Wp/apc/معرة النعمان

معرة النعمان
مدينة في محافظة إدلب في سوريا
الاسم بالإنجليزي Ma'arrat Nu'man
الموقع
عاصمة لـ	منطقة معرة النعمان
التقسيم الإداري	ناحية مركز معرة النعمان
الإدارية
الدولة	سوريا
التاريخية
حدث هام	حصار وادي الضيف الأول، مذبحة معرة النعمان
الحكومة والسياسات
منطقة زمنية	ت ع م+02:00
منطقة زمنية	ت ع م+02:00

معرة النعمان هي مدينة بالشمال الغربي لسوريا، بتتبع إدارياً لمحافظة إدلب، و بتبعد حوالي 33 كم جنوب إدلب و 57 كم شمال حماة. عدد سكانها قبل الحرب كان حوالي 58,008 (حسب إحصاء 2004)، و بسنة 2017 تقدّر عددهم بـ80 ألف، بسبب نزوح ناس من مناطق تانية عليها. موقعها ع طريق حلب - حماة، و قريبة من مدن الميتة (بارة وسيرجيلة).

التسمية

هالمدينة كانت معروفة عند اليونانيين باسم "أرّا" (Arra). اسمها الحالي جاي من الكلمة الآرامية "مَعَرَة" اللي بتعني "كهف"، و متصلة باسم حاكمها المسلم الأول النعمان بن بشير الأنصاري، و هيك صارت تنقال "معرة النعمان" (كهف النعمان). الصليبيين كانو يسمّوها "مارّة". في كتير مدن بسوريا بتبدأ بـ"معرة" مثل معرة مصرين ومعرة صيدنايا.

التاريخ

العباسيين و الفاطميين (891–1086)

حوالي سنة 891، ذكرها اليعقوبي كـ"مدينة قديمة وخرابة" قريبة عن حمص. بس وقت الاصطخري (951) رجعت معمرة و مزدهرة بالزراعة (تين و فستق و عنب). بـ1047، زارها ناصر خسرو و حكى إنها مدينة مليانة سكان، و عندها سور حجري و جامع بوسطها، و أسواقها مزدهرة، حواليها أراضي مزروعة بالتين و الزيتون و الفستق و اللوز و العنب.

مذبحة الصليبيين بمعرة النعمان (1098)

بأواخر 1098، خلال الحملة الصليبية الأولى، حاصرها الصليبيين بقيادة ريمون تولوز وبوهيموند تارانتو. وقتها عانوا من قلة الأكل، و انذكر إنو كم واحد منن صاروا ياكلوا لحوم بشرية من أجساد المسلمين. هالشي مو مشكوك فيه لأن حوالي 12 مؤرخ مسيحي من هداك العصر أكّدوه بطرق مختلفة، و كمان مصدر عربي لمّح إنها بسبب الجوع. في خلاف على إذا صار هالشي أثناء الحصار أو بعده، و اذا كان بس بسبب الجوع ولا كانت محاولة لتخويف المسلمين. بعض الروايات بتحكي إنو الصليبيين أكلوا جثث "الأتراك" و المسلمين بس. علماء مسيحيين فسّروا هالتصرف كحرب نفسية ضد العدو. النتيجة إن سمعة الصليبيين كـ"برابرة مرعبين" خلت كتير حصون و مدن مسلمة تسلّم بدون قتال.

أواخر القرون الوسطى

ابن المقدّم أخد أراضي بمعرة النعمان سنة 1179 بدل تسليم بعلبك لأخ صلاح الدين توران شاه. سنة 1185 مرّ فيها ابن جبير و وصفها مليانة بساتين، و من أخصب الأراضي. ابن بطوطة زارها 1355، قال إنها بلدة صغيرة، و مشهورة بالتين و الفستق يلي بينباع لدمشق.

الحرب الأهلية السورية

صارت معرة النعمان مركز احتجاجات ضد نظام بشار الأسد بـ2 حزيران 2011. بـ25 تشرين الأول 2011 صارت اشتباكات بين منشقين و النظام ع حواجز ع طرافها. الجيش الحر سيطر بين كانون الاول 2011 و كانون التاني 2012، و بعدين النظام رجعها، و بـ10 حزيران 2012 الجيش الحر سيطر عليها مرّة تانية، لحد اب لما جيش النظام رجع اخدها. بتشرين الاول ب2012، المعارضة (الجيش الحر) انتصرت بعد معركة معرة النعمان، و استفادوا من موقع المدينة الاستراتيجي ع طريق دمشق-حلب. صارت معركة تانية بـ8 تشرين الاول 2012 راح فيها ضحايا مدنيين كتار و دمرت أجزاء كبيرة من المدينة. فرقة 13 كانت موجودة هنيك. بـ15 شباط 2016، انضربت مستشفى فيها بصواريخ. المستشفى تعرّضت للقصف كمان بنيسان و ايلول 2017، و بكانون التاني 2018. بـ19 نيسان 2016، ضربات جوية للنظام قتلت 37 شخص، وجرحت العشرات. بـ2016، سيطرت عليها هيئة تحرير الشام، بس صار في احتجاجات مدنية ضدهن كزا مرة. بتشرين الاول من 2017، صار في مجزرة كبيرة راح فيها العشرات بقصف ع سوق المدينة. بـ21 شباط 2018، أخدت "جبهة تحرير سوريا" المدينة من "هيئة تحرير الشام". بـ22 تموز 2019 صار قصف ضخم ع سوق بالمدينة، تسبب بمقتل 43 مدني وجرح 109. بـ28 كانون الثاني 2020، قوات النظام سيطرت عليها ضمن هجوم بالشمال الغربي. بس بـ30 تشرين الثاني 2024، رجعت المعارضة أخدتها بعملية جديدة.

المعالم

فيها متحف فيه لوحات فسيفسائية من المدن الميتة القريبة، و فيها جامع كبير، و مدرسة بناها أبو الفوارس سنة 1199، و كمان في بقايا قلعة تاريخية. هي كمان مسقط رأس الشاعر المشهور أبو العلاء المعري (973–1057).

المناخ

مناخ المعرة متوسطي بصيف شوب (Csa حسب تصنيف كوبن). بيكون الصيف فيها شوب و ناشف و الشتا معتدل و ماطر.

روابط برانيه

• معرة النعمان على مُعرِّف قاعدة البيانات الحرة (Freebase)
• معرة النعمان على تصنيف ديوي العشري (DDC)
• معرة النعمان على مُعرِّف الروَّاد (WOFID)
• معرة النعمان على مُعرِّف سنارك (SNARC)
• معرة النعمان على مُعرِّف الأسماء الأرضية (GeoNames)
• معرة النعمان على معرف ميزة GNS
• معرة النعمان على مُعرِّف مكان في المتحف الرقمي
• معرة النعمان على مُعرِّف فيسبوك
• معرة النعمان على مُعرّف عقدة في خريطة الشارع المفتوحة (OSM)

Ma'arrat Nu'man على مواقع التواصل الاجتماعي

Ma'arrat Nu'man على فيسبوك

معرة النعمان على المشاريع الشقيقة