Wp/apc/داريا
| مدينة في سوريا | |
| الاسم بالإنجليزي Darayya | |
 | |
| الموقع | |
| التقسيم الإداري | ناحية مركز داريا |
| الإدارية | |
| الدولة | سوريا |
| التاريخية | |
| حدث هام | حصار داريا والمعضمية، مذبحة |
| الحكومة والسياسات | |
| منطقة زمنية | ت ع م+02:00 |
| منطقة زمنية | ت ع م+02:00، ت ع م+03:00 |
داريا مدينة سورية عريقة قريبة من دمشق، وهي بمحافظة ريف دمشق ومركز منطقة داريا. موقعها عالجهة الغربية من العاصمة دمشق بحوالي تمان كيلومتر، وقريبة كتير من حي المزة الدمشقي ومدينة معضمية الشام، وبتعتبر أكبر مدن الغوطة الغربية.
تاريخها قديم، ومرتبط بتاريخ دمشق نفسها. مع هيك، هي استوطنت من زمان، وكانت أكبر قرى الغوطة بأيام الفتح الإسلامي.
بسنة 2011، الاحتجاجات اللي صارت بالمدينة أدت لسقوط عشرات القتلى واعتقال ميات من الأهالي، و كانت من معاقل الثوار بريف دمشق.
التسمية
[edit | edit source]اسمها بيجي من كلمة "دار الرؤية" السريانية، لأنو بينقال إنو السيد المسيح تجلّى فيها للقدّيس بولس. النسبة الها "داراني."
التاريخ
[edit | edit source]داريا وحدة من أقدم المدن بسوريا، و بيحكوا انو هون صار بولس مسيحي (بالسنين التلاتينات للميلاد) ع طريق دمشق. بسنة 1838، ذكر إيلي سميث انو داريا واقعة بوادي العجم، و فيها سكان سنة و مسيحيين. البطريرك غريغوريوس التالت لحام، القائد السابق للكنيسة الروم الملكية الكاثوليكية، انولد هون ب 15 كانون الأول 1933 باسم لطفي لحام.
السكّان
[edit | edit source]كان عدد سكان المدينة 131,501 بسنة 2004، و بهالشكل بتصير داريا التاسعة عشرة بين أكبر المدن السورية حسب التقسيم الجغرافي. ارتفاعها حوالي 689 متر عن سطح البحر (2,260 قدم). بعد سنة 2011، بلش عدد السكان ينخفض بسبب الصراع بين قوات الحكومة السورية و قوات المعارضة، ليوصل لحوالي 7 آلاف مدني و مقاتل لحد 26 آب 2016. بعدها، و نتيجة الحصار القاسي اللي كان مفروض عالمدينة، أجبرت الحكومة السورية باقي السكان يقبلوا التهجير القسري للشمال السوري، فصارت المدينة فاضية من أهلها. بعدين سمحت الحكومة البعثية السابقة لعدد من العوائل إنو يرجعوا ع بيوتهم بس بعد ما أخدوا الموافقات الأمنية اللازمة.
الثورة السورية
[edit | edit source]داريا شاركت بقوة بالثورة السورية ضد نظام بشار الأسد بأوائل 2011، وطلعت أول مظاهرة فيها بتاريخ 25 آذار. بعدين توسّعت المظاهرات وصارو اهل المدينة يصدروا جريدة سرية اسمها "عنب بلدي". ب "الجمعة العظيمة" سقط أول قتلى (7 أشخاص) برصاص الأمن، وبلّشت الحواجز تنتشر.
ب1 أيار اتقطعت الاتصالات وتعرّضت المدينة لحصار، واستُشهد الشب "المعتز بالله الشعار" على أحد الحواجز، وانتشر فيديو لأبوه عم يحكي شو صار. ب6 أيلول اعتقلوا الناشط غياث مطر بكمين، و بعد أربع تيام سلموا أهلو جثمانو وعليه آثار تعذيب. بسنة 2012 ب25 آب صارت مجزرة "السبت الأسود" راح ضحيتها أكتر من 300 شخص.
الجيش الحر
[edit | edit source]بداية 2012 بلش الجيش الحر بداريا بعدد صغير من شباب المنطقة حاملين روسيات ومسدسات، بعدين ازداد العدد مع انشقاقات وتطوع شباب جداد. تشكلت كتائب، متل "كتيبة شهداء داريا" يلي صدت هجمات النظام، وبعدين اتأسس "لواء شهداء الإسلام".
المجلس المحلي
[edit | edit source]تأسس ب17 تشرين الأول 2012 بعد المجزرة الكبيرة يلي راح فيها أكتر من 700 شخص. كان هدفو ينظّم الشغل الثوري والعسكري تحت إطار واحد، ويمثّل المدينة ويرتب أوضاعها بعد سقوط النظام. هالمجلس كان فيه مكتب تنفيذي وهيئة تشريعية وهيئة عامة، والمكتب العسكري جزء من هالهيكلية بس مو المسيطر عليه.
مقام الست سكينة
[edit | edit source]مقام الست سكينة انخرب قبل ما يتفجر بالكامل بسنة 2015.
مصادر
[edit | edit source]- https://syrianmemory.org/archive/figures/6585563a6f0f2d0001c2d918
- https://syrianmemory.org/archive/figures/5de1405750faa900019cbd0c
- https://syrianmemory.org/archive/figures/5f09a802d147b900017fb693
- https://syrianmemory.org/archive/figures/60740fcba02ea200014f9747
- https://syrianmemory.org/testimonials/witnesses/635bd8a6d5b71d0001090eb7
- https://syrianmemory.org/archive/documents/5c7fc810fec483000121241e
روابط برانيه
[edit | edit source] Darayya على فيسبوك | |
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
