Wp/apc/سلمية (سوريا)

سَلَمِيِّة
مدينة في وسط سوريا تابعة لمحافظة حماة
الاسم بالإنجليزي Salamiyah
الموقع
عاصمة لـ	منطقة سلمية
التقسيم الإداري	ناحية مركز سلمية
الإدارية
الدولة	سوريا
الموقع الرسمي
الموقع الرسمي	http://www.salamieh.com/
الحكومة والسياسات
منطقة زمنية	ت ع م+02:00
رمز الهاتف	33
منطقة زمنية	ت ع م+02:00، ت ع م+03:00

سلمية (بدون ال التعريف) هي مدينة بوسط سوريا بتتبع لمحافظة حماة، على بعد حوالي 33 كم للجنوب الشرقي من حماة، و 45 كم للشمال الشرقي من حمص. بتتلقب بإسم "أم القاهرة"، لأنو انولد فيها الخليفة الفاطمي التاني القائم بأمر الله، يلي عيلتو أسست بعدين مدينة القاهرة، و كمان كانت مقر مبكر لوالدو عبد الله المهدي بالله اللي اسس الدولة الفاطمية. سلمية مركز مهم لمدارس الإسماعيلية الشيعية النزارية و الطيبية، و كمان مسقط رأس الشاعر محمد الماغوط. وصل عدد سكان المدينة ل 66,724 حسب احصاء 2004.

جغرافيا

سلمية موجودة بسهول خصبة على طراف البادية السورية، على بعد شي 40 كم جنوب شرق حماة، و 51 كم شمال شرق حمص. بتمتد قريب من جبل الأعلى اللي شمالها، و بترتفع شي 1,500 قدم (460 متر) عن سطح البحر.

التاريخ

العصور القديمة و قبل الإسلام

بيحكوا إنو منطقة سلمية كانت مسكونة من أيام السومريين (2400-3000 قبل الميلاد) و الآموريين (2100-2400 قبل الميلاد)، و بعدين خضعت للحثيين و الآشوريين، و بعدن إجا الآراميين بالقرن التاسع و التامن قبل الميلاد و ضمّوها لمملكة حماة.

العصر الروماني والبيزنطي

ازدهرت سلمية بالعصر السلوقي و صارت محطة تجارة مهمة، و اتّصلت بأفاميا بطريق معبّد. بوقت الحكم الروماني صارت تابعة لحمص، و كملت ازدهارها بالعصر البيزنطي و صارت مركز مسيحي كبير يمتد سلطتو من طرابلس الشام للرصافة.

الفتح الإسلامي والعصور اللاحقة

خربت سلمية بسنة 547م بسبب غزو الفرس. بسنة 754م تقريباً (136 هـ)، بناها من جديد عبد الله بن صالح بن علي العباسي. بالقرن التاني والتالت هجري (الثامن والتاسع ميلادي)، صارت مقر لدعاة الإسماعيليين السرية. بـ874م هاجمها القرامطة بقيادة الحسين بن زكرويه و دمروها تقريباً بالكامل. واحد من أحفاد الدعاة اللي هربوا هو عبيد الله المهدي، راح ع شمال أفريقيا و أسّس الدولة الفاطمية.

العصور الوسطى (الأيوبي والمملوكي)

صلاح الدين الأيوبي عطاها لابن أخوه الملك المظفّر تقي الدين، و بعدين صارت محل نزاع بين ملوك حمص وحماة. بـ1242م، الملك المظفّر أعطاها للأمير مهنا آل الفضل بعد معركة عين جالوت. تيمورلنك دمّرها مرة تانية، و ضلت مدمّرة شي خمس قرون تحت حكم آل مهنا (اللي تسمّوا لاحقاً آل أبي ريشة).

العصر العثماني والقرن التاسع عشر

بقيت سلمية بلدة صغيرة تابعة إدارياً لسنجق طرابلس، و كان أغلب الوقت حكمها بيد آل أبي ريشة البدو. بسنة 1848م، السلطان عبد المجيد أصدر عفو لكل مين يعمّر مناطق شرق نهر العاصي، فهاجرو الإسماعيليين من جبال الساحل و رجعوا عمّروها، و صار في قرى جديدة حواليها.

العصر الحديث

صارت أكبر مركز إسماعيلي بالعالم العربي (رغم وجود مراكز أكبر برا)، و اندفن فيها الأمير علي خان جدو للإمام الحالي آغا خان الخامس. شهدت تنوّع ديني مع بناء أول جامع سنّي بالقرن العشرين، و صارت تضم مساجد سنية و جعفرية، و كمان اجوا عوائل شيعية إمامية من القدموس.

الحرب الأهلية السورية

بـ21 كانون التاني 2013 صار تفجير اخد حياة عدد كبير من المدنيين. بين 2012 و2017، صارت طرق سلمية-أثريا-حلب شريان أساسي بمناطق الحكومة بسبب فقدان السيطرة ع طرق حمص-حماة وحماة-حلب. هالشي خلّا المدينة تتعرّض أحياناً لقصف هاون من داعش أو المعارضة. تراجعت أهميتا الاستراتيجية بعد ما أمّن الجيش السوري طريق حمص-حماة بـ1 شباط 2018. بعد عملية ردع العدوان، صار في اتفاقية بين قيادة الطائفة الاسمائيلية و هيئة تحرير الشام سمح لأهل المنطقة يعملوا لجنات لحماية حالهن تحت قيادة المعارضة (يلي هلّق صارت الحكومة السورية الانتقالية)

السكان

كان بالسلمية تقريبا 67،000 نسمة ب2004 حسب احصاء. اغلب السكان من الطائفة النزارية الاسماعيلية الشيعية و في من غير انواع الشيعة عدد قليل. كمان في اقلية علوية بالمدينة.

روابط برانيه

• سَلَمِيِّة على مُعرِّف قاعدة البيانات الحرة (Freebase)
• سَلَمِيِّة على تصنيف ديوي العشري (DDC)
• سَلَمِيِّة على مُعرِّف الروَّاد (WOFID)
• سَلَمِيِّة على مُعرِّف موضوع في موقع كيورا
• سَلَمِيِّة على مُعرِّف لكس في ييل
• سَلَمِيِّة على معرف فيس بوك للأماكن
• سَلَمِيِّة على مُعرِّف سنارك (SNARC)
• سَلَمِيِّة على مُعرِّف الأسماء الأرضية (GeoNames)
• سَلَمِيِّة على معرف ميزة GNS
• سَلَمِيِّة على مُعرِّف فيسبوك
• سَلَمِيِّة على مُعرّف عقدة في خريطة الشارع المفتوحة (OSM)

Salamiyah على مواقع التواصل الاجتماعي

Salamiyah على فيسبوك

Salamiyah على كورا

سَلَمِيِّة على المشاريع الشقيقة