Wp/apc/جبيل (لبنان)
| مستوطنة في لبنان | |
| الاسم بالإنجليزي Byblos | |
 | |
| معلومات عامة | |
| توأمة مع | بتراس، قادس، أيا نابا |
| الموقع | |
| عاصمة لـ | قضاء جبيل |
| التقسيم الإداري | قضاء جبيل |
| الإدارية | |
| الدولة | لبنان، فينيقيا |
| الموقع الرسمي | |
| الموقع الرسمي | http://www.jbail-byblos.gov.lb/ |
| الحكومة والسياسات | |
| منطقة زمنية | ت ع م+02:00 |
| منطقة زمنية | ت ع م+02:00، ت ع م+03:00 |
جبيل، المعروفة كمان باسم بيبلوس (بالإغريقي: Βύβλος)، هي مدينة قديمة بمحافظة كسروان جبيل بلبنان. بيعتقد إنو تم استيطانها لأول مرة بين 8800 و 7000 قبل الميلاد، و استمر العيش فيها من 5000 قبل الميلاد. عبر تاريخها، كانت جزء من كزا حضارة، منها المصرية، الفينيقية، الأشورية، الفارسية، الهلنستية، الرومانية، الجنوية، المملوكية، و العثمانية. العمران بالمدينة بلش بالقرن التالت قبل الميلاد و تطورت لمدينة حقيقية، مما بيخليها واحدة من أقدم المدن بالعالم، إذا ما كانت الأقدم. و هلّق هي موقع تراث عالمي باليونسكو. بجبيل، تم تطوير الأبجدية الفينيقية، اللي غالبًا بتكون السلف للأبجدية اليونانية، اللاتينية، و كل الأبجديات الغربية.
الاسم
[edit | edit source]المدينة كانت تُعرف بالهيروغليفية المصرية باسم "كِبني" من زمن الفرعون سنفرو بالأسرة الرابعة (2600 ق.م)، و باسم "جُبلا" بالمسمارية الأكادية برسائل تل العمارنة للفراعنة أمنحتب التالت و الرابع. بألفية الأولى قبل الميلاد، ظهر اسمها بالنقوش الفينيقية و البونيقية كـ "جِبال"، و بالعبرية كـ "جِفال"، و بالسريانية كـ "GBL". يعتقد إنو الاسم جاي من كلمة "GB" بمعنى "بئر"، و "ʾL" بمعنى "إله"، و بهالطريقة، بيكون معناها "بئر الإله" أو "مصدر الإله". الاسم العربي الحالي "جبيل" أو "جُبيل" هو امتداد لهالأسماء القديمة، و يبدو إنو اتغيّر بسبب التفسير الجذر الثلاثي "GBL" أو "JBL" بمعنى "جبل". خلال الحملات الصليبية، ظهر الاسم بالسجلات الغربية كـ "جيبيليت" أو "جيبليت"، و استخدم كمان لقلعة جبيل و الإمارة التابعة إلها. الاغريق سموها "بيبلوس" بسبب استيرادهم للبردي من مصر القديمة عبر موانئها، لدرجة إنو "بيبلوس" صار يعني "البردي" بالاغريقية، و من هون، كلمة "Bible" (الكتاب المقدس) أخدت أصلها من اسم المدينة.
التاريخ و الآثار
[edit | edit source]جبيل بتبعد حوالي 42 كم شمال بيروت، و بتُعتبر كنز أثري بسبب تراكم طبقات حضارية مختلفة نتيجة آلاف السنين من الاستيطان البشري. أول تنقيب أثري كان سنة 1860 من قبل إرنست رينان، و نشر أبحاثه بين 1865 و 1874. بعده، بيير مونتي نقّب فيها بين 1921 و 1924، و بعدين موريس دونان تابع التنقيب لـ 40 سنة من 1925. حسب النصوص القديمة، جبيل كانت أول مدينة انبنت بفينيقيا، و أسسها الإله كرونوس (اللي كان يُعتبر معادل للإله الكنعاني بعل/بعل حمّون). الكاتب فيلو الجبيلي، مستندًا ع سَنخونياثون، قال إنو جبيل تأسست من قبل الإله "إيل"، اللي كان يعتبر إله الآلهة عند الكنعانيين. بنهاية الألف التالت قبل الميلاد، ظهرت أولى ملامح العمران بالمدينة، مع بقايا بيوت مبنية بشكل متناسق، و بهالفترة بلشت الحضارة الكنعانية تتطور.
العصر الحجري الحديث و المعدني
[edit | edit source]تم اكتشاف آثار ترجع للعصر الحجري الحديث و النحاسي بالمدينة، مع أدلة على وجود بيوت، مقابر، و أدوات حجرية. الطبقات الأثرية قسمت لخمس فترات، و أُعيدت معايرتها لتتوافق مع موقع أريحا. الاستيطان الأول كان بين 8800 و 7000 ق.م، و كان متأخر عن مستوطنات سهل البقاع مثل اللبوة و أرض طليلات. جبيل توسعت باتجاه السهل و غطت مساحة 1.2 هكتار، مما وفر أراضي زراعية خصبة و مرفأ طبيعي للقوارب. البيوت كانت مستطيلة و أرضياتها مغطاة بالجص، و الفخار كان غامق و مزخرف بأصداف. مع الوقت، ظهرت تصاميم بناء أكثر تعقيد، و استخدامات أوسع للنحاس، مع اكتشاف خطّافات نحاسية و قبور داخل جرار فخارية.
العصر البرونزي
[edit | edit source]بداية الألف التالت قبل الميلاد، جبيل تحوّلت من قرية صيادين لمدينة حقيقية. بالتزامن مع المملكة المصرية القديمة و الوسطى، كانت جبيل أشبه بمستعمرة مصرية، و ظلت حليف قوي لمصر لعدة قرون. الفراعنة كانوا يستخدموا خشب جبيل بصناعة السفن، و واحد من أقدم المصطلحات المصرية للسفن البحرية كان "سفينة جبيل".
العصر الحديدي و الفترات اللاحقة
[edit | edit source]بالقرن 8 ق.م، ملك جبيل "سبتيبعل" دفع جزية لتغلات بلاصر التالت، و سنة 701 ق.م، سنحاريب استولى على كل فينيقيا و كان ملك جبيل وقتها "أوروملكي". بعدين، الفرس خلوها واحدة من أربع ممالك فينيقية تحت سيطرتهم. بالعصر الهلنستي، الإسكندر الأكبر استولى عليها بـ 332 ق.م، و استمر تداول العملات النقدية فيها. بالعصر الروماني، تم إعادة بناء معبد الإله رشيف، و رغم إنها كانت أصغر من صور و صيدا، إلا إنها كانت مركز لعبادة أدونيس. الملك هيرودس اليهودي بنى لها سور. بالقرن 3، تم بناء مسرح روماني صغير، و مع انتشار المسيحية، صارت جبيل مركز لأسقفية.
العصور الوسطى و الفترة العثمانية
[edit | edit source]بالقرن 12 و 13، جبيل كانت جزء من كونتية طرابلس الصليبية، و حكمتها عيلة إمبرياك الجنوية. قلعة جبيل كانت قاعدة عسكرية رئيسية للصليبيين، و لما صلاح الدين استعاد المدينة سنة 1187، أرجعها للصليبيين بعد فترة، و بعدين المماليك احتلوها بـ 1266. رغم هيك، المدينة كانت من المدن القليلة اللي سلمت من النهب بعد استسلامها طوعًا للمماليك. من 1516 لحد 1918، جبيل كانت جزء من الدولة العثمانية.
التاريخ الحديث
[edit | edit source]بعد سقوط الدولة العثمانية، جبيل و كل لبنان صاروا تحت الانتداب الفرنسي من 1920 لـ 1943. خلال حرب 2006، تضررت جبيل نتيجة تسرب نفطي من محطة طاقة قريبة، و مؤخراً، بالـ 2024، حصلت جبيل ع حماية ثقافية مع 33 موقع لبناني تاني من قبل اليونيسكو للحفاظ عليها من أي ضرر ناتج عن الحرب الإسرائيلية ع لبنان.
=السكان و الدين
[edit | edit source]جبيل أغلب سكانها مسيحيين، و أغلبهم موارنة، مع وجود أقليات من الأرمن الأرثوذكس، الروم الأرثوذكس، و الكاثوليك. في أقلية شيعية، و يقال إنو مدينة بنت جبيل بجنوب لبنان تأسست من قبل الشيعة اللي هاجروا من جبيل. جبيل عندها تلات ممثلين بالبرلمان اللبناني: اتنين موارنة و واحد شيعي. 64.57% من يلي صوتوا كانوا موارنة، 10.45% كانوا أرمن ارثودكس، 6.9% كانوا شيعة و 6.06% كانوا من السنّة. التقادير و المصادر كتير بتختلف، و بينقال انّو في بين ال 10 الاف و 60 الف نسمة فيها.
السياحة
[edit | edit source]جبيل عم تستعيد مكانتها كمركز سياحي راقي، بفضل ميناءها القديم، الآثار الفينيقية، الرومانية، و الصليبية، و شواطئها الرملية، و الجبال اللي حواليها. المدينة مشهورة بمطاعم السمك، البارات المفتوحة، و الكافيهات. بالستينات و السبعينات، كانو يزوروها مشاهير مثل مارلون براندو و فرانك سيناترا. و بالـ 2016، تم تتويج جبيل "عاصمة السياحة العربية"، و بالـ 2012 تم اختيارها تاني أفضل مدينة بالشرق الأوسط بعد دبي من قبل "كوندي ناست ترافيلر"، و بالـ 2013، منظمة السياحة العالمية اعتبرتها أفضل مدينة سياحية عربية.
مصادر
[edit | edit source]- https://whc.unesco.org/en/list/295/
- https://vici.org/vici/2514
- https://www.patrasevents.gr/article/303087-i-lista-me-tis-23-adelfopoiimenes-poleis-tis-patras-iparxei-ousia-omos
- http://en.sistercity.info/sister-cities/C%C3%A1diz.html
- https://en.famagusta.news/local/ayianapa/me-tin-poli-vyvlo-toy-livanoy-adelfopoiithike-o-dimos-agias-napas
- https://www.archinform.net/service/wd_aiort.php
- http://whc.unesco.org/en/list/295
روابط برانيه
[edit | edit source]- جبيل على مُعرِّف موسوعة برولكسيس (Proleksis)
- جبيل على مُعرِّف موسوعة بريتانيكا على الإنترنت (EBID)
- جبيل على مرجع وكالة أنباء نوفوستي
- جبيل على مُعرِّف كيان لدى قاعدة بيانات الأساطير الإغريقية (MANTO)
- جبيل على مُعرِّف سنارك (SNARC)
- جبيل على معرف ميوزك برينز للأماكن
- جبيل على مُعرِّف الموسوعة الكاثُوليكيَّة
- جبيل على معرف تريسمجيستوس
- جبيل على معرف تريسمجيستوس
- جبيل على معرف فيشي.أورج
- جبيل على مُعرِّف مكان في موقع "توبوس تيكست" (ToposText)
- جبيل على مُعرِّف الموسوعة الروسية العظمى (GREO)
- جبيل على مُعرِّف الموسوعة الوطنيَّة السُّويديَّة (NE.se)
- جبيل على مُعرِّف موقع المخزون الثقافي (Kulturenvanteri.com)
- جبيل على مُعرِّف مكنز باكتولس (PACTOLS)
- جبيل على مُعرِّف "غروف" للفنِّ على الإنترنت (Grove)
| صور و ملفات صوتية من كومنز على كومنز | |
مدن لبنان | ||
|---|---|---|
| محافظة بيروت | ||
| محافظة الشمال | ||
| محافظة جبل لبنان | ||
| محافظة البقاع | ||
| محافظة النبطية | ||
| محافظة الجنوب | ||
| محافظة بعلبك الهرمل | ||
| محافظة عكار | ||
| محافظة كسروان جبيل | ||
ضبط استنادي – Byblos | |
|---|---|
| دوليه | |
| وطنيه | |
| جغرافيه | |
| غيرها | |
