Wp/apc/طرابلس (لبنان)
| مدينة لبنانية | |
| الاسم بالإنجليزي Tripoli | |
 | |
_OSM_03.png) | |
| معلومات عامة | |
| توأمة مع | لرنقة، المنامة، عين تاب |
| الموقع | |
| عاصمة لـ | محافظة الشمال |
| التقسيم الإداري | محافظة الشمال، قضاء طرابلس |
| الإدارية | |
| الدولة | لبنان |
| الموقع الرسمي | |
| الموقع الرسمي | http://tripoli-lebanon.org/ |
| الحكومة والسياسات | |
| رمز الهاتف | 06 |
طَرابلس أو طرابلس الشام هي مدينة لبنانية عاصمة محافظة الشمال و بيكنوها بالفيحاء. هي تاني أكبر مدينة بلبنان بعد العاصمة بيروت. تاريخياً انقال عنها اسم "طرابلس الشام" لحتى يميزوها عن طرابلس الغرب، لإنو كانت المدينة تابعة لسوريا الكبرى قبل سنة 1948.
طرابلس بتبعد حوالي 85 كيلومتر عَ الشمال من بيروت و حوالي 40 كيلومتر عَن الحدود السورية. المدينة بيمتزج فيها الحاضر بالتاريخ. و كانت معروفة من زمان بموقعها الجغرافي المميز لإنها بتربط بين الشاطئ الشرقي للبحر الأبيض المتوسط و الداخل السوري و العربي، و هاد الشي خلّاها مركز تجاري مهم على مستوى المنطقة و منطقة الشمال.
فيها عدد كبير من الأبنية التاريخية و الأثرية، و أحياءها، و أسواقها، و بيوتها، و أزقتها اللي بتكون متعرجة و ملتوية و مسقوفة، و معالمها. المدينة فيها أكتر من 160 معلم، بين قلعة، و جامع، و مدرسة، و خان، و حمّام، و سوق، و سبيل مي، و كتابات، و نقوش، و رُنوك، و غيرها من المعالم التاريخية و الفنية.
المدينة بتنقسم لقسمين: القسم الأول هو المينا و القسم التاني هو المدينة نفسها بالإضافة لضاحيتيها، البحصاص و البداوي، و شريطين ضيقين على امتداد شاطئ البحر، واحد باتجاه الشمال، و التاني باتجاه الجنوب، و بتوصل مساحتها لحوالي 27 كيلومتر مربع. عدد سكان طرابلس (الكبرى) اللي عايشين فيها حوالي 850 ألف نسمة تقريباً، و بتعتبر الكثافة السكانية فيها الأعلى على الإطلاق لإنها بتوصل لحوالي 7086 شخص بالكيلومتر الواحد.
الاسم
[edit | edit source]طرابلس هي تعريب لكلمة (Τρίπολις - Tripolis) باليوناني اللي بتعني "المدن التلاتة". والاسم بيرجع لإنو إتأسس على أرضها أول اتحاد من نوعو بالعالم بهديك الأيام، بين تلات مدن فينيقية قديمة: صور، صيدا، و أرواد.
هاد الاتحاد أدى لإنشاء مدينة فينيقية بتلات أحياء عمرانية، و هنن «محلاتا»، «مايزا»، و«كايزا». و صارت هديك الأحياء العمرانية النواة الأساسية اللي قامت عليها طرابلس اللي منعرفها اليوم.
المدينة كمان كان إلها أكتر من اسم عبر العصور، ففي رسائل تل العمارنة انسمت «دربلي». و بآثار تانية انذكرت باسم «أهلية» أو «وهلية». و بالمنحوتات اللي بتوثق انتصارات الغزو الآشوري للمدينة، انقال عنها «مهالاتا»، «مهلاتا»، «مايزا»، و«كايزا».
بين القرن السادس و القرن الرابع قبل الميلاد، طرابلس صار إلها شأن كبير بين المدن الفينيقية و صارت عاصمة الاتحاد الفينيقي، و اسمها صار (آثر - Athar). و هاد الشي انكشف من خلال قطع النقود اللي انسكّت فيها بتاريخ 198 - 188 قبل الميلاد، و هاد كان بالعصر اليوناني بس بتحمل كتابة فينيقية بتدل على اسم طرابلس الفينيقي.
لما دخلها اليونانيين بالقرن الرابع قبل الميلاد، سموها "تريبوليس - Tripolis" يعني "المدينة المثلثة". و ضل هاد الاسم إلها طول العصور التاريخية اللي مرت عليها، من الرومان للعرب. و لما دخلها العرب بالقرن السابع الميلادي، عربو الاسم و صار "أطرابلس" بإضافة الهمزة بالأول لحتى يميزوها عن طرابلس الغرب. و بعدين انشالت الهمزة و صارت طرابلس.
و كان اسم طرابلس و منطقتها "إمارة طرابلس"، و بعدين صار اسمها "دولة طرابلس"، و بعدها "مملكة طرابلس المشرقية".
أما بالصليبيين، فكانو يسموها (تريبل) و خلوها مركز لمقاطعة طرابلس. و إتلقبت بـ"المدينة المقدسة" بالنص الأول من القرن التاني الميلادي. و كمان العرب سموها "الفيحاء"، و لساتها لليوم بينقال عنها هيك.
مصادر
[edit | edit source]روابط برانيه
[edit | edit source]- طرابلس على مُعرِّف موسوعة بريتانيكا على الإنترنت (EBID)
- طرابلس على مُعرِّف سنارك (SNARC)
- طرابلس على معرف ميوزك برينز للأماكن
- طرابلس على مُعرِّف الموسوعة الروسية العظمى (GREO)
- طرابلس على معرف مقالة ويكي سيمبسونز
- طرابلس على مُعرِّف مكنز باكتولس (PACTOLS)
- طرابلس على مُعرِّف "غروف" للفنِّ على الإنترنت (Grove)
- طرابلس على مُعرِّف قاعدة البيانات الحرة (Freebase)
- طرابلس على مُعرِّف موضوع في موقع كيورا
- طرابلس على مُعرِّف لكس في ييل
- طرابلس على معرف فيس بوك للأماكن
- طرابلس على مُعرِّف الأسماء الأرضية (GeoNames)
- طرابلس على معرف ميزة GNS
- طرابلس على مُعرِّف علاقة على خريطة الشَّارع المَفتُوحة (OSM)
- طرابلس على معرف قائمة في التراث العالمي المؤقت
- طرابلس على مُعرِّف موسوعة الفن الإسلامي والهندسة المعمارية
 Tripoli على كورا | |
| صور و ملفات صوتية من كومنز على كومنز | |
مدن لبنان | ||
|---|---|---|
| محافظة بيروت | ||
| محافظة الشمال | ||
| محافظة جبل لبنان | ||
| محافظة البقاع | ||
| محافظة النبطية | ||
| محافظة الجنوب | ||
| محافظة بعلبك الهرمل | ||
| محافظة عكار | ||
| محافظة كسروان جبيل | ||
ضبط استنادي – Tripoli | |
|---|---|
| دوليه | |
| وطنيه | |
| جغرافيه | |
| غيرها | |
