Wp/apc/محافظة دير الزور

محافظة دير الزور
محافظة سورية
الاسم بالإنجليزي Deir ez-Zor Governorate
الموقع
التقسيم الإداري	سوريا
العاصمة	دير الزور
الإدارية
الدولة	سوريا
التاريخية
حدث هام	هجوم دير الزور، حصار دير الزور
الحكومة والسياسات
منطقة زمنية	ت ع م+02:00
منطقة زمنية	ت ع م+02:00، ت ع م+03:00

محافظة دير الزور (يلي بينقال كمان "الدير" باللهجة السورية) محافظة سورية موجودة بشرق البلد ع نهر الفرات. عاصمتها مدينة دير الزور، و هي أكبر مدينة فيها، و بتتبعلها مدن تانية متل الميادين، البوكمال، القورية و العشارة. بتحدّ العراق من الجهة الشرقية، محافظة الحسكة من الشمال، محافظة الرقة من الغرب، و محافظة حمص من الجنوب. مساحتها 33,060 كم² و عدد سكانها حوالي 1,239,000 حسب تقديرات 2011. المنطقة مقسمة تقريباً بالنص من الشمال الغربي للجنوب الشرقي من نهر الفرات. أغلب الأراضي يلي على الضفة اليسار (الشمالية الشرقية) من النهر هي جزء من الإدارة الذاتية لشمال وشرق سوريا (قسد)، بينما الأراضي على الضفة اليمين (الجنوبية الغربية) تحت سيطرة الحكومة السورية الانتقالية.

تاريخ

محافظة دير الزور فيها عدد من أهم المراكز الأثرية بسوريا و المشرق، و من أوائل الحضارات يلي قامت فيها. المختصين بيعتقدوا إنو الزراعة بدأت من هالمنطقة من آلاف السنين بشكلها البدائي، قبل حوالي 12 ألف سنة. كتير في اثار موجودة بالدير، و بتعود لتجمعات بشرية قديمة من مرحلة يلي قبل الحضارة. فيها كمان تطور نظام المدن و تخطيطها في الحضارات السورية القديمة، و في آثار من فجر الحضارة البشرية متل بقرص (الألف السابع قبل الميلاد) و دور ختليمو (الألف الرابع قبل الميلاد) و ماري. كمان، موجودة ممالك-مدن آشورية و بابلية و حضارات سورية قديمة و كمان مواقع رومانية وإسلامية.

بنفس موقع دير الزور الحالية، كان في أكتر من خمس مدن عبر التاريخ، و هالمدن مدمرة و مجهولة التاريخ، لأنو التل تهدم عام 1968. في أواخر القرن التاسع عشر تأسست مدينة دير الزور الحالية على تل دير العتيق. و في عام 1865، تم فصل المدينة عن حلب و تأسست متصرفية الزور، يلي امتدت من بالس شرقا لحد منبج غرباً و تدمر جنوباً و ديار بكر شمالاً. احتلها الفرنساويين سنة 1921 و خلوها تكون مقر لحامية عسكرية كبيرة على الفرات كجزء من سوريا حسب اتفاقية سايكس-بيكو و سان ريمو. في 1946 صارت جزء من الدولة السورية المستقلة.

المساحة و السكان

مساحة محافظة دير الزور بتبلغ شي 33.06 ألف كم مربع، يعني 17.9% من مساحة سوريا، و هي تاني أكبر محافظة من ناحية المساحة بعد محافظة حمص. عدد المواطنين المسجلين في سجلات الأحوال المدنية مع بداية عام 2007 كان شي 1,600,000 نسمة، وبيشكلوا 7% من سكان سوريا، بكثافة سكانية 27 نسمة/كم مربع (حسب إحصائيات 2007). أهل الريف هنن 50% من السكان. نسبة القوة العاملة من إجمالي السكان حوالي 37%، منن 44% من النساء، و بيشتغلوا بشكل رئيسي باالزراعة، بنسبة 7% بالصناعة و26% بالخدمات. عدد سكان مدينة دير الزور حوالي 500 ألف نسمة حسب إحصائيات الربع الأول من عام 2010.

التقسيم الاداري

المحافظة مقسمة لتلات مناطق، و كل منطقة بتنقسم لكزا ناحية (نواحي):

1. منطقة دير الزور (7 نواحي):
   • ناحية دير الزور
   • ناحية الكسرة
   • ناحية البصيرة
   • ناحية الموحسن
   • ناحية التبني
   • ناحية خشام
   • ناحية الصور
2. منطقة أبو كمال (4 نواحي):
   • ناحية أبو كمال
   • ناحية هجين
   • ناحية الجلاء
   • ناحية السوسة
3. منطقة الميادين (3 نواحي):
   • ناحية الميادين
   • ناحية دبيان
   • ناحية العشارة

مصادر

• http://www.cbssyr.sy/yearbook/2011/Data-Chapter2/TAB-3-2-2011.htm
• https://www.inaturalist.org/places/inaturalist-places.csv.zip

روابط برانيه

• محافظة دير الزور على مُعرِّف قاعدة البيانات الحرة (Freebase)
• محافظة دير الزور على تصنيف ديوي العشري (DDC)
• محافظة دير الزور على مُعرِّف الروَّاد (WOFID)
• محافظة دير الزور على معرف مدينة في خريطة الطقس المفتوحة
• محافظة دير الزور على مُعرِّف الأسماء الأرضية (GeoNames)
• محافظة دير الزور على معرف ميوزك برينز للأماكن
• محافظة دير الزور على معرف ميزة GNS
• محافظة دير الزور على مُعرِّف مَكنز "غيتي" للمُصطلحات الجغرافية (TGN)
• محافظة دير الزور على معايير معالجة المعلومات الفيدرالية 10-4 (للبلدان والمناطق)
• محافظة دير الزور على مُعرِّف مكان لدى موقع "أنا عالم طبيعي" (iNaturalist)
• محافظة دير الزور على مُعرِّف مكان في المتحف الرقمي
• محافظة دير الزور على مُعرِّف علاقة على خريطة الشَّارع المَفتُوحة (OSM)
• محافظة دير الزور على مُعرِّف لكس في ييل
• محافظة دير الزور على مُعرِّف فيسبوك

Deir ez-Zor Governorate على مواقع التواصل الاجتماعي

Deir ez-Zor Governorate على فيسبوك

محافظة دير الزور على المشاريع الشقيقة