Wp/apc/عفرين
| مدينة سورية | |
| الاسم بالإنجليزي Afrin | |
 | |
| الموقع | |
| عاصمة لـ | منطقة عفرين، ناحية مركز عفرين |
| التقسيم الإداري | ناحية مركز عفرين، مقاطعة عفرين، مقاطعة عفرين |
| الإدارية | |
| الدولة | سوريا، الانتداب الفرنسي على سوريا ولبنان |
| الموقع الرسمي | |
| الموقع الرسمي | https://afrinmeclis.com/ |
| الحكومة والسياسات | |
| منطقة زمنية | توقيت شرق أوروبا |
| منطقة زمنية | توقيت شرق أوروبا |
عفرين (بالكردي:Efrîn) مدينة فيها اغلبية كردية بشمال سوريا، بتتبع لمحافظة حلب، و هي مركز منطقة و ناحية عفرين. عدد سكان منطقة عفرين كان حوالي 172,095 (إحصاء 2020)، منهم 70 ألف عايشين بمدينة عفرين نفسها. بيقسم نهر عفرين المدينة لنصين. بآذار 2018، بعد عملية "غصن الزيتون"، انسحبت "وحدات حماية الشعب" من عفرين يوم 17، و باليوم التالي 18 آذار أخدها "الجيش الوطني السوري" المدعوم من تركيا، و صارت تحت السيطرة التركية. في ناس نزحوا لما "قوات سوريا الديموقراطية" انسحبت، بس تقديرات بتقول إنو حوالي 50-70 ألف بقوا جوا عفرين.
التاريخ
[edit | edit source]ع بعد شي 8 كم جنوب عفرين في موقع أثري اسمو "عين دارة" (من العصر السوري-الحيثي)، و كمان ع طراف المدينة في لوحة لوية من القرن 9 أو 8 قبل الميلاد (اسمها "ستيل عفرين"). المدينة كانت تحت حكم الآشوريين و البابليين و الفرس و السلوقيين عبر تاريخها. بسهل عفرين كان في موقع عسكري رومي بـ"كيروس" لمواجهة الأرمن. بالقرن الرابع صارت عفرين تعتبر انها مركز مهم للمسيحية. صارت عفرين جزء من الدولة الإسلامية بعد فتح الشام (637 م). الاسم كان "اوينوباراس" بالعصر السلوقي، و صار "افرينوس" و بعدين "عفرين". بالحكم العثماني، القرن 16-17 بيشهد تواجد كردي بحسب شهادات أوروبية بتتكلم عن قبائل "بتعبد الشيطان" غالباً إيزيديين. بالقرن 18 كان بينقال عن المنطقة سنجق الكرد بالوثائق العثمانية. صارت جزء من "ولاية حلب" بالانتداب الفرنسي، و بسنة 1939 انفصلت إسكندرون عن سوريا و ضلت عفرين. اندلعت مظاهرات فيها، خصوصاً 2004 و قمعتها الحكومة. مع انسحاب الحكومة السورية 2012، استلمتها "وحدات حماية الشعب" الكردية و صارت جزء من "كانتون عفرين" التابع للإدارة الذاتية بشمال شرق سوريا. اتهمت منظمات حقوقية هالقوات بقضايا متل التجنيد القسري و الاعتقالات وغيرها. 20 كانون التاني 2018، تركيا بلشت عملية غصن الزيتون بذريعة إنو الإدارة الكردية "إرهابية". قصفوا كتير مناطق بعفرين، و دمروا معبد "عين دارة" الأثري جزئياً. بـ 18 آذار 2018 دخلوا عفرين، و هرب جزء من المدنيين، و اقتلعوا التماثيل الكردية. هلق تركيا بتديرها مع فصائل تابعة لإلها. تحكي تقارير أممية عن فوضى و انتهاكات من كم فصيل بالمنطقة. أمنيستي قالت إنو تركيا عم تتفرّج ع جرائم خطيرة ضد المدنيين، متل اعتقال تعسفي و سرقة ممتلكات. 28 نيسان 2020 صار تفجير بعفرين، قتل 40 منن 11 طفل، و تركيا اتهمت الYPG. ب تشرين الاول من 2022 دخلت "هيئة تحرير الشام" ع عفرين لما كان في اقتتال داخلي بين الفصائل، و بعدين انسحبت. بشباط 2025 دخلت جماعة تابعة للحكومة الجديدة (اسمها "قوات الأمن العام") على عفرين.
الصحة
[edit | edit source]قبل آذار 2018 كان فيها 4 مشافي. بعد سيطرة تركيا اتطوّر الوضع الصحي شوي، و حطوا أجهزة غسيل كلى و كزا كادر طبي تركي و سوري.
التعليم
[edit | edit source]2015 فتحت "جامعة عفرين" ببرامج هندسة و اقتصاد و لغات و غيرها، بس سكرت 2018 بعد دخول تركيا. 2019 أعلنت تركيا عن فتح كلية تربية تابعة لجامعة غازي عنتاب بعفرين. من وقتها المدرسين منهاجهم تركي. الإعلام حكى عن مدارس صارت "إمام خطيب" (نمط ديني تركي).
الاقتصاد
[edit | edit source]رمز عفرين هو شجرة الزيتون، و أراضيها معروفة بالزيت و الزيتون. بعد سيطرة تركيا، بينقال إنو محصول الزيت صار يتنهب و يتصدّر لتركيا. كتير ناس حكت عن مصادرة الزيتون منّن. كان فيها معاصر زيتون و معامل نسيج و غيرها. هلق بس مسجلين بتركيا هي اللي تشتغل. فتحوا معبر اتسمى "غصن الزيتون" ع الحدود.
البنية التحتية
[edit | edit source]تركيا حاولت تعيد الكهرباء و ترمّم السدّ "ميدانكي" لتأمين مية الشرب. ب13 كانون التاني 2019 رمّموا السدّ و وفّروا المي للمدينة.
المناخ
[edit | edit source]عفرين مناخها متوسّطي صيفها شوب و جاف و شتا معتدل ممطر مع شوية تلج. معدل الحرارة بالشتا حوالي 9، و بالصيف بحدود 34.
مصادر
[edit | edit source]روابط برانيه
[edit | edit source]- عفرين على مُعرِّف قاعدة البيانات الحرة (Freebase)
- عفرين على تصنيف ديوي العشري (DDC)
- عفرين على مُعرِّف الروَّاد (WOFID)
- عفرين على مُعرِّف موضوع في موقع كيورا
- عفرين على مُعرِّف سنارك (SNARC)
- عفرين على مُعرِّف الأسماء الأرضية (GeoNames)
- عفرين على معرف ميزة GNS
- عفرين على مُعرّف عقدة في خريطة الشارع المفتوحة (OSM)
- عفرين على مُعرِّف دي أجوستيني (De Agostini)
- عفرين على مُعرِّف "أشياء هيئة الإذاعة البريطانية" (BBC Things)
- عفرين على مُعرِّف فيسبوك
 Afrin على فيسبوك | |
 Afrin على كورا | |
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Afrin | |
|---|---|
| دوليه | |
| وطنيه | |
