Wp/apc/مصياف
| مدينة في غرب سوريا تابعة لمحافظة حماة | |
| الاسم بالإنجليزي Masyaf | |
 | |
| الموقع | |
| عاصمة لـ | منطقة مصياف |
| التقسيم الإداري | ناحية مركز مصياف |
| الإدارية | |
| الدولة | سوريا |
| الحكومة والسياسات | |
| منطقة زمنية | ت ع م+02:00 |
| منطقة زمنية | ت ع م+02:00 |
مصياف مدينة سورية موقعها جنوب غرب مدينة حماة، و بتبعد عنها حوالي 48 كم. ارتفاعها عن سطح البحر تقريباً 450 متر، و موقعها ع تقاطع خط الطول 36 شرق مع خط العرض 35 شمال. حواليها مجموعة جبال، أهمها جبل المشهد اللي ارتفاعه حوالي 1027 متر، و جبل عين (الخنازير) اللي ارتفاعو حوالي 779 متر. موقع المدينة متوسط بين الجبال الساحلية و السهول الداخلية بسوريا، و معروفة إنو فيها هوا قوي و سرعة عالية للرياح.
من زمان كان اسمها مصياد بسبب كترة الصيد فيها، و انقالت أساميها مع الوقت لـ مصيات، و باللهجة العامية اليوم بينقال الها مصييت.
تاريخ
[edit | edit source]قلعة مصياف هي الأشهر بالمدينة، و موقعها بالنص فوق كتلة صخرية ممتدة من الشمال للجنوب. القلعة بيرجع تاريخها للمرحلة الرومانية و البيزنطية، و كانت قاعدة عسكرية مهمة لتأمين الطرق العابرة من الساحل للداخل، غير إنها كانت جزء من شبكة مواصلات رئيسية للرومان و البيزنطيين.
أهمية القلعة مو بس عسكرية، كمان اقتصادية، لإنها كانت نقطة عبور للقوافل التجارية، و بتأمن الطريق لعدة مناطق متل:
- طرابلس الشام عن طريق وادي النصارى، حصن سليمان، و برج صافيتا.
- أنطاكية عبر قلعة أبو قبيس و حارم.
- البقاع اللبناني عن طريق قلعة عكار.
- حمص عبر قلعة بعرين و سهل حمص.
- حلب عن طريق برج جرجرة، حماة، و معرة النعمان.
القلعة محاطة بسور دفاعي، و لسا معظم أجزائها الشرقية موجودة، أما الجهات التانية فاختلط السور مع الأبنية المجاورة. كان إلها أربع أبواب، كل باب باسمو حسب الاتجاه، بس اليوم ضايل منها باب واحد محافظ ع شكلو.
بـ غرب المدينة، ع قمة جبل قريب من جبل المشهد، موجودة قلعة القاهر، اللي انبنت بزمن سنان راشد الدين، و بفترتو كانت الأوضاع مستقرة، و اجتذب لمصياف كتير من الفلاسفة، الشعرا، و الدعاة متل مزيد الحلي، نور الدين أحمد، محمد الرفني، و حسن البزاعي.
قلعة مصياف
[edit | edit source]قلعة مصياف هي من أهم معالم المدينة التاريخية، و أخدت اهتمام دولي، و من سنة 2000 قامت مؤسسة الآغا خان للثقافة بمشروع ترميم و تأهيل القلعة، و كمان تدريب كوادر محلية عليها.
المشروع شمل:
- إعادة استخدام شوية أجزاء من القلعة كمركز للزوار و السياح.
- تخصيص صالة معارض داخل القلعة.
- تزويد القلعة بالمرافق الضرورية و الخدمات، حتى تكون مهيئة لاستقبال السياح بشكل مناسب.
الاقتصاد
[edit | edit source]مدينة مصياف بتعتمد ع التجارة، و بالسوق الرئيس و السوق الصغير فيها عدد كبير من المحلات اللي بتبيع مختلف السلع لسكان القرى، متل الألبسة، الأطعمة، و الخدمات.
كمان أهل مصياف بيعتمدو ع الوظايف العامة، و فيها معمل كبير للأحذية، و معمل صغير للسجاد، و قطع عسكرية للجيش السوري، و مركز تدريب عسكري لجيش التحرير الفلسطيني.
أما القرى التابعة لمصياف فبتعتمد ع الزراعة، و خصوصي الزيتون، التين، العنب، و الخضراوات.
مصادر
[edit | edit source]روابط برانيه
[edit | edit source]- مصياف على مُعرِّف مَكنَز الثُّريَّا (Pleiades)
- مصياف على تصنيف ديوي العشري (DDC)
- مصياف على مُعرِّف الروَّاد (WOFID)
- مصياف على مُعرِّف موضوع في موقع كيورا
- مصياف على مُعرِّف سنارك (SNARC)
- مصياف على مُعرِّف الأسماء الأرضية (GeoNames)
- مصياف على مُعرِّف فيسبوك
- مصياف على معرف ميزة GNS
- مصياف على معرف أين على الأرض
- مصياف على مُعرِّف قاعدة البيانات الحرة (Freebase)
- مصياف على مُعرِّف "غروف" للفنِّ على الإنترنت (Grove)
 Masyaf على فيسبوك | |
 Masyaf على كورا | |
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Masyaf | |
|---|---|
| وطنيه | |
| جغرافيه | |
