Wp/apc/هضبة الجولان
| أرض سورية محتلة من إسرائيل في منطقة في بلاد الشام | |
| الاسم بالإنجليزي Golan Heights | |
 | |
 | |
| الموقع | |
| التقسيم الإداري | مجلس الجولان الإقليمي |
| الإدارية | |
| الدولة | إسرائيل، سوريا، الانتداب الفرنسي على سوريا ولبنان، سوريا |
| جزء من | الأراضي التي تحتلها إسرائيل |
| الموقع الرسمي | |
| الموقع الرسمي | https://www.golan.org.il/ramathagolan/ |
هضبة الجولان هي هضبة بازلتية موجودة بالزاوية الجنوبية الغربية من سوريا. بيحدها من الجنوب نهر اليرموك، و من الغرب بحيرة طبريا و وادي الحولة، و من الشمال جبال لبنان الشرقية و جبل الشيخ، و من الشرق وادي الرقاد. بتعتبر الهضبة من المناطق الغنية بالموارد المائية، لأنو ميتها بتغذي نهر الحاصباني و نهر الأردن.
احتلت إسرائيل وقت حرب الأيام الستة بسنة 1967 حوالي تلتين مساحة الهضبة، و بعدين ضمتها فعلياً بسنة 1981، و هالشي ما اعترفت فيه الأمم المتحدة، اللي ضلت تعتبرها أرض سورية محتلة. بسنة 2024، استولت إسرائيل على التلت المتبقي من المنطقة.
أقدم الأدلة ع وجود الإنسان بالجولان بترجع للعصر الحجري القديم العلوي. كانت الجولان موطن لمملكة جشور التوراتية، و بعدين انضمت لمملكة آرام دمشق، قبل ما تخضع لحضارات مختلفة متل الآشوريين، البابليين، الفرس، الإتوريين، الحشمونيين، الرومان، الغساسنة، و بعدين الخلافات الإسلامية المتعاقبة و سلطنة المماليك. ضلت الجولان تحت الحكم العثماني من القرن 16 حتى انهيار الدولة العثمانية، و صارت بعدين جزء من الانتداب الفرنسي ع سوريا و دولة دمشق بسنة 1923. و مع نهاية الانتداب الفرنسي بسنة 1946، صارت جزء من الجمهورية العربية السورية المستقلة، و مساحتها كانت تقريباً 1800 كم².
بعد حرب الأيام الستة بسنة 1967، احتلت إسرائيل هضبة الجولان و صارت تديرها بشكل كامل. بعد الحرب، سوريا رفضت أي مفاوضات مع إسرائيل، بناء ع قرار الخرطوم بقمة جامعة الدول العربية بسنة 1967. و باتفاقية فك الاشتباك بعد حرب يوم كيبور بسنة 1973، رجعت الإدارة المدنية لتلت الجولان، و من ضمنها القنيطرة لسوريا. بنفس الوقت، بلشت إسرائيل ببناء مستوطنات بالأراضي اللي احتفظت فيها، و ضلت تحت الإدارة العسكرية لحد سنة 1981، لما أقر الكنيست قانون هضبة الجولان، اللي بموجبه طبق القانون الإسرائيلي ع المنطقة. هالإجراء انوصف بالضم، و الأمم المتحدة أدانته بقرارها رقم 497.
التسمية
[edit | edit source]الاشتقاق اللغوي لكلمة "الجولان" بيرتبط بكلمة "أجوال"، اللي معناها المناطق اللي بيثور فيها الغبار. و هالمعنى بيناسب الظاهرة الطبيعية اللي بتصير بالجولان، لما بتصير الرياح قوية و بتثير الغبار، خاصة بآخر الصيف و بداية الخريف. بهالفترة، بتتغير اتجاهات الرياح و بتصير عنيفة و مش منتظمة، و أحياناً بتصير متل الزوابع.
أما تاريخياً، فاسم الجولان مذكور بالمصادر قبل الإسلام. العرب كانو يسمو جبل بالشام باسم "جبل الجولان"، و كان هالجبل جزء من إمارة الغساسنة، و هنن إمارة عربية حكمت جنوب سوريا و تركت آثار واضحة بالمنطقة.
جغرافيا الجولان
[edit | edit source]هضبة الجولان بتطل من الغرب ع بحيرة طبريا و مرج الحولة بالجليل، أما من الشرق فبيشكل وادي الرقاد الممتد من الشمال قرب طرنجة باتجاه الجنوب حتى مصبه بنهر اليرموك حدّ معروف بيفصل بين الجولان و سهول حوران و ريف دمشق. من جهة الشمال، بيشكل مجرى وادي سعار عند سفوح جبل الشيخ الحدود الشمالية للجولان، و بتمتد بين بانياس (منابع نهر الأردن) حتى أعالي وادي الرقاد من جهة الشرق. الحدود الجنوبية بتشكلها مجرى نهر اليرموك المتعرج، و اللي بفصل بين هضبة الجولان و هضبة عجلون بالأردن.
هضبة الجولان بتبعد 60 كم للغرب عن مدينة دمشق، و مساحتها الإجمالية تقريباً 1860 كم²، و بتمتد لمسافة 74 كم من الشمال للجنوب، و أقصى عرض إلها ما بيتجاوز 27 كم.
مصادر
[edit | edit source]- https://www.wsj.com/articles/security-council-denounces-trumps-golan-decision-11553750154
- https://www.aljazeera.com/news/2019/03/trump-formally-recognises-israeli-sovereignty-golan-heights-190325153937336.html
- https://apnews.com/ba302addc3e24e32b76168c5e0488b4c
- https://www.inaturalist.org/places/inaturalist-places.csv.zip
- https://www.inaturalist.org/places/golan-033ba9a7-48b0-42ab-989a-2b7fd6a782ab
روابط برانيه
[edit | edit source]- هضبة الجولان على مُعرِّف موسوعة الإسلام (الطبعة الثانية)
- هضبة الجولان على مُعرِّف موسوعة "تريكاني" (Treccani)
- هضبة الجولان على مُعرِّف موسوعة برولكسيس (Proleksis)
- هضبة الجولان على مُعرِّف موسوعة برولكسيس (Proleksis)
- هضبة الجولان على مُعرِّف الروَّاد (WOFID)
- هضبة الجولان على مُعرِّف موسوعة فسيميرنايا إستوريا
- هضبة الجولان على مُعرِّف موسوعة بريتانيكا على الإنترنت (EBID)
- هضبة الجولان على مُعرِّف علاقة على خريطة الشَّارع المَفتُوحة (OSM)
- هضبة الجولان على مُعرِّف علاقة على خريطة الشَّارع المَفتُوحة (OSM)
- هضبة الجولان على مُعرِّف المَكنَز الفنلندي الشامل (YSA)
- هضبة الجولان على معرف الأنطولوجية الحيوية المفتوحة
- هضبة الجولان على مُعرِّف الموسوعة العالمية
- هضبة الجولان على مُعرِّف الموسوعة الكتالونية الكبرى (GEC)
- هضبة الجولان على مُعرِّف "أشياء هيئة الإذاعة البريطانية" (BBC Things)
- هضبة الجولان على مُعرِّف الموسوعة الليتوانية العالمية على الإنترنت (VLE)
- هضبة الجولان على مٌعرِّف مَكنَز برلمان المملكة المتحدة
 Golan Heights على كورا | |
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Golan Heights | |
|---|---|
| دوليه | |
| وطنيه | |
| جغرافيه | |
| غيرها | |
