Wp/apc/ويكيبيديا:توحيد الكتابة/لينكات

noborder

هيدي الصفحة هي صفحة إرشادات بويكيبيديا شامي.

الإرشاد هو معيار مقبول بالعموم، و لازم كل المحررين يتبعو بالاعتماد على الحس السليم، مع العلم إنو الإرشادات ما بتندرج تحت بند السياسات.

الربط من خلال اللينكات (الروابط التشعبية) ميزة مهمة بويكيبيديا. اللينكات الداخلية بتربط المشروع مع بعضو ليصير كإنو وحدة مترابطة. اللينكات بين مشاريع ويكيميديا بتربط المشروع مع المشاريع الشقيقة متل ويكي مصدر، ويكشنري، و ويكيبيديا بلغات تانية، و اللينكات البرانية بتربط ويكيبيديا مع شبكة الإنترنت العالمية.

اللينكات المناسبة بتوفر مسارات فورية لمواقع جوا و برا المشروع ممكن تزيد فهم القارئ للموضوع اللي عم يقرا عنو. وقت تكتب أو تعدل مقالة، فكر مو بس شو لازم ينكتب بالمقالة، كمان شو اللينكات اللي لازم تنضاف لتساعد القارئ يلاقي معلومات مرتبطة، و كمان أي صفحات تانية لازم يكون فيها لينكات لهالمقالة. حاول تتجنب قلة اللينكات و كترتها، متل ما هو موضح تحت.

هاي الصفحة بتعطيك إرشادات عن إيمتى لازم تنضاف اللينكات و إيمتى ما لازم تنضاف، و كيف لازم تتنسق اللينكات.

مبادئ

ويكيبيديا مبنية على النص التشعبي، و هدفها "بناء الويب" لتسهيل وصول القُرّاء لمعلومات مرتبطة بصفحات ويكيبيديا التانية. الصفحة اللي بيتم تفعيل اللينك (الرابط التشعبي) منها بتتسمى المرساة، و الصفحة اللي بيشير اللينك لإلها بتتسمى الهدف.

وقت تضيف أو تشيل لينكات، فكّر بمكانة المقالة ضمن شجرة المعرفة. اللينكات الداخلية بتضيف تلينكية و فائدة لويكيبيديا، و بتخلي القُرّاء يوسعو فهمهم للموضوع بسهولة من خلال الوصول لمقالات تانية. إسأل حالك: "قديش احتمال إنو القارئ كمان يكون مهتم يقرا المقالة التانية؟" فكّر تضيف لينكات بمناطق ممكن القارئ يحتاجها، متل بمقدمة المقالة، بأول أقسام جديدة، بخلايا الجداول، و بتعليقات الصور. و كقاعدة عامة، اربط المصطلح أول مرة بينذكر بنص المقالة.

نقاط عامة عن أسلوب الربط

• الربط ممكن يكون مباشر ([[سورية]]، و النتيجة بتكون دمشق)، أو باستخدام الـ pipe ([[سورية|الجمهورية العربية السورية]]، و النتيجة بتكون الجمهورية العربية السورية بالنص، بس بتضل اللينك بيشير لمقالة "سورية"). الـ pipe trick طريقة أسهل لإنشاء هاللينك.
• ما لازم رؤوس الأقسام نفسها بتحتوي لينكات؛ بدال هيك، استعمل قالب {{main}} أو {{see also}} مباشرة بعد العنوان.
• ما لازم اللينكات تكون موجودة ضمن الجملة الأولى اللي بتظهر عنوان المقالة بخط غامق.
• وقت تربط ضمن اقتباسات، انتبه، و اربوط بس بالنقاط اللي بتتوافق مع المعنى اللي بيقصدو الكاتب الأصلي. إذا ممكن، حاول تربط بالنص اللي برى الاقتباس – إما قبلو أو بعدو بشوي.
• حاول ما تحط لينكات جنب بعض لتجنب ظهورها كأنها لينك واحد، متل ([[سورية]] [[لبنان]]) سورية لبنان. بدل هيك، فكّر تعيد صياغة الجملة، أو تلغي واحد من اللينكات ، أو تستعمل لينك واحد أكثر تحديد.
• بالنسبة للأماكن الجغرافية اللي بتعبر عنها بسلسلة مفصولة بفواصل، اربوط الأولى بس.
  • مثال:

  سيدني، أستراليا ([[سيدني]], [[أستراليا]])

  • استخدم بدالها

  سيدني، أستراليا ([[سيدني]], أستراليا)

• النص المرتبط لازم يتجنب المسافات الزايدة قبل و بعد اللينكات. علامات الترقيم، بما فيها المسافات، لازم تكون برى العناصر المرتبطة.
• المقالات التقنية ممكن تحتاج كثافة لينكات أعلى من المقالات العامة، لأنو المصطلحات التقنية بالغالب ما بتكون برى القواميس العادية.
• إتأكد دايماً إنو المقالة اللي اللينك بيشير لإلها بتغطي الموضوع الصحيح. مثلاً، إذا المقالة بتحكي عن وحدة الفيزياء "barn"، لازم اللينك يشير لـ barn (unit)، مو barn.
• بالمقالات، ما تربط لصفحات برى نطاق المقالة، بما فيون المقالات اللي لسا بمسودة، إلا إذا كانت المقالة عن ويكيبيديا نفسها. و حتى بهالحالة، انتبه.
• إذا كان المصطلح التقني ممكن ينشرح بسهولة بكلمتين أو تلاتة، اشرحو بدل ما تخلي القارئ يلاحق اللينكات.
• استعمل اللينكات وقت بتكون مناسبة، بس حاول ما تجبر القارئ يستخدم اللينك ليقدر يفهم الجملة. النص لازم يكون مفهوم حتى للقُرّاء اللي ما بيقدرو يتبعو اللينكات.
• إتجنّب استخدام لينكات ملونة بتعيق قدرة المستخدم على تمييز اللينكات من النص العادي، أو لتلوين اللينكات لأسباب جمالية بحتة.

الربط الزايد و الناقص

شو لازم ينعملو لينكات بشكل عام

المقالة بينقال إنها ناقصة لينكات إذا كان فيه كلمات مو مربوطة بس ضرورية لفهم المقالة. بشكل عام، اللينكات لازم تنعمل لـ:

• اللينكات اللي إلها علاقة بموضوع مقالة تانية و بتساعد القُرّاء يفهموا المقالة بشكل أكتر (شوف المثال تحت). هالشي ممكن يشمل أشخاص، أحداث، و مواضيع إلها مقالات موجودة أو واضحة إنها بتستاهل مقال، طالما اللينك إلو علاقة بالمقالة المعنية.
• المقالات اللي بتعطي معلومات مرتبطة، متل: "شوف سلسلة فورييه لتفاصيل الخلفية".
• مقالات بتشرح كلمات بتخص مصطلحات تقنية، أو مصطلحات لغة خاصة، أو تعبيرات عامية – لكن ممكن تعطي كمان تعريف مختصر بدل اللينك أو بالإضافة لإلو. إذا ما فيه مقالة مناسبة بويكيبيديا، ممكن تعمل لينك لمشروع ويكي تاني متل Wiktionary.
• الأسماء الصحيحة اللي بالغالب رح تكون غريبة على القُرّاء.

إذا حسيت إنو اللينك إلو علاقة بموضوع المقالة بس ما مكانه بنص المقالة، فكّر تحطو بقسم "شوف كمان".

ممكن تعمل لينكات لمقالات ممكنة بس لسا ما انكتبت (شوف § اللينكات الحمرا). إذا فيه مقالة موجودة بويكيبيديا بلغة غير الشامية بس مو موجودة بالشامية، فكّر تعمل لينك أحمر كمان بيشير للمقالة باللغة التانية.

شو لازم ما ينعملو لينكات بشكل عام

المقالة بتنقال إنها فيها لينكات زايدة إذا كانت مليانة لينكات زيادة عن اللزوم، و بتصعّب تمييز اللينكات المفيدة لفهم القارئ. سؤال منيح تسألو حالك: "هل قراءة المقالة اللي بدي إربطلها رح تساعد حدا يفهم المقالة اللي بيربط منها؟" إذا المصطلح ما كان مهم بشكل خاص لسياق المقالة، الكلمات و المصطلحات المفهومة عند أغلب القُرّاء ضمن السياق بالغالب ما لازم تربط. انتبه لتحيزاتك الشخصية وقت تحدد إذا مصطلح معين معروف أو لأ – شو ممكن يكون معروف بمجالك، عمرك، أو بلدك ممكن يكون أقل شهرة لغيرك.

أمثلة:

• الكلمات اليومية (متل: تعليم، عنف، طيّارة، نهر).
• المهن العادية (متل: محاسب، سياسي، ممثل).
• وحدات القياس الشائعة، بالغالب المرتبطة بالزمن، الحرارة، الطول، المساحة، أو الحجم. إذا كان فيه القياسات المترية و المو مترية متوفرة مع بعض، متل "5 سنتيمتر (2 إنش)"، بالغالب و لا وحدة لازم تربط، لإنو أغلب القُرّاء بفهمو واحدة منون عالأقل.
• التواريخ (شوف § العناصر الزمنية، تحت).
• صفحات التوضيح ما لازم تربط من المقالات إلا إذا كان اللينك مقصود، متل بقوالب التنبيه. بدال هيك، استعمل لينك موجه للمقالة المناسبة. مثال: : [[موآنا (شخصية)|موآنا]]، : [[موآنا]]

أمثلة تانية ما لازم تنربط بشكل عام:

• الدول (متل: البرازيل/برازيلي، كندا/كندي، الصين/صيني).
• المعالم الجغرافية (متل: جبال الهيمالايا، المحيط الهادي، أمريكا الجنوبية).
• المدن و البلديات (متل: نيودلهي، نيويورك، أو بس نيويورك إذا سياق المدينة واضح، لندن إذا السياق بيستبعد لندن، أونتاريو، جنوب شرق آسيا).
• اللغات (متل: إنكليزي، عربي، كوري، إسباني).
• الجنسيات، الأعراق أو الهويات (متل: بريطاني، ياباني، تركي، أمريكي أفريقي، نيجيري).
• الديانات (متل: المسيحية، الإسلام، الهندوسية، البوذية).

اللينكات الكثيرة حتى لو كانت مفيدة

حتى لو اللينكات كانت مليانة معلومات، ممكن تكون زايدة عن اللزوم. لإنو اللينكات الداخلية وقت استخدامها جوات النصوص بتكون صغيرة و ممكن تصعّب التنقل للقُرّاء، خصوصاً إذا عم يستخدمو أجهزة لمس أو عندون تحديات بالحركة. لما تضيف لينكات كتيرة بمقطع واحد، لازم توازن بين سهولة القراءة، المعلومات، و إتاحة الوصول.

من سنة 2024، معظم المقالات القصيرة (stub articles) بتحتوي ع لينكين بكل جملة، يعني تقريباً من 10 لـ 20 لينك بالمجمل. أما المقالات الأطول فبتكون النسبة أقل: حوالي لينك لكل 20 كلمة. القسم التمهيدي بالمقالات بالعادة بيحتوي ع كثافة لينكات أعلى مقارنةً بباقي الأجزاء.

لا تحط لينكات لصفحات بتحوّل مرة تانية لنفس المقالة اللي فيها اللينك (إلا إذا كان اللينك بيربط بقسم محدد من المقالة).

الهدف من إضافة اللينكات هو التوضيح و تسهيل التنقل بين المقالات، مو لتسليط الضوء على كلمة معينة أو لتكريم فكرة معينة. كمان، ما لازم تستخدم لينكات بس لتشد الانتباه أو كنوع من الاحترام.

اللينكات البرانية بالغالب ما لازم تكون ضمن النص الرئيسي للمقالة (شوف ويكيبيديا:اللينكات البرانية).

اللينكات المكررة و المتكررة

لازم تربط المصطلح مرة واحدة بكل قسم كبير من المقالة (major section)، أول مرة بيتم ذكرو. لا تكرر اللينك بأقسام تانية إذا ما كان مهم بالسياق. لكن ممكن تعيد الربط إذا كان مفيد، متل بقوالب المعلومات، الجداول، عناوين الصور، الحواشي، و التنبيهات.

المصادر بتستخدم بشكل منفصل، فما في مشكلة إذا اللينك نفسو إتكرر بأكتر من مصدر بنفس المقالة.

بالقواميس، اللي بيتم الرجوع إلها لتفسيرات مصطلحات، بالغالب مستحسن تكرار اللينكات إذا المصطلحات نفسها مو مذكورة بنفس القسم.

تكرار اللينكات بقوائم مستقلة أو مضمنة بيكون مقبول إذا كان بيساعد القارئ بشكل كبير. هالشي بالغالب بيصير لما تكون القائمة عم تعرض بيانات ممكن تنعرض بشكل جدول، و القارئ متوقع إنو بيدور على تفاصيل محددة ضمن القائمة بدل قراءتها كاملة.

القسم التمهيدي (Lead section)

كتير لينكات ممكن تصعّب قراءة القسم التمهيدي. إذا كانت المقالة تقنية و فيها مصطلحات مش شائعة، ممكن يكون فيه كثافة لينكات أعلى من المعتاد بهالقسم. بهالحالات، حاول تشرح ببساطة بالأول بدون استخدام كتير مصطلحات تقنية، و اتروك التفاصيل لأجزاء لاحقة من المقالة.

معظم المقالات المميزة (Featured Articles) فيها حوالي 12 لـ 25 لينك بالقسم التمهيدي، بمعدل حوالي لينك ونص لكل جملة، أو لينك لكل 16 كلمة تقريباً.

مثال

• بمقالة عن "العرض و الطلب"، أمثلة ع اللينكات:
• لازم تربط "الاقتصاد الجزئي" و "نظرية التوازن العام"، لإنون مصطلحات تقنية و مو كل القُرّاء بيفهمون فوراً.
• فكّر تربط "السعر" و "السلع" إذا كان إلون أبعاد تقنية مرتبطة بالموضوع.
• لا تربط "الولايات المتحدة" لإنو المقالة عن موضوع محدد و ما فيه علاقة مباشرة بينها و بين العرض و الطلب.
• أكيد لا تربط "القمح" لإنو مجرد مثال ع السلع اللي بتتداول بالمقالة.
• إتأكد إنو اللينكات عم توجه للمقالات الصحيحة. بمثالنا، لازم تربط "السلع"، مو "الخير"، لإنو مقالة "خير" بتخص مفهوم فلسفي. كتير كلمات شائعة عندها معاني متعددة بويكيبيديا، و الربط إلها بالغالب ما بفيد القارئ.

وضوح اللينكات

المقالة اللي بتربط إلها لازم تتطابق قدر الإمكان مع المصطلح اللي عم يظهر كاللينك، بحسب السياق.

مثال: اللينك لمقالة Requiem (Mozart) لازم يكون واضح إنو بخص تحديدا قداس الموتى اللي ألّفو موزارت، مو القداسات بشكل عام. لينك الهدف (target) و عنوان اللينك (label) ما لازم يكونو متطابقين حرفياً، بس لازم يكون اللينك مفهوم بأبسط شكل ممكن (شوف § الوضوح).

تحديد اللينكات

لازم دايماً تربط المقالة بأكتر موضوع محدد و مناسب للسياق. المواضيع المحددة بالعادة بتحتوي على معلومات مركزة أكتر و لينكات للمواضيع العامة.

إذا ما كان فيه مقالة عن الموضوع المحدد، فيه عدة خيارات:

• فكّر تكتب المقالة بنفسك.
• إذا المقالة المحددة مو موجودة بعد، أنشئ صفحة تحويل (redirect) بتربط لمقالة بموضوع أوسع. مثلاً، إذا ما كانت فيه مقالة عن أغنية Sad Statue من ألبوم Mezmerize، ممكن تنشئ مقالة اسمها Sad Statue و تكون صفحة تحويل لمقالة Mezmerize.
• إذا حتى الموضوع العام مو موجود، أنشئ لينك أحمر (red link). بس، اقرا § اللينكات الحمرا قبل.

لما ما تكون التحويلات أو اللينكات الحمرا مناسبة، فكّر تربط لمقالة عامة أكتر.

لينكات الأقسام

إذا كانت فيه مقالة فيها قسم خاص عن موضوع معين، اللينك لهالقسم بياخد القارئ مباشرةً للمعلومات المطلوبة. الخيارات المتاحة للينكات الأقسام هي:

• لينكات مدمجة (piped links).
• تحويلات (redirects).
• قالب {{Section link}} اللي كمان بيضيف رمز §.

إتجنب كسر لينكات الأقسام

مشكلة ممكن تصير إذا تغير عنوان القسم لأي سبب، لإنو هالشي بيكسر اللينكات اللي بتشير لهالقسم أو الملخصات. (إذا صار هالشي، اللينكات بتصير تشير تلقائياً لأعلى المقالة).

لمنع هالكسر، الطريقة الموصى فيها هي استخدام قالب {{subst:Anchor}} مع تحديد اسم القسم السابق.

طريقة بديلة و مساعدة هي إضافة تعليق مخفي (hidden comment) بالقسم الهدف متل ، بحيث أي حدا بدو يغير عنوان القسم يعرف يصلح اللينكات اللي بتشير إلو. لكن هالطريقة أضعف لأنها بتعتمد على المحرر اللي بدو يغير العنوان.

التقنيات

إعادة التوجيه

إذا كنت محتاج تربط كلمة "poodle"، و ما فيه مقال عنها لسا، ممكن تعمل إعادة توجيه من "poodle" لـ"dog" بهالشكل: اربطا متل العادة: "هي كانت مالكة [[poodle]]." لما تحفظ أو تعاين، رح تشوف: "هي كانت مالكة poodle." اضغاط على اللينك الأحمر، و رح يتم دعوتك لإنشاء صفحة جديدة لـ"poodle". هون بتكتب (مثلاً) "#REDIRECT [[Dog]]"، بحيث يلي بيضغط على "poodle" حالياً بيننقل مباشرة لمقالة "dog".

الإعادة بهالطريقة أحسن من ربط مباشر متل [[dog|poodle]]، لإنو لما يتم إنشاء مقالة خاصة بـ"poodle" بالمستقبل (بدل إعادة التوجيه)، يلي بيضغط على لينك "poodle" بيننقل تلقائياً لهنيك بدون ما يضطر حدا يراجع اللينكات المرتبطة بـ"dog" ليحدد إذا لازم يتم تعديلها لـ"poodle".

إذا بدك تربط بصفحة إعادة التوجيه بدون ما تتبع إعادة التوجيه نفسها، استخدم مثلاً {{no redirect|poodle}}. و إتجنب الربط بلينكات الإعادة الذاتية.

اللينكات بأنابيب Piped

برغم إنو اللينك الافتراضي بيعرض عنوان المقالة اللي بيتجه إلها، ممكن تختار نص عرض أوضح أو أكتر تحديداً باستخدام خط عمودي (|). مثلاً: [[Henry II of England|Henry II]] بيظهر كـ"Henry II".

بس إتأكد إنو النص بيضل واضح و بيبين شو هو اللينك بدون الحاجة للضغط عليه. فكّر بشو ممكن القارئ يفترض لما يشوف اللينك. مثلاً، لو كان اللينك [[Archery at the 2008 Summer Olympics|Archery]] بيظهر كـ"Archery"، القارئ بالغالب رح يتوقع اللينك يروح لمقالة عامة عن الرماية، مو عن "Archery at the 2008 Summer Olympics".

الاستثناء لهالحالة هو لما يكون السياق واضح إنو اللينك عن مقالة معينة، متل بـ"Template:Events at the 2008 Summer Olympics" كل اللينكات فيها بتتجه لمقالات عن الألعاب نفسها.

الأسلوب

الجمع و أسماء مشتقة تانية: [[apple]]s بتظهر كـ"apples"، و هاد أبسط وأوضح من [[apple|apples]]. نفس الشي: [[appeal]]ing، [[hyperlink]]ed، [[red]]dest. فيه أحرف معينة ما بتشتغل بعد اللينك.

حساسية الأحرف: اللينكات ما بتفرق بين الأحرف الكبيرة و الصغيرة بالأول، فما في داعي لاستخدام خط عمودي إذا الفرق الوحيد بين نص اللينك و عنوان المقالة هو أول حرف.

الوضوح

حافظ على اللينكات اللي بأنابيب بأكبر قدر ممكن من الوضوح. بحسب مبدأ "أقل مفاجأة"، إتأكد إنو القارئ بيعرف شو يتوقع لما يضغط على اللينك. خطط بنية الصفحة و لينكاتها بطريقة منطقية و معقولة.

ما فيه داعي ليتطابق نص اللينك الظاهر مع عنوان المقالة بالضبط، متل بـ[[surgical suture|suture]] أو [[Passing (sports)|passed the ball]]. بس إتجنب "لينكات مفاجئة" أو "تحت السطح"، يلي بتخفي معلومات مهمة ضمن نص اللينك.

كلمات أكتر ضمن اللينك

أحياناً، نقل كلمات تانية ضمن نص اللينك الأزرق بيجنب القارئ المفاجأة.

الأسماء جوا الأسماء

ما لازم تحط لينك لاسم داخل اسم تاني. مثال:

اكتب: [[Columbus Avenue (Boston)|Columbus Avenue]] → Columbus Avenue

لا تكتب: [[Christopher Columbus|Columbus]] Avenue → Columbus Avenue

اكتب: [[Feynman diagram]] → Feynman diagram

لا تكتب: [[Richard Feynman|Feynman]] diagram → Feynman diagram

هاد الشي بينطبق حتى لو كان الربط بالاسم الكامل بيعمل لينك أحمر؛ مثلاً، حتى لو ما فيه مقالة بعنوان "Lafayette Avenue (Brooklyn)":

لا تكتب: [[Gilbert du Motier, Marquis de Lafayette|Lafayette]] Avenue → Lafayette Avenue

اللينكات بأنابيب و إعادة التوجيه

مثلاً، صفحة "Papageno" هي إعادة توجيه لمقالة عن أوبرا موزارت "The Magic Flute" (لأنه Papageno هو شخصية فيها). لما تعدل مقالة تانية، ممكن تحتاج تربط بـ"Papageno". بهالحالة، ممكن تميل لتجنب إعادة التوجيه باستخدام خط عمودي باللينك، متل [[The Magic Flute|Papageno]]. بدل من هيك، اكتوب [[Papageno]] و خلي النظام يتعامل مع الباقي.

هاد الإجراء فيه فائدتين: أولاً، إذا تم كتابة مقالة عن الموضوع المحدد بالمستقبل (بهالحالة "Papageno" الشخصية)، اللينكات ما رح تحتاج تعديلات كبيرة لتناسب المقالة الجديدة؛ إتنين، بيعطي إشارة إنو المقالة مطلوبة.

الاستثناء لهالقاعدة هو وقت الربط بمقالات في "Did you know (DYK)" على الصفحة الرئيسية، حيث يفضل استخدام لينكات بأنابيب لمنع القراء من مشاهدة إشعارات إعادة التوجيه، و خصوصاً لما يكون العرض لفترة قصيرة.

اللينكات بأنابيب وإ عادة التوجيه لأقسام المقالات

متل ما هو موضح فوق، اللينكات لأقسام معينة ممكن تاخذ القارئ مباشرة للمعلومات المهمة.

اللينكات بأنابيب

استخدام لينكات بأنابيب للأقسام بيجنب ظهور النص المو جميل Article#Section name.

تنسيق اللينك بأنابيب هو [[Article#Section|name of link]]. مثلاً، لربط قسم "Culture" بمقالة عمان، اكتوب:

[[Oman#Culture|culture of Oman]]،

و بيظهر كـ"culture of Oman".

اسم القسم حساس لحالة الأحرف، على عكس عناوين المقالات اللي ما بتفرق بين الأحرف الكبيرة و الصغيرة.

و أخيراً، فكر بإضافة تعليق مخفي للقسم الهدف بحيث المحررين بالمستقبل يعرفو إنو لازم يدورو و يعدلو كل اللينكات المرتبطة إذا إتغير عنوان القسم. مثال:

<!-- The article ArticleName links to this section. Should the section's title change, fix now mistargeted wikilinks, or use the {{subst:Anchor|}} template to create an anchor to keep the stability of external incoming links too. -->

قائمة اللينكات المرتبطة ممكن تتولد باستخدام خاصية "What links here". كقاعدة عامة، الأفضل، و خصوصاً إذا كان القسم عليه لينكات كتير، استخدام {{subst:Anchor}} بعنصر HTML الخاص بالعناوين.

اللينك لقسم ضمن نفس المقالة

ممكن ببساطة تضيف رمز "باوند" (#) قبل اسم العنوان ضمن الأقواس المربعة، مثل:

[[#Promotion to rook or bishop|§ promotion to a rook or bishop]].

ابدا النص الظاهر لللينك اللي بيتجه لقسم معين برمز القسم "§".

إعادة التوجيه للأقسام اللي ممكن تصير مقالات

كتير مواضيع مفيدة للربط ممكن تكون حالياً موجودة كأقسام ضمن مقالات ويكيبيديا، بس ممكن تصير مقالات مستقلة بالمستقبل. مثلاً، مقالة "Eastern Anyshire" ممكن يكون فيها قسم صغير بعنوان "History"، لكن هالشي ما بيمنع كتابة مقالة مستقلة بعنوان "History of Eastern Anyshire" بعدين.

صفحة إعادة توجيه من موضوع فرعي لموضوع عام ممكن تكون موجودة مسبقاً؛ و إذا ما كانت، ممكن بيتم إنشائها وقت الحاجة. من الأفضل ما تستخدم تنسيق [[Article#Section]] جوا نص المقالات لإنو بيصعب التنقل إذا تم توسيع القسم ليصير مقالة جديدة. بدل من هيك، اربوط باستخدام إعادة توجيه للموضوع الرئيسي؛ العملية سهلة و بتسهل التطوير.

مثال:

بصفحة إعادة التوجيه المسماة "History of Topic"، استخدم:

#REDIRECT [[Topic#History]].

بمقالة تانية، استخدم:

[[history of Topic]].

إتجنب: [[Topic#History|history of Topic]].

اللينكات إلى تصنيفات ويكيبيديا

ملاحظات إضافية:

شوف كمان: Wikipedia:Colon trick.

ويكيبيديا فيها تصنيفات للمقالات، مثلاً "Phrases". إذا أضفت النص [[Category:Phrases]] بمقالة، المقالة رح تنضاف لتصنيف "Phrases". (ما رح يظهر أي تغيير بالنص الأساسي للمقالة).

إذا بدك تعمل لينك ظاهر لتصنيف معين بدل ما تضيفه، لازم تضيف نقطتين قبل كلمة "Category"، مثل: [[:Category:Phrases]]، والنتيجة بتكون: Category:Phrases.

متل اللينكات العادية، ممكن تستخدم خطوط الربط العمودية (Piping): [[Category:Phrases|Phrases]] والنتيجة بتكون: Phrases.

كمان، ممكن تستخدم القالب {{See also cat}}:

{{See also cat|Phrases}}

و النتيجة بتكون:

See also: Category:Phrases.

اللينكات الحمرا

اللينكات الزايدة بشكل عام هيه مشكلة تنسيقية لإنها بتأثر على قابلية القراءة، و وجود لينكات زرقا كتير ممكن يكون مشتت. اللينكات الحمرا، بالمقابل، بتأثر أكتر لإنها ملفتة أكتر.

بالنصوص، إذا حسيت إنو عدد اللينكات الحمرا زايد، إتذكر إنو اللينكات الحمرا بتشجع على المساهمة. (اللينكات الحمرا الشرعية هي عناوين لمواضيع مهمة لسا ما انكتبت عنها مقالات). بناءً على عدد اللينكات الحمراء المطلوب، إذا كانت كلها ضرورية، تحديد الأولوية بينهم بيكون مساهمة مفيدة.

بالقوائم:

إذا كل العناصر بالقائمة عبارة عن لينكات حمرا، هاد ممكن يعتبر ربط زايد. إذا القائمة موحدة و كل عنصر فيها مؤهل بوضوح يكونلو مقال، لينك واحد أحمر أو أزرق ممكن يكفي للإشارة. بس إذا القائمة مو موحدة، بذل جهد لتحديد كل اللينكات الحمرا الممكنة ممكن يكون استثمار فيه مخاطرة. إزالة اللينكات الحمرا الزايدة الأفضل يتم بواسطة محرر عندو مهارات بالتعامل مع النصوص بشكل أوتوماتيكي.

إزالة اللينكات الحمرا:

• اللينكات الحمراء ممكن تنشال إذا خالفت السياسة أو الإرشادات.
• اللينكات الحمرا ما لها مدة صلاحية، إلا إذا كانت مو شرعية.

إذا كنت مقتنع بزيادة عدد اللينكات الحمرا، فكر بتحويل شوي منها لأزرق. الطرق الممكنة:

1. إنشاء مقالة صغيرة (Stub).
2. إضافة إعادة توجيه.
3. عمل صفحة توضيح.

كل هالخطوات بتحتاج تأكيد إنو اللينك الأحمر كان شرعي أصلاً.

اللينكات الملونة

بالنصوص، إتجنب استخدام اللينكات الملونة لإنها ممكن تخربط المستخدمين و ما تخليون يميزو اللينكات عن النص العادي. شوف كمان إرشادات تحرير المقالات للمزيد عن سهولة الوصول، التباين، و ألوان قوالب التنقل.

التحقق من اللينكات وقت إنشائها

من السهل إنك تعمل لينك غلط بدون ما تنتبه. لما تضيف لينك جديد، الأفضل تستخدم زر "عرض القالب" و بعدين (من العرض) تفتح اللينك بنافذة جديدة للتأكد إنو اللينك بياخدك للمكان الصحيح.

اتّباع تسميات المقالات بويكيبيديا بيزيد فرصة إنو اللينك ياخدك لمقال موجود. و إذا ما كان فيه مقال لسا، اللينك الجيد بيسهل إنشاء مقال جديد بالاسم الصحيح بعدين.

حالات محددة

ربط الشهر و اليوم أو السنة

مقالات الشهر و اليوم (مثلاً 24 شباط و 10 تموز) و مقالات السنة (مثلاً 1795, 1955, 2007) ما لازم يتم ربطها إلا إذا كان الربط إلو علاقة قوية بموضوع المقال اللي فيه اللينك، أكتر من إنو مجرد تاريخ، بحيث الربط يعزّز فهم القارئ للموضوع. على سبيل المثال:

• التاريخ (أو السنة) ما لازم يتم ربطو بجملة متل (من دار أوبرا سيدني): "تم إعلان دار أوبرا سيدني موقع تراث عالمي لليونسكو بتاريخ 28 حزيران 2007"، لإنو محتوى صفحة 28 حزيران أو 2007 قليل إذا مو معدوم العلاقة بمواقع التراث العالمي أو اليونسكو أو دار الأوبرا.
• سنين ولادة و وفاة المعماري فيليب جونسون ما لازم تنربط، لإنو محتوى صفحات 1906 أو 2005 قليل إذا مو معدوم العلاقة بجونسون أو شغلو.
• ممكن الربط مع [[Timeline of World War II (1942)|1942]] من مقال تاني عن الحرب العالمية التانية.
• [[1787 in science|1787]] ممكن تنربط بجملة بتناقش تطور معين بالنظام المتري صار بهالسنة.

لكن، بالمقالات اللي فيها ترتيب زمني بطبيعتها (1789, كانون التاني, أربعينات القرن الماضي)، اللينكات لتاريخ محدد (يوم و شهر، أو شهر و سنة) ما عليها أي مانع.

الأيام التذكارية (متل يوم القديس باتريك) ما بتنحسب كعناصر يوم و شهر بالنسبة للقواعد اللي فوق.

وحدات القياس اللي مو واضحة

بشكل عام، الوحدة لازم يتم ربطها بس إذا كان احتمال كبير إنها تكون مو معروفة لكتير من القراء أو إذا كان الحديث عنها بشكل مباشر. مثلاً، الأونصة الترويسية، البوشل، اليد، القنديلة، العقدة، المو، أو الميليبارن ممكن تعتبر مو معروفة رغم إنها معروفة ضمن مجالات استخدامها. و فيه وحدات تانية ممكن تكون مو معروفة بشوية دول برغم إنها معروفة بدول تانية.

قسم اللينكات البرانية

ويكيبيديا مو عبارة عن مجموعة لينكات، و أي مقال بيتكون بس من لينكات بيكون مخالف لسياسة "ويكيبيديا مو".

الصيغة

صيغة الإشارة لعنوان ويب بسيطة. بس حط اللينك بين أقواس مربعة مع فراغ بين اللينك و النص اللي بيظهر لما يتم معاينة أو حفظ الصفحة:

[https://www.example.org نص للعرض]

النص بيظهر بهالشكل:

نص للعرض

اللينك لازم يبدا بـ http:// أو https:// (يفضّل https:// إذا كان متوفر)، أو أي بروتوكول معروف تاني، مثل ftp:// أو news://. إذا ما تم استخدام أي بروتوكول، الأقواس المربعة بتظهر بشكل عادي – [متل هيك] – و ممكن استخدامها بالطريقة القياسية.

بالإضافة لهالشي، وضع عناوين الويب بالنص العادي بدون أي تنسيق بينتج لينك بشكل تلقائي، مثلاً https://www.example.org/ → https://www.example.org/. بس ممكن هالميزة تنشال بالإصدارات القادمة. لهيك، بحالات لما يكون عرض اللينك بحد ذاته معلومة مهمة، الأفضل استخدام الشكل القصير لللينك (اسم النطاق) كنص اختياري:

[https://www.example.org/ example.org] بيطلع example.org.

ما لازم يتم استخدام قوالب الاستشهاد متل {{cite web}} بقسم ==External links==. قوالب لينكات برانية متل {{official website}} بتستخدم بدل قوالب الاستشهاد.

عناوين اللينكات

اللينكات المدمجة كـ HTML اللي بتكون عنوان ويب بس جوا المقال صارت طريقة قديمة لتوفير مصدر، و بتنكتب بهالشكل:

[https://www.guardian.co.uk/usa/story/0,12271,1650417,00.html] → [1].

لكن، لازم تضيف عنوان وصفي لما تعرض لينك براني سواءً كان بقسم المراجع، أو المزيد من القراءة، أو اللينكات البرانية. هالشي بينعمل بإضافة نص وصفي بعد اللينك و بفصلون بمسافة و حطون كلون بين أقواس مربعة.

مثلاً، لإضافة عنوان للينك متل https://en.wikipedia.org/ (بيظهر كـ https://en.wikipedia.org/)، استخدم الصيغة الجاي:

[https://en.wikipedia.org/ موسوعة مفتوحة المحتوى] (بيظهر كـ موسوعة مفتوحة المحتوى).

بشكل عام، اللينكات و أسماء النطاقات مو كتير مريحة للقراءة و ما بتقدم معلومة مفيدة. الأفضل عرض عنوان أو وصف مفهوم بدل عرض اللينك أو اسم النطاق نفسه.

مثلاً، موقع وكالة الفضاء الأوروبية أفضل بكتير من http://www.esa.int/ESA. ممكن يكون في استثناءات لو كان اسم النطاق معروف كتير أو هو نفسو اسم الشركة أو المنشور.

إذا كان اسم النطاق أو اللينك نفسه معروض، حاول تخليه أبسط قدر الإمكان؛ مثلاً، إذا كان index.html فائض، شيله (لكن إتأكد بمعاينة الصفحة أول).

شوية مواقع ممكن يتم تقصيرها بإزالة "www." بالبداية، جرب لتتأكد. استخدم الأحرف الكبيرة الصغيرة (Camel Case) لتوضيح اسم النطاق، مثلاً WashingtonPost.com بدل washingtonpost.com.

لينكات مدمجة (مرقّمة)

بدون نص اختياري، اللينكات البرانية بتظهر كلينكات مرقمة تلقائياً. مثلاً:

[https://en.wikipedia.org/]

بتظهر هيك:

[2]

اللينكات المرقمة اللي كانت تستخدم بعد علامات الترقيم، مع ذكر المرجع الكامل بقسم المراجع، هالأسلوب صار قديم، لإنو اللينكات ممكن تتعرض للتلف.

الموقع بالمقال

اللينكات المدمجة اللي بتدعم معلومات بالمقال بتنحط بنفس مكان أي مرجع تاني، حسب المعايير العادية لتنسيق المراجع و مكانها بالنسبة لعلامات الترقيم.

اللينكات اللي مو مستخدمة كمصادر ممكن تنضاف بقسم اللينكات البرانية، بهالشكل:

== لينكات برانية ==

* [https://...]

* [http://...]

متل العناوين الرئيسية التانية، لازم يتم استخدام علامتين مساواة لتحديد عنوان قسم اللينكات البرانية.

قسم اللينكات البرانية لازم دايماً يكون آخر قسم بالمقال. بيجي قبل الأقسام الخاصة بالتصنيفات و أنواع معينة من قوالب التنقل.

إذا صار خلاف على مكان لينك مدمج، فكّر بتنظيمو حسب الترتيب الأبجدي.

المواقع بغير اللغة الشامية

صفحات الويب بالشامي مفضلة كتير. الربط لصفحات بغير اللغة الشامية ممكن يكون مفيد للقراء بحالات معينة:

• لما يكون الموقع نفسه موضوع المقال.
• لما يكون اللينك لصفحات فيها خرائط، مخططات، صور، جداول (اشرح المصطلحات الأساسية مع اللينك، ليفهمها الناس اللي ما بيعرفو اللغة).
• لما يحتوي اللينك على معلومات مو موجودة بأي موقع باللغة الشامية بنفس الجودة، و يتم استخدامه كمرجع (أو لما تكون الترجمات الموجودة بمواقع شامية مو موثوقة).

إذا كانت اللغة مو متوقعة لمعظم القراء، أو إذا كانت مو واضحة من اسم المنشور أو الكتاب أو المقال أو عنوان الصفحة، فكّر بتوضيح اللغة اللي فيها الموقع.

• مثال: Koha Jonë، صحيفة باللغة الألبانية من تيرانا.
• مثال: El País، جريدة باللغة الإسبانية من مدريد.

ممكن كمان تشير للغة باستخدام قالب لغة بعد اللينك. هالشي بينعمل باستخدام {{In lang|}}. مثلاً، {{In lang|es}} بيظهر: (بالإسبانية). شوف قائمة أكواد ISO 639.

لما تستخدم واحد من قوالب Citation Style 1 أو Citation Style 2، بدل قالب {{In lang}}، استخدم الوسيط |language=. هالوسيط بيدعم أسماء اللغات أو الأكواد، شوف هالقائمة للأسماء و الأكواد المدعومة. (استخدام الأكواد مفضّل لأن cs1|2 بيظهر أسماء اللغات حسب لغة ويكيبيديا المحلية).

نوع الملف و حجمه

إذا كان اللينك مو لملف HTML أو PDF (الأخير بيتعرف عليه تلقائياً البرنامج مع أيقونة متل هيك: [4])، حدد نوع الملف. فيه قوالب مفيدة متوفرة: {{DOClink}}، {{RTFlink}}. إذا كان بدك مكون إضافي بالمتصفح لعرض الملف، اذكر هالشي كمان.

إذا اللينك كان لصفحة كبيرة كتير (بكل عناصرها، بما فيها الصور)، ملاحظة عن هالشي مفيدة لإنو القارئ اللي عندو اتصال بطيء أو مكلف ممكن يقرر ما يفتحها.

اللينكات بين الويكيات

الربط

باستخدام اللينكات لـ Wiktionary كمثال، اللينكات بين الويكيات ممكن تكون بهالشكل:

[[wikt:article]]  
بتظهر كـ: wikt:article

رمز الخط العمودي (|) بيخفي البادئة:

article → article

إضافة نص بعد الخط العمودي بتسمح بعرض نفس النص أو نص مختلف (بدون بادئة):

[[wikt:article|article]] → article  
[[wikt:article|أي نص]] → أي نص

لتجنب إرباك القارئ، الربط بين اللغات أو بين الويكيات جوا النصوص بالغالب مو محبذ.

الاستثناءات:

• مداخل Wiktionary و Wikisource ممكن يتم ربطها داخل النصوص (مثلاً لكلمة غريبة أو نص وثيقة يتم مناقشتها).
• قالب {{Interlanguage link}} ممكن يكون مفيد لعرض لينك أحمر مرفق بلينك للغات أخرى إذا ما كان المقال موجود بويكيبيديا الإنكليزية.

الصناديق العائمة

الصناديق العائمة لللينكات لمقالات بمشاريع مؤسسة ويكيميديا التانية متل Wiktionary و Wikiquote ممكن إضافتها باستخدام قوالب الشريط الجانبي للربط بين الويكيات، متل {{Wikiquote|Jimmy Wales}}. هالقوالب بتظهر كصندوق مظلل مع شعار.

(فيه مجموعة قوالب مشابهة لشوية مصادر المحتوى الحر اللي مو بتديرها مؤسسة ويكيميديا. بدل إنشاء لينك بالشريط الجانبي، هالقوالب بتنشئ نص مناسب للاستخدام كمدخل ضمن قسم "اللينكات البرانية".

صيانة اللينكات

الربط و التغيير المستمر هن جزء أساسي من ويكيبيديا. لكن التغيير المستمر بيخلي اللينكات عرضة لأعطال تقنية ممكن تحصل بعدين، أو لعرض معلومات مختلفة عن اللي كان مقصود بالبداية. هالشي بيشمل اللينكات "الصادرة" (من المقال) و اللينكات "الواردة" (للمقال).

• اللينكات الصادرة: لازم يتم التحقق منها بين الحين و التاني للتأكد من إنو ما صارت عليها تغييرات مو مرغوب فيها. إذا كانت الفرصة متاحة لتحسين تنسيقها أو مدى ملاءمتها أو تركيزها، لازم هالشي يتم.
• اللينكات الواردة: إنشاء مقال بيحول اللينكات الحمراء الموجودة لعنوانو لزرقا. اللينكات الحمرا الصحيحة بتتعمل بس على أمل إنو ينكتب مقال عنها بالمستقبل. لهيك، لما تنشئ مقال، من الحكمة إنك تشيك على "شو بيربط هون" لتعرف إذا فيه لينكات حمرا بهالعنوان و إذا كانت مناسبة.