Wp/apc/جرابلس
| مو متوفر | |
| الاسم بالإنجليزي Jarabulus | |
| الموقع | |
| عاصمة لـ | منطقة جرابلس، ناحية مركز جرابلس |
| التقسيم الإداري | ناحية مركز جرابلس |
| الإدارية | |
| الدولة | سوريا |
| الحكومة والسياسات | |
| منطقة زمنية | ت ع م+02:00 |
| منطقة زمنية | ت ع م+02:00، ت ع م+03:00 |
جرابلس (بالكردي:Cerablûs ،بالتركي:Cerablus او Carablus) هي مدينة بشمال سوريا بتتبع لمحافظة حلب. بتقع ع ضفة الفرات الغربية، شمال بحيرة الأسد، و جنوب الحدود التركية جنب مدينة كركميش التركية. كان عدد سكانها حوالي 11,570 (إحصاء 2004)، و زاد العدد بشكل كبير خلال الحرب. هي مركز منطقة و ناحية جرابلس.
التاريخ
[edit | edit source]بالعصر البرونزي و الحديدي، المنطقة شمال جرابلس (جزء منها بتركيا هلق) كانت موقع "كركميش". بالزمن اليوناني و الروماني اسمها يوروبوس (Europos)، اللي منه تطوّر لاسم "جرابلس". أيام العثمانيين بالقرن 18، اسمها كان "دجيرابيس" أو "دجيرابولس" و غيرها. صارت مدينة حدودية مع تركيا بعد اتفاقية لوزان.
الثورة السورية
[edit | edit source]بالثورة السورية 2012، المعارضة أخدت المدينة مع معبرها الحدودي بـ 20 تموز 2012. بـ2013 داعش سيطرت عليها، و بكانون التاني من 2014 المعارضة حاولت تاخدها بس داعش رجعت بنفس اليوم. الYPG حاولوا ياخدوها بس تركيا هدّدتهم بالقصف، فضلّت بإيد داعش لحد 24 اب 2016 لما دخلها الجيش الحر المدعوم من تركيا ("درع الفرات") و طردوا داعش بعملية عسكرية كبيرة. بعد ما ربطوا جرابلس بالراعي، بعدوا داعش عن الحدود بشكل كامل.
السكان
[edit | edit source]أغلب الناس هنن عرب و تركمان (من عشيرة البراك)، و في كمان شوية أكراد حواليها بالريف. بالتقارير التركية، المنطقة فيها عرب و تركمان، بس كمان فيها قبيلة بارازي الكردية (بتشمل عرب كمان) من جرابلس لسروج بتركيا. تقريباً في 16 ألف كردي حول جرابلس. المستشرق "هوغارث" ذكر بالقرن 20 إنو البلدة كانت تنقسم بين عرب عشيرة الجيس المصالحه و تركمان عشيرة البراك.
الحكم
[edit | edit source]بعد ما أخدت المعارضة جرابلس 2012، و بعدين داعش 2013، اتقلعت داعش 2016، تشكل مجلس محلي جديد بإشراف تركي. كان في "مجلس جرابلس العسكري" تابع لقسد أعلنوه بسنة 2016 بس تركيا منعتهم بالمنطقة. ببداية ايلول 2016، اتهم مجلس قديم يلي كان مقر بكركميش انو تركيا عم تستبدلهم بمجلس جديد من تركمان موالين لإلها، و حركة نور الدين الزنكي كمان دعمت فكرة المجلس الجديد. في اتهامات بتبعية المجلس لإرادة تركية. حكومة المعارضة المدعومة تركيا التقت بالمجلس بنفس اليوم.
الأمن
[edit | edit source]22 كانون التاني 2017 بعتوا 450 شرطي اتدرب بتركيا ليحموا المدينة. رئيس هالقوى هو العميد عبد الرزاق أصلان (منشق عن النظام).
التعليم
[edit | edit source]بعد ما طلعت داعش، رجعوا الولاد للمدارس، و بلشوا يتعلموا التركي بدل الفرنسي. بتشرين الاول من 2018 فتحت جامعة غازي عنتاب كلية مهنية بجرابلس.
البنية التحتية
[edit | edit source]خططت تركيا انو تمد كهربا من كركميش لجرابلس ع طول 3 كم (1 كم على الحدود التركية، 2 كم بسوريا)، و توزعها مجاناً. كمان حولو مدرسة لمشفى باسم "وزارة الصحة التركية – مستشفى جرابلس" بعلم تركيا.
المناخ
[edit | edit source]جرابلس مناخها متوسّطي بصيف شوب (Csa حسب تصنيف كوبن)، مع ملامح قارية شتوية، شوب و جاف بالصيف، و بارد ماطر بالشتا مع شوية تلج.
مصادر
[edit | edit source]روابط برانيه
[edit | edit source] Jarabulus على فيسبوك | |
| صور و ملفات صوتية من كومنز على كومنز | |
مدن سوريا | ||
|---|---|---|
| محافظة السويداء | ||
| محافظة درعا | ||
| محافظة القنيطرة | ||
| محافظة دمشق و محافظة ريف دمشق | ||
| محافظة حمص | ||
| محافظة دير الزور | ||
| محافظة حماة | ||
| محافظة طرطوس | ||
| محافظة اللاذقية | ||
| محافظة الرقة | ||
| محافظة إدلب | ||
| محافظة حلب | ||
| محافظة الحسكة | ||
ضبط استنادي – Jarabulus | |
|---|---|
| دوليه | |
| وطنيه | |
