Wp/apc/شجرت الزيتون

شجرت الزيتون بيزرعوا الناس تيستفادو منا من أكتر من خمس تالاف سني، وبتفرع بكل المناطق من داير مَ داير البحر المتوسط وكمان نتفي حوالا البحر الأسود، يعني بمناطق أبتكون فيا ظروف المناخ قاسي. فيتا تتحمل الشوب لحد كبير، بس أبتقوا بالمرّا إنا تتحمل الصقعا بالشتويات البيردي، وهالشي هادا بيهدد حصيدت سنين (حسب كل سني بسنتا) وكمان بيخلي كروم زيتون كلا عبعضا مَ تضاين للمستقبل. هايا الشجرا هيي النبتي البتميز عالم النبات تبع البحر المتوسط، ووقت بتفرع كيّس بشي منطقا بتدل إنو هايا المنطقا مناخا هوي مناخ البحر المتوسط أو مناخ بيشبهو.

شجرت الزيتون هيي نبتي خضرا عَ طول، يعني أَبيهرَ بولا فصل كل الورق التبعا؛ الورق القديم العمرو كزا سني بينقبع أبيهم بناهو فصل.

ضلو الناس يجربو كل حياتن يوسعو المنطقا اللي بينزرع فيا الزيتون عمناطق صوب الشميل ومناطق أقسا من مناطقا الأصلي. وضلت هايا المحاولات عَ مدا ميّات من السنين تفشل بلإيخر، والمرّا الأخيرا اللي صار فيا هادا الشي كانت بشباط سنت 1956، لإنو وقتا جيّت موجة برد من أوروپا الشرقي موتت ملايين من شجرات الزيتون بجنوب فرنسا وإيطاليا وإسپانيا.

الزيتون مَ طيّب يتّيكل نيّ متل ما هوي عالشجرا عمرورتو، لهيكي بيتّيكل بعد مَ ينّقع بالموي كزا مرّا، تتنشال منو الطعمي المَرّا ويصير خرج يتّيكل.

بدّا الزيتوني سبع سنين من وقت بتكون نبتي ظغيري تحتّا تنقطف أول مرّا. الحصيدي بتصير حسب المنطقا من نص تشرين الأول وبتضل مرّات لآدار.

جاب الإنجيل سيرت شجر الزيتون والرزق البيطلعو كتير مرّات، وحكا عن كترتو بأرض كنعان وعن دورو الكبير باقتصاد سوريا القديمي.