Wp/apc/مجدل شمس
| قرية درزية في مرتفعات الجولان تحتلها إسرائيل | |
| الاسم بالإنجليزي Majdal Shams | |
 | |
| الموقع | |
| التقسيم الإداري | شمال إسرائيل |
| الإدارية | |
| الدولة | سوريا |
| الموقع الرسمي | |
| الموقع الرسمي | http://www.majdal.co.il/ |
مجدل شمس هي أكبر القرى بالجولان السوري، موجودة ع السفح الجنوبي لجبل الشيخ و خاضعة حالياً للاحتلال الإسرائيلي،
بترتفع عن سطح البحر تقريباً 1200 متر.
بأيام الحكم العثماني، كانت مجدل شمس مع باقي إقليم البلان تابعة لمحافظة جبل لبنان قضاء راشيّا، و بعد الانتداب الفرنسي صارت تابعة لمحافظة دمشق بسوريا، و بعد استقلال سوريا صارت القرية تابعة لمحافظة القنيطرة السورية.
إتصنّفت مجدل شمس بالعنقود الاجتماعي-الاقتصادي تلاتة (من عشرة) بسنة 2019. عدد سكانها بسنة 2021 كان 11405. نسبة الدروز من مجمل سكان البلدة بتوصل لـ 99.9 بالمية.
التاريخ و أصل التسمية
[edit | edit source]تسميتها راجعة للعهد الفينيقي، و ممكن يكون مصدر التسمية بالآرامية، و معناها بالعربي "برج الشمس". لاقو بمجدل شمس آثار لمعبد فينيقي لتقديس إله الشمس و معصرة زيتون، و بيعتقدو إنو الملك حيرام، ملك صور، هو اللي أمر ببناء معبد للشمس بهالمكان بعد ما كان برحلة صيد بجبل حرمون. و بعد العهد الفينيقي تحولت لخربة و ضلت مهجورة لآخر القرن 13 الميلادي، لما وصل عليها عبر فلسطين تلات إخوة من عيلة فرحات و هنن من أصول مصرية، و بعد دخول المماليك بقيادة الظاهر بيبرس لمدينة صفد، هاجرت بعض العائلات التانية من الدروز و المسيحيين الأرثوذكس لمجدل شمس.
الاحتلال الإسرائيلي
[edit | edit source]بعد حرب 1967، احتلت إسرائيل مرتفعات الجولان، و من ضمنها مجدل شمس، و القرية بعدها لهلأ تحت الاحتلال. من سنة 1967 لحد 1982 كانت مجدل شمس تحت الحكم العسكري الإسرائيلي، و من بعدها، و بموجب قرار ضم الجولان، صارت تحت الحكم المدني. بعد الاحتلال، بلشت "إسرائيل" ببناء المستوطنات اليهودية ع الأراضي السورية، بعد ما هجّرت 163 قرية و مزرعة، و اللي بقي منهن مجدل شمس و مسعدة و بقعاثا و عين قنية و الغجر.
اليوم عدد اللاجئين السوريين (أو النازحين) من الجولان المحتل تقريباً نص مليون.
حسب القانون الدولي و منظمات حقوق الإنسان، تعتبر مجدل شمس قرية سورية تحت الاحتلال الإسرائيلي، و الحكم الإسرائيلي و القوانين الإسرائيلية المطبقة فيها مو شرعية و مخالفة للقوانين الدولية، و هالشي يعتبر انتهاك لحقوق الإنسان.
مصادر
[edit | edit source]روابط برانيه
[edit | edit source]
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Majdal Shams | |
|---|---|
| وطنيه | |
