Wp/apc/طرطوس

طرطوس
مدينة سورية على ساحل البحر المتوسط
الاسم بالإنجليزي Tartus
معلومات عامة
سُمِّي باسم	أرواد
توأمة مع	طرطوشة
الموقع
عاصمة لـ	محافظة طرطوس
التقسيم الإداري	ناحية مركز طرطوس
الإدارية
الدولة	سوريا، الانتداب الفرنسي على سوريا ولبنان
الموقع الرسمي
الموقع الرسمي	http://www.tartous-city.gov.sy/
الحكومة والسياسات
رمز الهاتف	43
لغة رسمية	العربية

طرطوس هي مدينة ساحلية كبيرة على البحر الأبيض المتوسط بسوريا. و هي تاني اكبر مدينة ع الساحل بعد اللاذقية، وهي أكبر مدينة بمحافظة طرطوس. لحد السبعينات، كانت طرطوس تابعة لمحافظة اللادقية بس بعدين صارت محافظة لحالها. عدد سكانها حوالي 458,327 نسمة (حسب تقديرات 2023). بالصيف، بتكون مشهورة كتير للسياحة، وفيها كتير منتجعات ومجمعات سياحية. المينا كان فيها قاعدة بحرية روسية صغيرة.

الأسم

اسم طرطوس مشتق من اليونانية القديمة: Αντιάραδος (أنتي أرادوس او انطرادوس) وبيعني "المدينة المقابلة لأرادوس" يلي هيه جزيرة ارواد. باللاتينية صار اسمها Tortosa (تورتوسا او طورطوسا)، و صار اسمها طرطوس بالعربي.

التاريخ

أنطارادوس الفنيقية

طرطوس كانت مستوطنة فينيقيّة تابعة لأرواد،. ما ضل منها آثار كتير، لأن أرواد وعمريت كانوا أهمّ وأكبر بوقتها.

الإغريق والرومان والبيزنطيين

بالزمن الروماني، كانت معروفة باسم أنطارادوس،. الإمبراطور قسطنطين الكبير فضّلها لأنها كانت مرتبطة بعبادة السيدة مريم، ويقال انو اول كنيسة بالساحل السوري مكرسة للعدرا انبنت فيها بالقرن التالت الميلادي.

العهد الأسلامي

بسنة 636، صارت طرطوس تحت الحكم الإسلامي لما عبادة بن الصامت فتحها خلال الفتوحات. بعدين، معاوية بن أبي سفيان جهّز فيها منشآت عسكرية وساوا فيها حاميات، وصارت محطة تجارية مهمة بين المسلمين والمسيحيين.

الحملات الصليبية

وقت الصليبيين، المدينة صارت اسمها تورتوسا، واحتلوها بسنة 1099. بنوا فوق كنيسة بيزنطية قديمة كاتدرائية كبيرة، وصارت مركز مهم الن. ب 1152، صارت قاعدة لفرسان الهيكل، و بنوا قلعة قوية فيها. بعدين، صلاح الدين رجعها للحكم الاسلامي ب 1188، بس بقيت بعض القوات الصليبية بالقلعة حتى 1291، وقت ما اخدوها المماليك.

العثمانيين

بزمن العثمانيين، رجعت طرطوس تاخد أهميّة تجارية بسبب موقعها، خصوصًا مع قبرص وأوروبا. محمد علي باشا سيطر عليها ب 1832 وقت ما مصر احتلت الشام، بس العثمانيين رجعوها بعد فترة بدعم إنجليزي. ب 1840، الإنجليز هاجموا القلعة بس ما قدروا ياخدوها، وضلت المدينة مع العثمانيين لحد الثورة العربية ب 1918.

الزمن الحديث

بالحرب السورية، طرطوس بقيت تحت سيطرة النظام و ما صار فيها معارك كبيرة. ب 2016، صار تفجير إرهابي بمحطة الباصات وقتلوا عشرات الأشخاص. ب 2024، بعد سقوط النظام، إسرائيل ضربت المدينة بغارات جوية استهدفت مواقع عسكرية، و كان الانفجار قوي لدرجة انو حسوا كأنو صار هزة أرضية مسجلة بالساحل، وكانت من أعنف الضربات من 2012.

السكّان

طرطوس فيها حوالي 460،000 نسمة، اغلبن من الطائفة العلوية بس في اقلية مسيحية كبيرة. بالمحافظة في كمان سنّة منيح، بالبيضا وبانياس. ب 2011، كانو 69% من سكّان المحافظة علويين، و 18% من السنّة، و 7% من الشيعة السمعولية و 6% من المسيحيين.

مصادر

• https://islamansiklopedisi.org.tr/tartus
• https://service.unece.org/trade/locode/sy.htm

روابط برانيه

• طرطوس على مُعرِّف موسوعة تريسكاني الإيطالية (EI)
• طرطوس على مُعرِّف قاعدة البيانات الحرة (Freebase)
• طرطوس على مُعرِّف الروَّاد (WOFID)
• طرطوس على مُعرِّف موسوعة بريتانيكا على الإنترنت (EBID)
• طرطوس على مُعرِّف الأسماء الأرضية (GeoNames)
• طرطوس على معرف ميزة GNS
• طرطوس على Enciclopedia dell'Arte Medievale ID
• طرطوس على معرف قائمة في التراث العالمي المؤقت
• طرطوس على مُعرِّف الأطلس الرَّقميُّ للإمبراطورية الرُّومانيَّة (DARE)
• طرطوس على رمز الأمم المتحدة للتجارة ومواقع النقل
• طرطوس على معرف فيشي.أورج
• طرطوس على مُعرّف عقدة في خريطة الشارع المفتوحة (OSM)
• طرطوس على مُعرِّف مكان في المتحف الرقمي
• طرطوس على معرف أين على الأرض
• طرطوس على مُعرِّف مَكنَز الثُّريَّا (Pleiades)
• طرطوس على مُعرِّف فيسبوك

Tartus على مواقع التواصل الاجتماعي

Tartus على فيسبوك

طرطوس على المشاريع الشقيقة

صور و ملفات صوتية من كومنز على كومنز