بيتم دراسته فيه (مثلاً، ثانوي، جامعي، دراسات عليا) و تكتب المقال للقراء اللي بمستوى أقل. يعني المقالات عن مواضيع جامعية ممكن تكون موجهة لطلاب المدارس الثانوية، و المقالات عن مواضيع الدراسات العليا ممكن تكون موجهة لطلاب عندون خلفية جامعية. القسم التمهيدي لازم يكون مفهوم بشكل خاص، لكن النصيحة بإنك تكتب على مستوى أقل ممكن تنطبق على كل المقال، بشكل بيزيد إمكانية وصول المقال. الكتابة على مستوى أقل كمان بتدعم هدفنا بتقديم مصدر ثالثي عن الموضوع، اللي القراء ممكن يستخدموه قبل ما يبدؤو بقراءة مصادر تانية عنه.

ضيف مثال عملي

كتير من المقالات التقنية ما بتكون مفهومة (و بتزيد الارتباك حتى عند الخبرا) لإنها مجردة. مثال عملي ممكن يساعد كتير قراء على فهم المحتوى المجرد بالسياق. أحياناً، مثال مضاد (counterexample) كمان ممكن يكون مفيد. مثلاً، من المقال عن الفعل:

"الفعل"، من اللاتينية verbum بمعنى "كلمة"، هو كلمة (جزء من الكلام) بتعبر بالنحو عن فعل (جلب، قراءة، مشي، جري، تعلم)، أو حدث (حدث، أصبح)، أو حالة (كان، يوجد، وقف).

المثال لازم يكون خاضع لنفس قاعدة "ما فيه بحث أصلي" اللي بينطبق على أي محتوى.

اشرح المعادلات بالكلام

إذا ممكن، حتى للخبرا، ممكن يكون مفيد شرح ليش المعادلة إلها ميزات معينة أو ليش مكتوبة بهالطريقة. شرح "معنى" المعادلة بيساعد القراء يتابعو بشكل أفضل. على الأقل، إتأكد إنو كل المتغيرات بمعادلة معينة معرّفة بالمقال، أو فيه روابط لمقالات بتشرحها.

إضافة صورة

استخدام الصور بيساعد كتير أشخاص على التعلم بشكل أفضل و بيساهم بشرح المفاهيم التقنية بطريقة مختصرة و واضحة. الرسوم البيانية لازم تكون موصوفة بوضوح، و وقت يكون مناسب، تربط بالنص أو المعادلات. شوية قوالب مفيدة:

• {{Location map}}: لإضافة علامة واحدة + تسمية فوق خريطة/صورة.
• {{Location map many}}: لإضافة علامات + تسميات فوق خريطة/صورة (حتى 9 علامات).
• Module:Location map/data/100x100: أمثلة على أي صورة مع شبكة 100x100.
• {{Superimpose}}: لإضافة فوق صورة بدون إطار، متل الرسوم المفتوحة.

إتجنب اللغة التقنية زيادة

• استخدم المصطلحات الفنية و الاختصارات بحذر. اشرح المصطلحات الاختصارات وقت استخدامها أول مرة. ممكن كمان استخدامون بشكل أقل بعدين أو الاستغناء عنون إذا ممكن.
• إذا ما رح ينقص الدقة، استخدم المصطلحات الشائعة بدل الفنية.
• ابدأ الجمل التوضيحية بتنبيهات إذا كانت مختصرة. مثلاً: "بشكل عام..." أو "مع شوية استثناءات...".
• إتجنب السلاسل الطويلة من الصفات الفنية.
• استعمل جمل و فقرات قصيرة لزيادة الفهم. الطول المثالي للجملة حوالي 12 كلمة، لكن لازم توازن بين الجمل القصيرة والطويلة لتجنب الرتابة.
• استخدم أفعال أكتر بدل من الصفات. مثلاً، بدل "الطريقة X هي الأفضل"، ممكن تقول "الطريقة X بتحسّن النتائج".
• استخدم لغة بتشبه اللي بتحكيها بالمحادثات اليومية، مع الحفاظ على أسلوب موسوعي.
• استعِن بالتشبيهات لوصف الموضوع بمصطلحات يومية، بس إتجنب التشبيهات المو واقعية أو المعقدة. لازم تكون التشبيهات من مصادر موثوقة لتجنب الوقوع في "بحث أصلي".

لا تبسط بشكل كبير

مهم كتير عدم تبسيط المادة لدرجة إنها تعطي انطباع مزيف بالفهم. مقالات الموسوعة لازم تقدم الحقائق بوضوح دون تقديم "أكاذيب للأطفال" بتخلي القارئ يشعر إنو فهم الموضوع بينما هو ما فهمو بالكامل.

وسم مقالات اللي بتحتوي تفاصيل فنية كتيرة

فيه كتير قوالب متاحة لحتى نعلم المقالات يلي ما بتفي المعايير المتفق عليها للسهولة الفهم.

للمقالات يلي مو واضحة كفاية، لازم نضيف قالب {{Technical}} على راس المقالة. لازم تحط شرح على صفحة النقاش مع تعليقات عن ليش بتشوف إنو المقالة تقنية كتير، أو اقتراحات لتحسينها. القوالب يلي بتتضاف بدون شرح بالغالب رح تنمسح أو يتجاهلوها. المقالات يلي فيون هالقالب بتلاقيون بقسم: مقالات ويكيبيديا يلي تقنية كتير.

هالعلامة لازم تستخدم بس للمقالات يلي بتحس إنو فيه مجال تحسينها إذا حدا اتبع الإرشادات المذكورة فوق.

مقالات "مقدمة لـ..."

للمواضيع يلي ما فينا نتجنب كونها تقنية بس بنفس الوقت فيها اهتمام كبير لقرّاء مو تقنيين، فيه حل ممكن يكون مقالة تقديمية منفصلة. مثال على هيك مقال هو "مقدمة للفيروسات". فيك تلاقي قائمة كاملة للمقالات التقديمية الحالية ضمن قسم: مقالات تقديمية، و قائمة المقالات الرئيسية يلي انضافت إلها مقدمة هي ضمن قسم: مقالات مع مقدمات منفصلة.

بشكل متماشي مع روح سياسة ويكيبيديا ويكيبديا مو، و إرشادات تقسيم المحتوى، لازم نحتفظ بعدد المقالات التقديمية المنفصلة لأدنى حد. قبل ما تبدا بمقالة "مقدمة لـ..."، اسأل حالك هالسؤالين:

• بتقدر تخلي المقالة مفهومة كفاية بشكل عام، بدون الحاجة لمقدمة منفصلة؟
• مع الأخذد بعين الاعتبار درجة الاهتمام العام بالموضوع، ممكن تكون مقدمة مكتوبة بشكل جيد كافية؟

إذا كان جوابك "لا" على هالأسئلة، فيك تبدأ بمقالة "مقدمة لـ...".