Wp/apc/حارم
| قرية في سوريا | |
| الاسم بالإنجليزي Harem | |
 | |
| الموقع | |
| عاصمة لـ | منطقة حارم |
| التقسيم الإداري | ناحية مركز حارم |
| الإدارية | |
| الدولة | سوريا |
| الحكومة والسياسات | |
| منطقة زمنية | ت ع م+02:00 |
| لغة رسمية | العربية |
| منطقة زمنية | ت ع م+02:00 |
حارم هي مدينة بمحافظة إدلب بالشمال الغربي لسوريا. ارتفاعها حوالي 160 متر، و عدد سكانها بحدود 21,934. حارم موجودة عالحدود مع تركيا، و بتبعد حوالي 55 كم للغرب عن حلب. هي مركز منطقة و ناحية حارم.
التاريخ
[edit | edit source]المدينة ع الطريق بين أنطاكية و حلب، و موجودة من أيام البيزنطيين.
قلعة حارم: من البيزنطيين للسلاجقة
[edit | edit source]في قلعة مهمة بحارم، مبنيّة بأسلوب عسكري مميز. بالأصل كانت بيزنطية، بناها نقفور فوكاس التاني بعد سنة 959، و بعدين أخدها العرب و بعدين السلاجقة.
الصليبيين والزنكيين والأيوبيين
[edit | edit source]بسنة 1097، الصليبيين سيطروا عليها لـ40 سنة، إلا فترة قصيرة بالـ1098 لما أخدها العرب. موقع المدينة مهم لأنو على الضفة الشرقية لنهر العاصي، و مشرف ع طريق أنطاكية-حلب. بـ1149 سقطت بإيد نور الدين بعد معركة أناب ضد ريمون التاني، بس رد اخدها بلدوين التالت سنة 1158. نور الدين رجع حاصرها بالـ1164، و لما حاولوا الصليبيين يفكوا الحصار، انهزموا هزيمة كبيرة بمعركة حارم، و انمسكت قياداتهم متل ريمون التالت بطرابلس و بوهيموند التالت بأنطاكية و غيرهن. بعد هالشي ضلت القلعة بإيد المسلمين لنهاية العهد الصليبي، رغم محاولة فليب الفلمنكي باخدها سنة 1177. بعدين، ابنو لصلاح الدين، الملك الظاهر غازي، رمم القلعة الصليبية.
الدمار المغولي
[edit | edit source]لما اجتاح المغول بقيادة هولاكو خان سنة 1260، دمّروا أغلب حارم و القلعة تبعها، و قتلوا اكترية السكان.
القرنين ال19 و ال20
[edit | edit source]بأوائل القرن الـ19، عيلة برمدا عمروا حارم بعد ما كانت مدمرة ع أيد المغول بالقرن الـ13. ملاّك الأراضي بحارم من 1800 لحد 1963 كانوا أربع عوائل رئيسية: برمدا، كيالي، الكيخيا وهنانو. بسنة 1980، الحكومة السورية صادرت كل الأملاك و الأراضي تبع عيلة برمدا.
الحرب الأهلية السورية
[edit | edit source]بفترة الحرب الأهلية بسوريا، ضلت حارم تحت سيطرة النظام بالأول، بس بعد معركة طولها شهرين باواخر 2012 استسلم النظام لـ"الجيش السوري الحر". بأواخر 2014، صارت مركز لجبهة النصرة. بـ24 كانون التاني 2016، أحرار الشام قلّعوا النصرة من حارم بعد صراعات بيناتهن، و ضل في اشتباكات قريبة بسلقين.
زلزال 2023
[edit | edit source]بشباط 2023، صار زلزال كبير ضرب جنوب تركيا و شمال سوريا، و مدينة حارم تضررت كتير، و مات المئات، و ما وصلها أي مساعدات دولية تقريبا.
مصادر
[edit | edit source]روابط برانيه
[edit | edit source]
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
